Advertisement
 
 
 
 
 
 
 
 

Amakuru | Mu Ntara

Nyamasheke: Umugore w’imyaka 49 yishwe n’igiti cyo mu rubibi bashakaga kwikiza   

  Yanditswe na BAHUWIYONGERA SYLVESTRE
 5 months ago

 
 

Mukakayibanda Berthe w’imyaka 49 wari utuye mu mudugudu wa Gataba, Akagari ka Kibogora mu murenge wa Kanjongo, mu karere ka Nyamasheke, yaguye mu bitaro bya Kibogora nyuma yo kugwirwa n’igiti cyatemwaga ku rubibi rwe n’umuturanyi we.

Uwatemaga igiti cyahitanye uyu mugore akaba yahise aburirwa irenger, naho umugabo wa nyakwigendera we yahise atabwa muri yombi.

Umunyamabanga nshingwabikorwa w’aka kagari Habimana Gervais, yabwiye Imvaho Nshya ko umusaza Mutokambari Claude uri mu kigero cy’imyaka 70 y’amavuko ari na we mugabo wa nyakwigendera yaguze igiti cy’umuturanyi we cyari ku rubibi rubahuza ashaka ko kimuvira hafi y’umurima akahahinga imyumbati kuko cyari kimubangamiye.

JPEG - 586.4 kb
Ibi bitaro bya Kibogora ni byo uwo mugore yaguyemo (Foto Bahuwiyongera S)

Ngo yashatse abagitema, mu gihe bagitemaga bagiha icyerekezo cy’aho kiri bugwe kibarusha imbaraga kigwa kuri nyakwigendera ahita ajyanwa mu bitaro bya Kibogora ari naho yaguye.

Yagize ati “Hari mu ma saa kumi n’igice z’umugoroba zo kuri uyu wa kabiri, ubwo uwitwa Nkikabahizi Jean usanzwe akora ibiraka nk’ibi byo gutema ibiti, yatemaga icyo giti ari kumwe n’abo bafatanyaga, igihe kigiye kugwa umugabo wa nyakwigendera n’abandi bari kumwe bahungira ku ruhande rumwe, urundi ruhungiramo umugore we n’abandi bantu,cya giti kizana umuvumba mwinshi gihita cyikubita kuri uwo mugore ku kaguru, ishami ryacyo rimwikubita mu gatuza ahita yikubita hasi. Bahamuvanye bamujyana mu bitaro bya Kibogora aho yaguye mu ma saa mbiri z’ijoro abaganga bakimwitaho.”

Yakomeje agira ati “Nkikabahizi Jean watemaga icyo giti yajyanye n’abandi kwa muganga batwaye nyakwigendera bakimugezayo ahita acika, icyakora umugabo wa nyakwigendera we yahise atabwa muri yombi na Polisi ngo afashe mu iperereza, n’ubu akaba akiri mu maboko ya Polisi sitasiyo ya Kanjongo.”

Abaturage basabwe kwirinda kujya munsi y’ibiti igihe babitema, banabwirwa ko abatema ibiti bagomba kwirinda kubitema hari abantu hafi aho kuko bishobora kwangiza nk’uko bigendekeye uyu nyakwigendera upfuye mu buryo bw’amanzaganya.

Mukakayibanda asize umugabo, abana 6 n’abuzukuru 5,uwatemaga icyo giti akaba akomeje gushakishwa n’inzego z’umutekano.

 

Comments

 
 
Gakenke: I Rusenge bamaze imyaka 2 bafite amapoto nta mashanyarazi
Gakenke: I Rusenge bamaze imyaka 2 bafite amapoto nta mashanyarazi

Abaturage bo mu mirenge ihuriye kuri santere y’ubucuruzi ya Rusenge, bavuga ko baheze mu icuraburindi, mu gihe ngo bari bijejwe umuriro w’amashanyarazi, none ngo imyaka ikaba ibaye ibiri amapoto (...)

Gatsibo: Kubufatanye n’abaturage, 3 bafatanywe urumogi n’inzoga zitemewe
Gatsibo: Kubufatanye n’abaturage, 3 bafatanywe urumogi n’inzoga zitemewe

Ku bufatanye n’abaturage, Polisi ikorera mu turere twa Nyamagabe na Gatsibo, mu bihe bitandukanye, yafashe ibiyobyabwenge birimo urumogi n’inzoga zitemewe kuri uyu wa kabiri taliki ya 18 Mata 2017. (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.