Advertisement
 
 
 
 
 
 
 
 

Amakuru | Mu Ntara

Nyamasheke: Bababajwe n’ambulance yatwaraga indembe imaze amezi 5 idakora   

  Yanditswe na BAHUWIYONGERA SYLVESTRE
 5 months ago

 
 

Hashize amezi agera kuri atanu abaturage b’umurenge wa Nyabitekeri mu karere ka Nyamasheke baturiye ibigo nderabuzima bya Muyange na Mukoma batabona uko bageza indembe ku bitaro bya Bushenge, kuko imbangukiragutabara bakoreshaga idakora.

Aba baturage bavuga ko iyi mbangukiragutabara yari ibafatiye runini yahagaritswe n’ubuyobozi bw’ibi bigo nderabuzima n’ubw’ibitaro bya Bushenge buvuga ko yashaje cyane.

Kugeza ubu bikaba ari ingorane kugira ngo umuntu urembye cyane cyangwa umubyeyi uri kunda bazagezwe ku bitaro bya Bushenge mu buryo bwihuse.

Mu gihe abaturage bakomeje kwinubira iki kibazo bavuga ko kidakemuka, ubuyobozi bw’Umurenge wa Nyabitekeri na bwo buravuga ko ari ikibazo gihangayikishije cyane abaturage n’ubuyobozi, kuko kirenze ubushobozi bwabo.

JPEG - 609 kb
Iyi mbangukiragutabara yo ku bitaro bya Bushenge kugira ngo izabagereho ngo biba bigoye (Foto Bahuwiyongera S)

Ubuyobozi bw’uyu murenge buvuga ko niba umurwayi urembye cyane adashobora kugezwa vuba ku bitaro, umugore uri kunda ikaba ishobora no kumuhitana bagitegereje imbangukiragutabara izajya guturuka ku bitaro bya Bushenge ngo ibagereho n’imihanda mibi igendamo, ari ikibazo kidakwiye gukinishwa.

Umunyamabanga Nshingwabikorwa w’uyu murenge Uwimana Damas, avuga ko iki ari kimwe mu bibazo bikomereye cyane umurenge ayobora, agasaba inzego zose bireba gukora ibishoboka byose abaturage bakongera kubona ingobyi y’abarwayi bitaragera ubwo hagira uhasiga ubuzima.

Yagize ati “Bavuga ko iyari ihari yashaje cyane ku buryo itakongera gusubira mu muhanda, ariko ni ikibazo gikomeye cyane kubona ibigo nderabuzima bibiri byose nta na kimwe kiyifite kandi hari imihanda mibi ku buryo nta yindi modoka isanzwe ihagera nibura ngo ibe yatwara umurwayi igihe iyo mbangukiragutabara yo ku bitaro yabuze.

Hari nk’igihe bayikenera yagiye ahandi umurwayi akaba yagwa mu ntoki z’abaganga.Ni ikibazo gikomeye cyane kitari icyo gukinishwa cyangwa gutinzwa.

Ntabwo bihangayikishije abaturage gusa, ahubwo n’ibyo bigo nderabuzima birahangayitse cyane kandi natwe nk’ubuyobozi ntitwajyaho ngo turyame dusinzire igihe abaturage bacu bafite icyo kibazo.”

Umuyobozi w’ikigo nderabuzama cya Mukoma Ntihinyurwa Athanase, na we avuga ko iki ari ikibazo kiremereye cyane ugereranyije n’abaturage bakira n’ubukana indwara ya Malariya ifite muri iki gihe.

Avuga ko bahora biteguye ko hari ushobora kuremba cyane isaha iyo ari yo yose akajyanwa mu bitaro, igihe bajya guhamagara ingobyi y’abarwayi iri ku bitaro bya Bushenge mu bilometero hafi 30 umurwayi ashobora no kuba yanogotse, guhabwa indi ngobyi y’abarwayi kikaba cyaba igisubizo cyiza.

Umuyobozi w’aka karere wungirije ushinzwe imibereho myiza y’abaturage, Mukamana Claudette, avuga ko iki kibazo kizwi kandi koko gikomeye, ariko muri rusange ibitaro bya Bushenge na Kigobogora n’ibigo nderabuzima byabyo bifite ikibazo cy’izi mbangukiragutabara, kikaba kigikurikiranwa ngo harebwe icyakorwa.

 

Comments

 
 
Gakenke: I Rusenge bamaze imyaka 2 bafite amapoto nta mashanyarazi
Gakenke: I Rusenge bamaze imyaka 2 bafite amapoto nta mashanyarazi

Abaturage bo mu mirenge ihuriye kuri santere y’ubucuruzi ya Rusenge, bavuga ko baheze mu icuraburindi, mu gihe ngo bari bijejwe umuriro w’amashanyarazi, none ngo imyaka ikaba ibaye ibiri amapoto (...)

Gatsibo: Kubufatanye n’abaturage, 3 bafatanywe urumogi n’inzoga zitemewe
Gatsibo: Kubufatanye n’abaturage, 3 bafatanywe urumogi n’inzoga zitemewe

Ku bufatanye n’abaturage, Polisi ikorera mu turere twa Nyamagabe na Gatsibo, mu bihe bitandukanye, yafashe ibiyobyabwenge birimo urumogi n’inzoga zitemewe kuri uyu wa kabiri taliki ya 18 Mata 2017. (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.