Advertisement
 
 
 
 
 
 
 
 

Amakuru | Mu Ntara

Nyaruguru: Begerejwe ivuriro rito ngo ribakize ingendo ribapfira ubusa   

  Yanditswe na UMUTONI BEATHA
 5 months ago

 
 

Abaturage bo mu kagali ka Kabere mu murenge wa Nyabimata, mu karere ka Nyaruguru babangamiwe no kuba barahawe ivuriro rito ryunganira Ikigo nderabuzima cya Nyabimata, ariko kugeza ubu rikaba igihe kinini ridakora.

Aba baturage bahangayikishijwe no kuba bakigenda ibilometero birenga bine bahetse umurwayi bamujyana ku kigo nderabuzima, hakaba ubwo bamugezayo yarembye, ku buryo bishobora kubyara ibindi bibazo bikomeye.

Kuva mu kagari ka Kabere ujya muri santere nkuru ya Nyabimata harimo urugendo ruri hejuru y’ibilometero bine, kandi bitewe n’imiterere y’imisozi y’aho ngo bagorwa no kuhagera.

JPEG - 229 kb
Poste de Santé ya Kabere ngo ntirakora na rimwe kuva yubakwa mu mwaka wa 2014

Abaturage bavuga ko bagorwa n’urwo rugendo kandi basize ivuriro hafi y’iwabo ridakora, ku mpamvu batasobanuriwe kandi ntibanagire imodoka itwara abarwayi barembye ibageraho.

Umwe yagize ati "Ubu turarwara warwaza umuntu kugira ngo agere kwa muganga bikaba ingorabahizi, ni ugushaka abagufasha kumuheka mu ngobyi za kinyarwanda, kugira ku kigo nderabuzima bikadufata urugendo dore ko dukora ibilometero bisaga bine, urumva ingaruka duhura nazo ababyeyi bagiye kubyara bo babyarira nzira."

Abaturage bishimiye ko begerejwe ivuriro ribaruhura urugendo rugana i Nyabimata muri santere, ariko kuri ubu babazwa n’uko risa n’aho ntacyo ribamariye.

Nyirahabimana yagize ati "Bari baduhaye ivuriro rito ryunganira ikigo nderabuzima bikadufasha kugera kwa muganga bitatugoye, ariko ntirikora, ubu rwose amezi agera kuri abiri arashize ntitunazi impamvu ryahagaze ntacyo twamenyeshejwe."

Ubuyobozi bw’Umurenge wa Nyabimata bwo buvuga ngo butari buzi ko iryo vuriro ridakora, ariko ko bugiye gukurikirana ngo bumenye aho ikibazo kiri maze gikemurwe nk’uko Serugo Alexis, Umunyamabanga nshingwabikorwa w’umusigire w’uyu murenge abitangaza.

Yagize ati "Ntabwo iki kibazo twari tukizi ariko tugiye gukurikira iki kibazo nidusanga koko iyi posite de sante idakora, tuvugane n’ubuyobozi bw’ikigo nderabuzima cya Nyabimata tumenye impamvu yo kuba barahagaze gukora, tunarebe uburyo iki kibazo cyakemuka."

Iri vuriro rito (poste de santé) rya Kabere ryubatswe mu mwaka wa 2014 nyuma y’uko abaturage bagaragaje ikibazo cyo kugorwa no kugera ku kigo nderabuzima.

 

Comments

 
 
Gakenke: I Rusenge bamaze imyaka 2 bafite amapoto nta mashanyarazi
Gakenke: I Rusenge bamaze imyaka 2 bafite amapoto nta mashanyarazi

Abaturage bo mu mirenge ihuriye kuri santere y’ubucuruzi ya Rusenge, bavuga ko baheze mu icuraburindi, mu gihe ngo bari bijejwe umuriro w’amashanyarazi, none ngo imyaka ikaba ibaye ibiri amapoto (...)

Gatsibo: Kubufatanye n’abaturage, 3 bafatanywe urumogi n’inzoga zitemewe
Gatsibo: Kubufatanye n’abaturage, 3 bafatanywe urumogi n’inzoga zitemewe

Ku bufatanye n’abaturage, Polisi ikorera mu turere twa Nyamagabe na Gatsibo, mu bihe bitandukanye, yafashe ibiyobyabwenge birimo urumogi n’inzoga zitemewe kuri uyu wa kabiri taliki ya 18 Mata 2017. (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.