Advertisement
 
 
 
 
 
 
 
 

Amakuru | Mu Ntara

Nyabihu: Umugezi wangiriza abaturage warenze ubushobozi bw’Akarere   

  Yanditswe na NGABOYABAHIZI PROTAIS
 3 weeks ago

 
 

Abaturage bo mu karere ka Nyabihu bafite imirimo inyura mu kibaya kinyuramo umugezi witwa Nyamukongoro babangamiwe n’uburyo uyu mugezi urenga inkombe ukangiza ibyabo birimo imirima n’inzu.

Mu gih basaba ubufasha ku buyobozi ngo iki kibazo gishakirwe umuti kuko bakoresheje imbaraga zabo bikabananira, ubuyobozi bw’akarere ka Nyabihu na bwo buvuga ko kirenze ubushobozi bwako ariko ngo ku bufatanye n’inzego zisumbuye barimo kugishakira umuti urambye.

JPEG - 209.6 kb
Abahinzi ngo iyo umugezi wa Nyamukongoro wuzuye ubangiriza imyaka

Gusa abaturage bo barasaba ko nibura habonetse imashini yabafasha guca inzira ngari y’uyu mugezi ari byo byatanga igisubizo kirambye, ngo kuko imbaraga zabo ntizashobora gucukura ahantu hagari kandi harehare.

Umuyobozi w’Akarere ka Nyabihu Uwanzwenuwe Theoneste kuri iki kibazo, yagize ati “Ikibazo cy’ uyu mugezi wa Nyamukongoro urenga inkombe ukangiza ibikorwa by’abaturage, ni ikibazo gikomeye ndetse kirenze n’ubushobozi bw’Akarere, ariko ku bufatanye n’izindi nzego hararebwa uburyo uyu mugezi wakorerwa inzira ihagije ku buryo utakongera kwangiza ibikorwa by’abaturage nubwo ari ikibazo kitoroshye.”

Abaturage bemeza ko amazi y’uyu mugezi atizwa umurindi n’indi migezi iwirohamo, hamwe n’amazi aturuka ku misozi ikikije iki kibaya hakiyongeraho n’andi aturuka ku mazu yo mu midugudu yubatswe mu misozi kuko ngo amazi avuye kuri izo nzu adafatwa na beneyo uko bikwiye bigatuma ayo atiza umurindi uyu mugezi.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ngoma:Barasabira ubuvugizi umuturanyi wabo wananiwe kwivuza indwara yo kugwa
Ngoma:Barasabira ubuvugizi umuturanyi wabo wananiwe kwivuza indwara yo kugwa

Abaturage bo mu kagari ka Nyagatugunda, umurenge wa Zaza, mu karere ka Ngoma, barasaba ubuyobozi gukorera ubuvugizi umuturanyi wabo witwa Twishime Issa umaze amezi atandatu adafata imiti (...)

Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.