Advertisement
 
 
 
 
 
 
 
 

Amakuru | Mu Ntara

Nyagatare: Abarenga 730 bakurikiranyweho ubujura   

  Yanditswe na HITIMANA DIEUDONNEE
 4 months ago

 
 

Imibare itangwa na Polisi y’u Rwanda ishami rya Nyagatare iragaragaza ko mu gihe cy’amezi atatu gusa ashize, abantu bagera kuri 339 bafungiwe icyaha cy’ubujura, na ho abagera kuri 400 bakaba bakurikiranweho iki cyaha.

Iyi mibare igera kuri 739 iragaragazwa mu gihe abatuye mu kagaai ka Bushara mu murenge wa Karama mu karere ka Nyagatare bavuga ko muri ibi bihe bishimira ko imyaka yabo yabonye imvura ikaba imeze neza, ariko bahangayikishijwe n’abajura biba iyi myaka badasize n’amatungo.

Nyuma y’aho bamwe mu baturage batuye mu bice bitandukanye bigize Intara y’Uburasirazuba n’akarere ka Nyagatare karimo bagiye bahura n’ibihe bitoroshye byo kubura imvura, ibi ndetse bigatuma abahinzi barumbya cyane imyaka, kuri ubu bamwe mu baturage birishimira ko ibihingwa biri mu mirima byabonye imvura ndetse haka hari n’abatangiye kweza.

Gusa ngo abajura nabo ntiboroheye na busa, abagize amahirwe yo gutera imyaka mbere bakibona imvura, ngo kuko biba imyaka igiye itandukanye ikiri mu mirima, uretse kandi n’imyaka ngo hari na bamwe mu baturage bamaze gusubira ku muco wo kuraza amatungo mu nzu bitewe n’ubu bujura budasiga n’amatungo.

JPEG - 584.5 kb
Abaturage bavuga ko ubujura bukorwa cyane n’abantu badashaka gukora

Abaturage batuye mu murenge wa Karama wo mu karere ka Nyagatare, bavuga ko iki kibazo kimaze gufata indi ntera mu murenge wabo, ngo n’ufite itungo bimusaba ko aricungira hafi cyangwa yaba agiye mu murima akarijyana rikaba riri aho akomeza kuriteraho ijisho cyane ko ngo urisize mu rugo akarisanga bisigaye ari nk’amahirwe.

Twagirayezu Fidele ni umwe mu bahinzi bahisemo guhinga imyumbati cyane, anakora n’imirimo y’ubworozi, yemeza ko ikibazo cy’abajura babiba imyaka gitizwa umurindi cyane nuko n’abafashwe badahanwa by’intangarugero, hari n’abafatwa ngo mu gihe gito bakarekurwa bakagaruka mu baturage ndetse n’ubujura bugakomeza.

Yagize ati “Abajura n’ikibazo gikomeye cyane na n’ubu duhanganye nabo, uko ureba muri aya masambu yacu yahoze afite imyumbati afite ibitoki iki gihe cyarageraga ugasanga isambu irizihiwe ariko kubera abo bajura, baraza bakiba bakarangizaho, iki kibazo n’ubuyobozi burakizi n’ihene turarana nazo mu nzu.”

Umuyobozi w’Akarere ka Nyagatare Mupenzi George yabwiye Imvaho Nshya, ko ikibazo cy’ubujura gihari ndetse hari n’indi mirenge kivugwamo, gusa kandi ngo cyafatiwe ingamba zikomeye aho anasaba abaturage gukaza amarondo ndetse bagafatanya n’inzego z’umutekano.

Yagize ati "Abajura iteka abiba ni ababa batuye aho ngaho, bakwiye kureba umuntu wirirwa aho utagira icyo akora badafite icyo bakora kandi bariho baba bakora iki?"

Yakomeje ahamya ko amarondo afite umusaruro ukomeye aho akorwa hose, akaba ari na yo bitezeho umusaruro mu guhashya aba bajura ku bufatanye n’izindi nzego z’umutekano.

 

Comments

 
 
Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Rusizi: Ubuyobozi bwahagurukiye abagabo bamarira umutungo w’urugo mu kabari
Rusizi: Ubuyobozi bwahagurukiye abagabo bamarira umutungo w’urugo mu kabari

Amakimbirane yo mu miryango mu karere ka Rusizi akenshi ashingira ku businzi bukabije bw’umwe mu bagize umuryango, aho hari aho usanga umugabo akorera amafaranga yose aho kuyacyura akayamarira mu (...)

Kirehe:Abaturage biyubakiye ivuriro rya miliyoni 83
Kirehe:Abaturage biyubakiye ivuriro rya miliyoni 83

Abaturage bo mu kagari ka Kiyanzi, umurenge wa Nyamugali, mu karere ka Kirehe bagorwaga no gukora ingendo ndende bajya kwivuza, ubu barishimira ko baruhutse, kuko biyujurije ivuriro ‘Poste de (...)

Ngoma: Amapfa yatije umurindi ubujura
Ngoma: Amapfa yatije umurindi ubujura

SSP Janvier Mutaganda, Umuyobozi wa Polisi y’u Rwanda mu karere ka Ngoma, avuga ko ubujura bwiganjemo ubw’umusaruro w’ibikomoka ku buhinzi n’amatungo, bwagaragaye cyane muri aka karere mu mwaka (...)

Musanze:Abahinzi b’ibigori bahangayikishijwe n’indwara yitwa Cyumya
Musanze:Abahinzi b’ibigori bahangayikishijwe n’indwara yitwa Cyumya

Ikigo cy’igihugu gishinzwe ubuhinzi n’ubworozi, RAB, kirakangurira abahinzi b’ibigori gukoresha imbuto y’indobanure no gusimburanya ibihingwa mu murima hagamijwe kurwanya indwara y’ibigori yitwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.