Advertisement
 
 
 
 
 
 
 
 

Amakuru | Mu Ntara

Nyamasheke: Imiryango itishoboye isaga 13900 igiye guhabwa akazi   

  Yanditswe na BAHUWIYONGERA SYLVESTRE
 1 month ago

 
 

Ubuyobozi bw’Akarere ka Nyamasheke bwatangaje ko bwiteguye guha akazi imiryango itishoboye 13932 igiye guhabwa akazi muri gahunda ya VUP muri uyu mwaka mu gufasha abakiri mu cyiciro cya mbere bashobora gukora kwigira.

Ubuyobozi bw’akarere bwiyemeje ko umuturage azajya ahemba amafaranga y’u Rwanda 1000 buri munsi akamugeraho buri nyuma y’iminsi 10, agahabwa amahirwe yo gukora nibura iminsi 75 kugira ngo azamure imibereho ye.

Umuyobozi w’Akarere ka Nyamasheke wungirije ushinzwe imibereho myiza y’abaturage Mukamana Claudette, yavuze ko biteze kubona umusaruro muzima w’iyi mirimo igira aho ibakura n’aho ibageza mu iterambere.

Yagize ati “Abazahabwa iyi mirimo ni abaturage b’imirenge 13 ku mirenge 15 igize aka karere, bakazakora imirimo inyuranye irimo gutunganya imihanda ibahuza mu midigudu, utugari n’imirenge, gukora amaterasi y’indinganire, gukora inzira z’amazi kugira ngo imihanda idakomeza kwangirika n’ibindi.”

Asanga uretse gukura abaturage mu bukene, nk’uko byagiye bigenda no ku bandi bayihawe mbere, bizanateza imbere Akarere muri rusange kuko imihanda izakorwa, n’amaterasi bikorwa bizaba bigiye kongera ibikorwa by’iterambere.

Umwe mu batuye mu murenge wa Nyabitekeri wakoze muri VUP kuva muri Werurwe kugera muri Nyakanga 2016, ariko kugeza n’ubu we na bagenzi be bakaba batarahabwa amafaranga yabo, yabwiye Imvaho Nshya ko umurenge wabo ukwiye kujya wihutisha kubahemba kugira ngo babashe gukorana imbaraga bizeye ko nta kibazo cy’amafaranga cyihutirwa bazagira.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Kayonza:Bakusanyije miliyoni 6 ngo begerezwe amazi barayategereza baraheba
Kayonza:Bakusanyije miliyoni 6 ngo begerezwe amazi barayategereza baraheba

Abaturage bo muri Nyamugari mu murenge wa Ndego mu karere ka Kayonza bavuga ko bakusanyije amafaranga arenga miliyoni 6 ngo babone amazi meza, ariko ngo barayategereza baraheba. Igitekerezo cyo (...)

Rwamagana: Barasabwa gukumira ingengabitekerezo ya Jenoside bahereye mu bana
Rwamagana: Barasabwa gukumira ingengabitekerezo ya Jenoside bahereye mu bana

Umuyobozi w’akarere ka Rwamagana Mbonyumuvunyi Radjab, arasaba abaturage batuye muri aka karere kwirinda gukongeza ingengabitekerezo ya Jenoside mu bana bato, ahubwo bakayikumira kugira ngo (...)

Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.