2017-05-25 06:02:25 clouds 27o High | Kigali Rwanda

Dukurikire:
 
 

Rubavu: Babiri bakurikiranyweho kwiba Agaseke Bank miliyoni zirenga 50

Yanditswe na Claude Ntawitonda

Kuya 2016-05-26 08:32:19

 
Share on:
 
Yasuwe:6
 
Yavuzweho:200
 
10
 
10

Abakozi babiri ba Agaseke Bank Ltd ishami rya Gisenyi riherereye mu kagari ka Nengo, Umurenge wa Gisenyi mu karere ka Rubavu batawe muri yombi bakurikiranyweho kwiba amafaranga y’u Rwanda ari hejuru ya miliyoni 50 yari mu isanduku y’iyi banki.

Bivugwa ko aba bajura bigabije ishami rya banki Agaseke mu ijoro ryakeye rishyira kuri uyu wa kane, bakica idirishya ry’inyuma y’inyubako ari na ho bikekwa ko banyuze batwara amafaranga.

CIP Kanamugire Theobald, Umuvugizi wa polisi mu ntara y’Uburengerazuba yavuze ko kugeza ubu hari babiri bakoraga muri iyi banki bafashwe bakekwaho kugira uruhare muri iki gikorwa.

Aragira ati "Kugeza kuri uyu munota hari abakozi bakoraga muri iyi banki bafashwe bikekwa ko babigizemo uruhare iperereza riracyakomeje."

Mugisha Honoré Umunyamabanga Nshingwabikorwa w’Umurenge wa Gisenyi yavuzeko nabo bamenye iyi nkuru mu gitondo ariko bataramenya neza umubare nyakuri w’amafaranga yibwe n’ababikoze.

Aragira ati “Twabimenye mu Gitondo ko hibwe, Polisi irimo gukora iperereza ngo ibe yareba icyabiteye ariko abajura twasanze banyuze mu idirishya ry’inyuma batwara umutamenwa warimo amafaranga bivugwa ko arenga miliyoni 50.”

Yakomeje avuga ko ubwo ubu bujura bwabaga abazamu babiri barinda iyi banki bari basinziriye.

Umunyamakuru wa Imvaho Nshya uri aho ubu bujura bwabereye yavuze ko mu gihe polisi ikiri mu iperereza yabaye ifashe aba bazamu ndetse n’abakozi bose bakoraga muri iyi banki bamburwa telefoni zabo zigendanwa.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE