Advertisement
 
 
 
 
 
 
 
 

Amakuru | Mu Ntara

Nyamasheke: Abahoze ari abakozi ba komini baracyishyuza imishahara   

  Yanditswe na BAHUWIYONGERA SYLVESTRE
 5 days ago

 
 

Bamwe mu bahoze ari abakozi b’ibyahoze ari komini zigereranywa n’uturere tw’ubu mu karere ka Nyamasheke , baravuga ko bishyuje imishahara yabo amaguru agahera mu nzira.

Aba baturage bavuga bakomeje kwizezwa ko bazishyurwa, bagasaba akarere kubishyura cyangwa kubakorera ubuvugizi bakishyurwa.

Bamwe muri aba bakozi bavuga ko bamaze igihe kinini cyane bishyuza aya mafaranga, aho ubuyobozi bwose bagiye biyambaza ntacyo bwakoze ngo bubakemurire ikibazo, yemwe ngo ntibwanabarangiye inzira nyayo bacamo ngo bishyurwe.

Muri aba bishyuza kandi ngo harimo n’abasabwe ibyangombwa bakabitanga bijejwe kwishyurwa, ariko na n’ubu bakaba barategereje bagaheba kandi barujuje ibyo basabwaga byose.

JPEG - 379.2 kb
Karamaga yakoreye komini Karengera mu 1995 ariko n’ubu ntarahabwa amafaranga yakoreye (Foto Bahuwiyongera S)

Karamaga Sylvestre w’imyaka 71, utuye mu mudugudu wa Nyagisozi, akagari ka Miko, mu murenge wa Karengera muri aka karere, yabwiye Imvaho Nshya ko yakoze mu cyari komini Karengera ari umupolisi wa komini mu mwaka wose wa 1995.

We na bagenzi be bandi bakoreraga amakomini barasezererwa bizezwa kwishyurwa imishahara yabo, ariko na n’ubu ngo barayihebye.

Yagize ati “Kugeza ubu amafaranga yacu twarayahebye, twararize turihanagura, twohereje impapuro, hari izo batubwiye ko zagiye muri MINECOFIN, hari izagejejwe ku karere ka Nyamasheke, ndetse mu cyahoze ari komini Karengera bwo bigeze no kutubwira ko ayacu ari ku karere ka Rusizi, hose tujyayo biranga.”

Yakomeje agira ati “Nkanjye bagombaga kumpa amafaranga 90.000, ngenda njyana impapuro nasabwaga ngo nishyurwe ariko na n’ubu nabuze uwandenganura, kandi icyo gihe amafaranga 70.000 yonyine yaguraga inka 2 none dore aho ibintu bigeze. Icyakora uwayaduha na bwo yaba atugiriye neza cyane, kuko nkanjye imyaka ngezemo yamfasha mu masaziro yanjye.”

Umuyobozi w’aka karere Kamari Aimé Fabien yemeza ko hari abakoreye ibyari amakomini n’uturere twa kera batarahabwa imishahara yabo, ariko ngo hari n’abayahawe, abatarayahawe bakaba ari abatari bafite ibyangombwa byuzuye.

Meya Kamari agasaba buri wese utarishyuwe kugana akarere kakamurangira inzira akwiye kunyuramo yishyuza, kakabimufashamo. Yagize ati “Simfite imibare yabo bose hafi aha ariko barahari, abamaze gutanga amadosiye yabo ameze neza barishyuwe, abasigaye nkabagira inama yo kuzuza neza ibyo basabwa byose, bakatwegera tukabarangira aho baca ngo bayabone.”

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ngoma: Akarere karishyurira ES Mutenderi umwenda wa miliyoni 80
Ngoma: Akarere karishyurira ES Mutenderi umwenda wa miliyoni 80

Ubuyobozi bw’Akarere ka Ngoma buvuga ko bwahawe isomo rikomeye n’ideni ry’amafaranga y’u Rwanda agera kuri miliyoni 80 akarere karimo kwishyurira ishuri ryisumbuye rya Mutenderi (ES Mutenderi), (...)

Karongi: Imirima y’abaturage imaze imyaka 4 yarigaruriwe na rwiyemezamirimo
Karongi: Imirima y’abaturage imaze imyaka 4 yarigaruriwe na rwiyemezamirimo

Bamwe mu baturage bo mu mirenge wa Rugabano na Rubengera mu karere ka Karongi, barasaba ko bahabwa uburenganzira bwo kubyaza umusaruro imirima yabo, kuko kuyegurira rwiyemezamirimo babibonamo (...)

Nyamasheke: Akarere gahangayikishijwe n’ingurane z’abaturage zatinze kuboneka
Nyamasheke: Akarere gahangayikishijwe n’ingurane z’abaturage zatinze kuboneka

Ubuyobozi bw’Akarere ka Nyamasheke buravuga ko buhangayikishijwe n’ikibazo cy’abaturage 324 bafite imitungo yabo yangijwe mu ikorwa ry’umuhanda Nyamasheke-Karongi, magingo aya bakaba batarahabwa (...)

Rwamagana: Hanenzwe ababyeyi bahorana intonganya mu ngo
Rwamagana: Hanenzwe ababyeyi bahorana intonganya mu ngo

Minisitiri w’ubutegetsi bw’igihugu Kaboneka Francis, arasaba abanyarwanda kubungabunga umutekano w’igihugu, ariko ugahera mu ngo zabo, abarara barwana bakabyihana kuko nabyo bibarwa mu bihungabanya (...)

Rusizi: Abapasiteri 21 bageze mu zabukuru bagabiwe inka
Rusizi: Abapasiteri 21 bageze mu zabukuru bagabiwe inka

Itorero Méthodiste Libre mu Rwanda ryagabiye inka abapasiteri 21 bageze mu zabukuru, mu rwego rwo kubafasha kugira amasaziro meza. Ubuyobozi bw’iri torero bwemeza ko ari ubwa mbere gahunda nk’iyi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.