Advertisement
 
 
 
 
 
 
 
 

Amakuru | Mu Ntara

Nyabihu: Umuryango wari ubangamiwe n’umunuko w’impu wubakiwe inzu   

  Yanditswe na NGABOYABAHIZI PROTAIS
 1 week ago

 
 

Umuryango wa Rutayisire Emile ugizwe n’abantu bagera ku 10, urashimira cyane ubuyobozi bwabafashije kubona inzu nziza yo guturamo, nyuma y’igihe kirekire baba mu nzu yuzuyemo umunuko w’impu.

Rutayisire avuga ko mbere yo guhabwa iyi nzu yabaga mu nzu ibikwamo impu, umunuko wazo ukabangamira abagize umuryango we bayibanagamo.

Iyi nzu Rutayisire yubakiwe ifite agaciro k’amafaranga agera kuri miliyoni 8, ifite igikoni, ubwiherero, sitoke, imirasire y’amashanyarazi, n’ikigega gifata amazi, kandi ngo biteganijwe ko azahabwa n’inka imuha amata.

Uyu mugabo w’imyaka 56, avuga ko iyi nzu idashobotse iri mu murenge Mukamira, akagari ka Jaba yayimazemo imyaka 8, ariko ubu ngo yatujwe mu mudugudu, ahabwa inzu nziza.

PNG - 1.4 Mb
Inzu umuryango wa Rutayisire wubakiwe yujuje ibyangombwa byose (Foto Ngaboyabahizi P)

Yagize ati “Nabagaho nabi mu buryo burenze, reba nawe guturana n’impu zacuruzwaga, tekereza umunuko na we ubwawe wahasanze, imyotsi kuri ubu yantereye abana ubumuga bukomoka mu guhumeka umwuka mubi, ariko kuri ubu merewe neza cyane”.

Yakomeje agira ati “Ubu merewe neza, Paul Kagame ubu yanyubakiye inzu nziza mu mudugudu w’ikitegererezo wa Kabyaza, nta myotsi, nta mwuka mubi, mfite imirasire, ndivuza nta cyo mbaye.

Ntabwo nkirara ndwanira n’abana akaringiti, sinkirara hasi ndicara ku ntebe, ndamushimiye cyane kandi ndashima n’itangazamakuru kuko iyo ritaza kunkorera ubuvugizi kuri ubu mba nkiri hariya hantu habi.”

Yunzemo ati “N’ubwo bamwe bamfataga nk’uri mu manegeka, iyi nzu nzayifata neza kandi mpeshe agaciro uwazirikanye uburinganire mu mibereho y’Abanyarwanda uhereye ku ndushyi nkanjye”.

Umunyamabanga nshingwabikorwa w’umurenge wa Mukamira Karihe Bienfait, yavuze ko umuryango wa Rutayisire wari ubayeho nabi mu buryo koko ngo bigaragara ko buteye impungenge.

Kuri ubu rero aramusaba gufata neza iriya nzu, ngo kandi bazakomeza kubakira abandi bose badafite aho baba.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ngoma: Akarere karishyurira ES Mutenderi umwenda wa miliyoni 80
Ngoma: Akarere karishyurira ES Mutenderi umwenda wa miliyoni 80

Ubuyobozi bw’Akarere ka Ngoma buvuga ko bwahawe isomo rikomeye n’ideni ry’amafaranga y’u Rwanda agera kuri miliyoni 80 akarere karimo kwishyurira ishuri ryisumbuye rya Mutenderi (ES Mutenderi), (...)

Karongi: Imirima y’abaturage imaze imyaka 4 yarigaruriwe na rwiyemezamirimo
Karongi: Imirima y’abaturage imaze imyaka 4 yarigaruriwe na rwiyemezamirimo

Bamwe mu baturage bo mu mirenge wa Rugabano na Rubengera mu karere ka Karongi, barasaba ko bahabwa uburenganzira bwo kubyaza umusaruro imirima yabo, kuko kuyegurira rwiyemezamirimo babibonamo (...)

Nyamasheke: Akarere gahangayikishijwe n’ingurane z’abaturage zatinze kuboneka
Nyamasheke: Akarere gahangayikishijwe n’ingurane z’abaturage zatinze kuboneka

Ubuyobozi bw’Akarere ka Nyamasheke buravuga ko buhangayikishijwe n’ikibazo cy’abaturage 324 bafite imitungo yabo yangijwe mu ikorwa ry’umuhanda Nyamasheke-Karongi, magingo aya bakaba batarahabwa (...)

Rwamagana: Hanenzwe ababyeyi bahorana intonganya mu ngo
Rwamagana: Hanenzwe ababyeyi bahorana intonganya mu ngo

Minisitiri w’ubutegetsi bw’igihugu Kaboneka Francis, arasaba abanyarwanda kubungabunga umutekano w’igihugu, ariko ugahera mu ngo zabo, abarara barwana bakabyihana kuko nabyo bibarwa mu bihungabanya (...)

Rusizi: Abapasiteri 21 bageze mu zabukuru bagabiwe inka
Rusizi: Abapasiteri 21 bageze mu zabukuru bagabiwe inka

Itorero Méthodiste Libre mu Rwanda ryagabiye inka abapasiteri 21 bageze mu zabukuru, mu rwego rwo kubafasha kugira amasaziro meza. Ubuyobozi bw’iri torero bwemeza ko ari ubwa mbere gahunda nk’iyi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.