Advertisement
 
 
 
 
 
 
 
 

Amakuru | Mu Ntara

Nyamagabe: Batewe impungenge n’abasore bambura abantu ku manywa   

  Yanditswe na UMUTONI BEATHA
 4 months ago

 
 

Abaturiye isantere y’ubucuruzi ya Taba n’abayigendamo, bakomeje kugaragaza impungenge batewe n’insoresore zambura abantu ku manywa, ndetse zigateza n’ibindi bibazo by’umutekano muke.

Iyi santere iri mu karere ka Nyamagabe yagiye ivugwamo ibibazo by’umutekano muke, ahanini byaterwaga n’inzoga z’ibikwangari n’ibindi biyobyabwenge.

Bamwe mu bayituriye ndetse n’abahakorera imirimo nk’ubucuruzi, baratangaza ko ikibazo basigaranye ari icy’ubujura bukabije bukorwa n’insoresore zirirwa zicaye kuri iyi santere zibabuza gukora amasaha menshi.

Aba baturage basanga ubuyobozi bukwiye gufata ingamba zatuma bakora bumva ko bafite umutekano usesuye. Santere y’ubucuruzi y’ahitwa ku i Taba mu murenge wa Gasaka, iherereye mu nkengero z’umujyi wa Nyamagabe.

JPEG - 176 kb
Abatuye muri iyi santere ya Taba babangamiwe n’abasore babiba (Foto Umutoni B)

Ni santere bigaragara ko igenda izamuka mu bucuruzi bitewe nuko iri mu ihuriro ry’imirenge inyuranye y’akarere ka Nyamagabe ndetse n’aka Huye. Abahashora imari bagaragaza impungenge z’uko umutekano wabo ubangamirwa n’abajura bagaragara muri iyo santere, baba bashaka kubacuuza ibyabo.

Ibi ngo bituma abacuruzi bakorera aho ku i Taba, bakora amasaha make kandi aho bakorera hagaragara nk’umujyi. Iki kibazo giterwa n’ubujura, usanga n’abasanzwe bahatuye bakigarukaho by’umwihariko, nka kimwe mu bibahangayikishije.
Kimwe n’abacuruzi, basaba ko cyakwiganwa imbaraga, byanashoboka hagafatwa ingamba zikomeye zo guhashya abo bajura, ngo batakihishira.

Umwe mu bacuruzi yagize ati “Hano turembejwe n’abajura batwambura ku manywa y’ihangu pe, umujura araza akakwiba ureba nta n’ikibazo afite pe kuko ntiwamukurikira yakwica.

Tubona rwose batakihishira, nta mikino bafite ngo ukora ntiyarya ngo bo baburare bakabambura ku mugaragaro, yewe niba nta gikozwe tubona bazajya banaza bagasohora umuntu muri butike bagakora ikindi bishakira. Iyo rero babonye Polisi bajya kwihisha ntibagaragare ni yo mpamvu dusaba ko byakoranwa ubushishozi.”

Bayiringire Jean, umunyamabanga nshingwabikorwa w’umurenge wa Gasaka, avuga ko nyuma yo guca urugomo rwaturukaga ku nzoga z’inkorano ngo n’ikibazo cy’ubujura kizwi kandi kitibagiranye, kiri gushakirwa ingamba.

Yagize ati “Ikibazo ntikibagiranye, dufite urwego rw’abaturage baduha amakuru ku bijyanye n’aba bajura, turi muri gahunda yo guca burundu izo nsoresore zigize imburamukoro zikambura ku manywa.

Kandi ntibizatinda kuko ntabwo byashoboka ko umuntu yirirwa yicaye ategereje kwambura uwakoze akazi ke ngo amwambure ngo yihanganirwe, ntibibaho.”

Santere ya Taba ihurirwamo n’abaturage baturuka mu mirenge ya Mbazi na cyanika ho mu karere ka Nyamagabe, ndetse n’uwa Kigoma mu karere ka Huye.

 

Comments

 
 
Musanze:Abahinzi b’ibigori bahangayikishijwe n’indwara yitwa Cyumya
Musanze:Abahinzi b’ibigori bahangayikishijwe n’indwara yitwa Cyumya

Ikigo cy’igihugu gishinzwe ubuhinzi n’ubworozi, RAB, kirakangurira abahinzi b’ibigori gukoresha imbuto y’indobanure no gusimburanya ibihingwa mu murima hagamijwe kurwanya indwara y’ibigori yitwa (...)

Hamuritswe igishushanyombonera cy’umujyi wa Bugarama
Hamuritswe igishushanyombonera cy’umujyi wa Bugarama

Mu gihe kiri imbere igice kinini cy’umurenge wa Bugarama kigiye kuba umujyi wunganira umujyi wa Rusizi, igishushanyombonera cyawo kikaba cyaramurukiwe abatekinisiye b’akarere n’ubuyobozi bw’uyu (...)

Rusizi:Abaturage bafashe ingamba zo kwicungira umutekano
Rusizi:Abaturage bafashe ingamba zo kwicungira umutekano

Nyuma y’aho mu rukerera rwo ku wa 12 uku kwezi abantu bataramenyekana bateye mu kagari ka Ryankana mu murenge wa Bugarama bakaharasira abaturage 3 babiri bagahita bahasiga ubuzima, abaturage b’uyu (...)

Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.