Advertisement
 
 
 
 
 
 
 
 

Amakuru | Mu Ntara

Nyabihu: Hadutse abajura bataburura ibirayi bimaze guterwa   

  Yanditswe na NGABOYABAHIZI PROTAIS
 September 2016

 
 

Abaturage bo mu murenge wa Bigogwe mu karere ka Nyabihu, babangamiwe n’abajura babaca mu rihumye bagatabura imbuto y’ibirayi yamaze guterwa; ubu bujura bumaze gufata indi ntera ku buryo basaba inzego z’umutekano kubagoboka.

Aba baturage bari bamenyereye ko ubujura bw’ibirayi buboneka mu gihe cy’umwero wabyo, ariko ubu gukurikira imbuto imaze guterwa itaramera ni agashya kuri bo.

Bavuga ko bamerewe nabi kuko babona ubu bujura buzabakururira inzara mu gihe kizaza cyane ko n’ubu ababona imbuto yo gutera ari mbarwa kuko imbuto y’ibirayi yahenze.

JPEG - 586 kb
Abaturage bahangayikishijwe n’abajura bataburura ibirayi bimaze guhinngwa

Muhinde Eric umwe muri bo, yagize ati “Ikilo cy’imbuto kiragura amafaranga 500 wamara kubitera abajura bakagaruka inyuma yawe, mbese biruka mu ntabire hose ku buryo usanga nta kirayi na kimwe kiharangwa, bajya kubirya ibindi bakongera bakabigarura mu isoko, hakaba ubwo wongeye kugura ibyavuye mu wawe, rwose ubuyobozi nibuhagurukire iki kibazo kuko bigiye gutuma tugira inzara y’akarande”.

Abaturage bemeza ko iki kibazo kitari mu murenge wa Bigogwe gusa ngo kuko no mu wa Kanzenze w’Akarere ka Rubavu bihanye imbibi abajura bayogoje abahinzi bakura imbuto imaze guterwa mu mirima.

Umukozi w’Umurenge ushinzwe ubuhinzi mu murenge wa Bigogwe Hakizimana Innocent, yahamije ko ikibazo cy’abitwikira ijoro bakajya kwiba imbuto y’ibirayi imaze guterwa kiriho ariko ku bufatanye n’abaturage babo biteguye kugikemura burundu, hakorwa amarondo na gahunda yo gutanga amakuru kuri buri wese ukekwa.

Abaturage bahangayikishijwe n’uko ubuyobozi butagize icyo bubafasha bajya batangira kurinda intabire kugeza ibirayi byeze, bakaba babona byabasigamo imvune.

 

Comments

 
 
Gakenke: I Rusenge bamaze imyaka 2 bafite amapoto nta mashanyarazi
Gakenke: I Rusenge bamaze imyaka 2 bafite amapoto nta mashanyarazi

Abaturage bo mu mirenge ihuriye kuri santere y’ubucuruzi ya Rusenge, bavuga ko baheze mu icuraburindi, mu gihe ngo bari bijejwe umuriro w’amashanyarazi, none ngo imyaka ikaba ibaye ibiri amapoto (...)

Gatsibo: Kubufatanye n’abaturage, 3 bafatanywe urumogi n’inzoga zitemewe
Gatsibo: Kubufatanye n’abaturage, 3 bafatanywe urumogi n’inzoga zitemewe

Ku bufatanye n’abaturage, Polisi ikorera mu turere twa Nyamagabe na Gatsibo, mu bihe bitandukanye, yafashe ibiyobyabwenge birimo urumogi n’inzoga zitemewe kuri uyu wa kabiri taliki ya 18 Mata 2017. (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.