Advertisement
 
 
 
 
 
 
 
 

Amakuru | Mu Ntara

Nyamasheke:Abakozi b’umurenge bagenda km 3 bajya gucapisha raporo   

  Yanditswe na BAHUWIYONGERA SYLVESTRE
 May 2016

 
 

Umuyobozi w’umurenge wa Mahembe, mu karere ka Nyamasheke, Munyankindi Eloi, aravuga ko umurenge ayoboye uremerewe n’ikibazo gikomeye cyo kuba ibiro ukoreramo bimaze imyaka 8 yose nta mashanyarazi bigira.

Uyu muyobozi avuga ko kuba ibiro by’uyu murenge biri mu kizima, bituma badatanga serivisi nziza uko byakagombye, kuko nk’iyo bakeneye kwandika ikintu kuri mudasobwa, bakora urugendo rurerure bajya gushaka ahari amashanyarazi, ngo hakaba hahora n’ubwoba bwo kwibwa nk’ibendera ry’igihugu cyangwa kuba nk’abagizi ba nabi bakwangiza iyi nyubako igihe baciye mu rihumye abaharinda.

Munyankindi avuga ko kutagira umuriro w’amashanyarazi ku biro by’umurenge bibahombya ibitari bike, haba mu mutekano cyangwa mu gutanga serivisi za ngombwa baha abaturage.

Yagize ati:“Dufite impungenge zo gukorera mu kizima kuko kuva ibiro by’uyu murenge byubakwa muri 2008 kugeza ubu dukorera mu buryo buruhije cyane, bigatuma dukora ibilometero 3 buri munsi kugenda no kugaruka tujya kuri santere y’ubucuruzi ya Mugonero kwandikisha raporo za ngombwa.

JPEG - 154.4 kb
Mu masaha y’ijoro ibiro by’uyu murenge biba biri mu mwijima (Foto Bahuwiyongera S)

Izindi zigakoreshwa intoki kandi bitakigezweho muri iki gihugu gitera imbere gutya, bikaba byerekana ukuntu dusigara inyuma mu iterambere bitewe n’ubu buryo dukoramo.”

Avuga ko umudugudu ibi biro bikoreramo ubonye umuriro vuba, na wo ukaba udahagije, ari uwo abaturage birwanyeho barawukurura wo kwifashisha gusa mu gucana mu nzu utahagurutsa imashini nini ngo uteze abaturage imbere, na cyo kikaba ari ikibazo ariko bakaba bizeye ko kizakemuka vuba.

Avuga kandi ko kutagira uyu muriro bidindiza n’akazi kuko hari nk’inama baba bagombaga gukora mu masaha y’umugoroba ntizikorwe kubera ikizima bakoreramo, kuba umurenge uri mu ishyamba, bigatera impungenge z’umutekano kubera umwijima uba uhari iyo butangiye guhumana, gukorera raporo ahatari mu biro bishobora no guhungabanya ibanga ry’akazi n’ibindi byinshi.

Ruremesha Aaron, umwe mu barinzi ba nijoro b’ibi biro, avuga ko gukorera mu kizima nk’iki ari ikibazo gikomeye cyane, kuko nk’umugizi wa nabi ashobora kubaca urwaho akaba yagira ibyo yangiza kubera ko haba hatabona kandi ari no mu ishyamba.

Uyu murinzi akavuga ko kurara bacanye amatoroshi ya telefoni ngo barinze ibiro by’umurenge nta n’intwaro bafite na byo ari ikibazo gikomeye.

Umuyobozi w’akarere ka Nyamasheke wungirije ushinzwe iterambere ry’ubukungu, Ntaganira Josué Michel, na we avuga ko kuba bakora inama z’umugoroba bacanye amatoroshi ya telefoni nta n’ushobora kwandika ibivugwa ari ikibazo gikomeye.

Uyu muyobozi atanga icyizere ko bagiye gukora ibishoboka byose, mu ngengo y’imari y’umwaka utaha iki kibazo kikazibandwaho kigakemuka.

 

Comments

 
 
Gatsibo: Kubufatanye n’abaturage, 3 bafatanywe urumogi n’inzoga zitemewe
Gatsibo: Kubufatanye n’abaturage, 3 bafatanywe urumogi n’inzoga zitemewe

Ku bufatanye n’abaturage, Polisi ikorera mu turere twa Nyamagabe na Gatsibo, mu bihe bitandukanye, yafashe ibiyobyabwenge birimo urumogi n’inzoga zitemewe kuri uyu wa kabiri taliki ya 18 Mata 2017. (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.