Advertisement
 
 
 
 
 
 
 
 

Amakuru | Mu Ntara

Rubavu: Abacuruzi bafungiwe kubera Cholera baratabaza   

  Yanditswe na IYAREMYE YVES
 4 months ago

 
 

Mu gihe abafashwe n’icyorezo bikekwako ari Cholera bakomeje guhabwa akato mu nkambi bashyiriweho kubakira, abacuruzi bamaze ibyumweru birenga bibiri bafungiwe barataka igihombo gikomeye kuko n’iminsi y’agateganyo bari bahawe ngo ikibazo gishakirwe umuti cyamaze kurenga.

Ubuyobozi bw’Akarere ka Rubavu bwashyizeho inkambi iherereye mu rwunge rw’amashuri rwa Kanama Catholique, ikaba imaze kwakira abarwayi bagera kuri 70 kandi ngo baracyiyongera.

Abacuruzi bafungiwe amazu kuva ku itariki ya 12 Nyakanga 2016 mu rwego rwo gukumira icyorezo cya Korera cyari cyagaragaye mu murenge wa Kanama no mu mirenge bituranye bararira ayo kwarika nubwo hagifungirwa n’abandi.

Bavuga ko bamaze guhura n’ibihombo bikomeye kuva aho bavungiwe kuko iminsi bari babwiwe ko bafungirwa yageraga ku 10 none bikababibaye ukwezi.

Ahacururizwaga ibyo kurya hamaze iminsi irenga 20 hafunzwe


Umwe muri aba bacuruzi waganiriye na Imvaho Nshya yagize ati “Ubukene bwafashe ingo zacu,ubu umwana arandeba nanjye bikanyobera. Nari mfite umwenda muri banki none ubu amatariki yo kwishura yararenze kandi ubucuruzi ari bwo bwampaga ubwishyu, ubu ndahangayitse.”

Undi ucururiza muri santeri ya Mahoko mu murenge wa Kanama yagize ati “Buri kwezi nishyuraga ibihumbi 80 by’ubukode,nari namaze kwishura imisoro byose. Ubu narihombeye kuko ukwezi kugiye gushira, abakozi banjye nari namaze kumenyereza nanze kubohereza iwabo ntegereje ko ikibazo gikemuka; iyi minsi yose bakoresheje arenga ibihumbi 150 kandi badakora.”

Sinamenye Jeremie Umuyobozi w’Akarere ka Rubavu yatangaje ko nubwo amatangazo yanditse hafungwa ahacururizwa yahagarikaga mu gihe cy’iminsi icumi gusa ngo ntihazafungurwa igihe hakigaragara iki kibazo.

Inkambi yashyiriweho abafashwe n'uburwayi imaze kwakira abamaze kwakira abagera kuri 70


Aragira ati “Gufunga ahantu hacururizwa ni ukugira ngo hasuzumwe niba bujuje ibijyanye n’isuku, uzaba yabyujuje azabisaba bamufungurire. Ikindi gushyiraho inkambi biratuma umubare w’abandura ugabanuka.”

Mu nama zimaze iminsi zikorwa ubuyobozi bw’Akarere ka Rubavu bwatangaje ko nta hacururizwa ibiribwa hazafungurwa cholera ikigaragara nubwo abaturage bavuga ko ikibazo gishingiye ku mazi mabi bakoresha bayavomye mu mugezi wa Sebeya.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Karongi:Abaturage 31 bajyanwe mu bitaro bazira ikigage banyoye mu bukwe
Karongi:Abaturage 31 bajyanwe mu bitaro bazira ikigage banyoye mu bukwe

Abaturage 31 bo mu mudugudu wa Nyagahinga, Akagari ka Ruhinga mu murenge wa Gitesi ho mu karere ka Karongi, bamaze iminsi mu bitaro, nyuma yo kunywa ikigage bikekwa ko gihumanye mu bukwe. Aba (...)

Uburengerazuba: Guverineri Munyantwari yasabwe kwihutisha iterambere
Uburengerazuba: Guverineri Munyantwari yasabwe kwihutisha iterambere

Abanyamuryango ba FPR Inkotanyi mu ntara y’Uburengerazuba, batoye Guverineri Munyantwari Alphonse nk’umuyobozi mushya w’uyu muryango muri iyi Ntara, bamusaba kwihutisha iterambere. Guverineri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.