Advertisement
 
 
 
 
 
 
 
 

Amakuru | Mu Ntara

Nyagatare: Basangije amahanga umusaruro wo kwishyira hamwe   

  Yanditswe na HITIMANA DIEUDONNE
 2 weeks ago

 
 

Itsinda ry’abaturutse mu bihugu icyenda bifite imishinga y’ubuhinzi iterwa inkunga n’umushinga IFAD, bagiriye urugendoshuri mu murenge wa Mukama, Akarere ka Nyagatare bagamije kwirebera uko amakoperative y’abahinzi akora ndetse n’icyo kwibumbira hamwe byafashije abanyamuryango.

Nyuma yo gusura bimwe mu bikorwa by’abahinzi biteje imbere bo mu karere ka Kayonza, iri tsinda ririmo abashinzwe gukurikirana ubuhinzi n’imishinga iteza imbere ubuhinzi mu bihugu byabo, bagiriye urugendo mu murenge wa Mukama basura abahinzi b’ibigori bibumbiye muri Koperative CODPCUM.

Uru rugendo kandi ngo ruri mu rwego rwo kureba uko imishinga iterwa inkunga n’ikigega mpuzamahanga giteza imbere ubuhinzi IFAD ishyirwa mu bikorwa.

Ku ruhande rw’u Rwanda uyu mushinga wa IFAD ukaba utera inkunga umushinga wa PASP ukorera muri Minisiteri y’Ubuhinzi n’Ubworozi, uyu mushinga ukaba ufasha abahinzi n’aborozi gufata neza no kongera umusaruro harimo no kuwugeza ku masoko.

Bimwe mu bikorwa PASP iteramo inkunga hakaba harimo n’aba bahinzi bahinga ibigori basuwe.

Bamwe mu bahanzi bahinduriwe imibereho yabo no kuba barifatanyije n’abandi muri Koperative, batangarije Imvaho Nshya ko bagihinga mu buryo bwa gakondo byatumaga nta musaruro uhagije babona, nyuma y’amahugurwa n’inkunga bagiye bahabwa n’umushinga PASP kuri ubu bakaba bamaze kwiteza imbere ku buryo bugaragara.

JPEG - 256.7 kb
Abahinzi b’ibigori barerekana imashini ikoreshwa mu kumisha umusaruro

Musabende Dorothee, umwe mu banyamuryango b’iyi Koperative yasuwe n’aba banyamahanga baturutse mu bihugu birindwi, yemeza ko ubuzima yarabayemo kera bwari ubuzima buciriritse cyane.

Uyu muturage ahamya ko kuri ubu yiyubakiye inzu ndetse anigurira moto imufasha mu yindi mirimo ya buri munsi harimo no kugeza umusaruro we ku isoko.

Musabende yagize ati “Rwose ubu ng’ubu Koperative ikintu cya mbere yatumye tujijuka, noneho kubera n’amahugurwa menshi tumenya no guhinga, twahingaga tuvanga vanga nka gakondo ubu turasarura imyaka itubutse.
Umuntu asigaye asarura toni irenga, nizaniye umugezi mu rugo, nigurira moto ndetse niyubakira inzu nziza murayireba."

Lucian Zigiriza, umukozi muri Minisiteri y’ubuhinzi n’ubworozi mu mushinga wa PASP, ari na we wari uyuboye iri tsinda mu rugendoshuri bakoreye muri aka karere ka Nyagatare, avuga ko by’umwihariko uru rugendo rw’izi ntumwa rufite intego yo gushyira mu bikorwa icyifuzo bari bagize cyo kwirebera uko abahinzi biteza imbere.

Yagize ati "Barahageze ndetse basuye amakoperative dufasha, ariko by’umwihariko ikintu kigendanye nuko duhuza abahinzi n’ibigo by’imari n’umwihariko w’u Rwanda, kuko bagiraga ngo batwigireho barebe uko dufasha abahinzi kubona inguzanyo maze bakiteza imbere.Batangajwe no kumva ko kuri hegitari basarura toni esheshatu zinarengaho."

U Rwanda ruri mu bihugu bifatirwaho urugero muri birindwi bifite imishinga iterwa inkunga na IFAD.

Abitabiriye uru rugendoshuri baturuka mu bihugu 9, ari byo:Uganda, Tanzaniya, Kenya, Mozambique, Botswana, Malawi, u Butaliyani, Chile na Etiyopiya,

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ngoma: Akarere karishyurira ES Mutenderi umwenda wa miliyoni 80
Ngoma: Akarere karishyurira ES Mutenderi umwenda wa miliyoni 80

Ubuyobozi bw’Akarere ka Ngoma buvuga ko bwahawe isomo rikomeye n’ideni ry’amafaranga y’u Rwanda agera kuri miliyoni 80 akarere karimo kwishyurira ishuri ryisumbuye rya Mutenderi (ES Mutenderi), (...)

Karongi: Imirima y’abaturage imaze imyaka 4 yarigaruriwe na rwiyemezamirimo
Karongi: Imirima y’abaturage imaze imyaka 4 yarigaruriwe na rwiyemezamirimo

Bamwe mu baturage bo mu mirenge wa Rugabano na Rubengera mu karere ka Karongi, barasaba ko bahabwa uburenganzira bwo kubyaza umusaruro imirima yabo, kuko kuyegurira rwiyemezamirimo babibonamo (...)

Nyamasheke: Akarere gahangayikishijwe n’ingurane z’abaturage zatinze kuboneka
Nyamasheke: Akarere gahangayikishijwe n’ingurane z’abaturage zatinze kuboneka

Ubuyobozi bw’Akarere ka Nyamasheke buravuga ko buhangayikishijwe n’ikibazo cy’abaturage 324 bafite imitungo yabo yangijwe mu ikorwa ry’umuhanda Nyamasheke-Karongi, magingo aya bakaba batarahabwa (...)

Rwamagana: Hanenzwe ababyeyi bahorana intonganya mu ngo
Rwamagana: Hanenzwe ababyeyi bahorana intonganya mu ngo

Minisitiri w’ubutegetsi bw’igihugu Kaboneka Francis, arasaba abanyarwanda kubungabunga umutekano w’igihugu, ariko ugahera mu ngo zabo, abarara barwana bakabyihana kuko nabyo bibarwa mu bihungabanya (...)

Rusizi: Abapasiteri 21 bageze mu zabukuru bagabiwe inka
Rusizi: Abapasiteri 21 bageze mu zabukuru bagabiwe inka

Itorero Méthodiste Libre mu Rwanda ryagabiye inka abapasiteri 21 bageze mu zabukuru, mu rwego rwo kubafasha kugira amasaziro meza. Ubuyobozi bw’iri torero bwemeza ko ari ubwa mbere gahunda nk’iyi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.