Advertisement
 
 
 
 
 
 
 
 

Amakuru | Mu Ntara

Nyabihu: Yiyahuye akimara gushwana n’umugore we bapfa igitiyo   

  Yanditswe na IYAREMYE YVES
 5 months ago

 
 

Sibomana Ildephonse w’imyaka 30 utuye mu mudugudu wa Kabuye, Akagali ka Kabatezi mu Murenge wa Jenda mu karere ka Nyabihu yiyahuye yimanitse mu mugozi nyuma y’amakimbirane yagiranye n’umugore we amaze gutiza igitiyo umuvandimwe ba.

Bamwe mu baturanyi b’uyu nyakwigendera Sibomana bavuga ko ayo makimbirane yatangiye ubwo umugore we Mutuyimana Clementine yatizaga igitiyo musaza we witwa Gasore kikamuburiraho bituma havuka amakimbirane yaviriyemo umugabo kwiyahura.

Rurangwa Manzi Umunyamabanga Nshingwabikorwa w’Umurenge wa Jenda yemeza amakuru y’uku kwiyahura avuga ko byabaye mu mugoroba wo ku wa 30 Nzeri 2016 hafi ya saa moya z’ijoro.

Yagize ati “Ikibazo cyabayeho ubwo umugore wa Sibomana yatizaga igitiyo uwitwa Gasore ntiyagitirura kandi afitanye isano n’umugore; ibi Sibomana yabibonye nk’agasuzuguro agiriwe n’umuryango w’umugore we bibyara intonganya mu rugo.”

Yakomeje agira ati “Byageze aho ahura n’uwo Gasore bararwana abaturage barabakiza bashaka kubunga ariko Sibomana arabyanga; rero umugabo yageze mu rugo atongana cyane n’umugore we kandi yari yasinze cyane. Ubwo rero mu ri uwo mugoroba umugore yagiye guhaha mu gasantere ka Jenda asiga umugabo mu rugo agarutse asanga umugabo yimanitse mu mugozi yapfuye.”

Rurangwa avuga ko bidasanzwe kubona mu Murenge ayoboye kubona umugabo ukiri muto yiyahura, ngo byari bimenyerewe ku bantu bakuze. Ati “Ubundi twari tumenyereye kubona abantu bageze mu za bukuru ari bo biyahura ariko kubona umusore w’imyaka 30 yiyahura assize abana bane ntitwari tubimenyereye”

Muri uyu mwaka muri uyu murenge hamaze kwiyahura abakuze babiri n’uyu Sibomana aje ari uwa gatatu.

 

Comments

 
 
Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Abasaga 300 bahawe akazi ko kubaka imihanda Perezida Kagame yemereye Abanyagakenke
Abasaga 300 bahawe akazi ko kubaka imihanda Perezida Kagame yemereye Abanyagakenke

Ubuyobozi bw’Akarere ka Gakenke buvuga ko ibikorwa byo kubaka imihanda Perezida wa Repubulika yemereye abaturage byatangiye, ndetse ko abaturage basaga 300 babonye akazi. Iyi mihanda Perezida (...)

Ngororero:Abahinzi bakeneye inganda zitunganya umusaruro w’urutoki
Ngororero:Abahinzi bakeneye inganda zitunganya umusaruro w’urutoki

Abahinzi bo mu Karere ka Ngororero bavuga ko kutagira inganda zitunganya umusaruro w’ibikomoka ku rutoki ndetse no ku bindi bihingwa, bituma umusaruro wabo utababyarira umusaruro ukwiye. Mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.