Advertisement
 
 
 
 
 
 
 
 

Amakuru | Mu Ntara

Nyabihu: Babasha kuvugira kuri telefoni bagenze ibilometero 5   

  Yanditswe na NGABOYABAHIZI PROTAIS
 September 2016

 
 

Bamwe mu baturage bo mu kagari ka Kareba, Umurenge wa Jenda, Akarere ka Nyabihu baratangaza ko bari mu bwigunge batewe no kudakoresha telefoni uko bikwiye kuko bakora urugendo rungana n’ibilometero bibarirwa muri bitanu mu gihe cy’iminota 30 kugira ngo bagere ahari ‘reseau’.

Aba baturage ngo basanga umuvuduko w’iterambere igihugu kimaze kugeraho, nta muntu wakagombye kuba agorwa n’uburyo bwo gukoresha itumanaho rya telefoni.

Zirimabagabo Jean Baptiste yagize ati "Ntushobora kuvugana na mugenzi wawe ; dore nk’ubu kugira ngo ubashe kubona uburyo uvugana na mugenzi wawe bigusaba nibura gukora urugendo rw’iminota 30. Kugira ngo tugere ku muhanda ahari igiti cy’inganzamarumbo, aho usanga tukibisikanamo yemwe hari n’abazakimanukamo, kuko abanyantege nke bashobora kuhamara nk’isaha bategereje ko bagera ku ishami."

Yongeraho ko kuba nta reseau bituma batabasha kohererezwa amafaranga no kuyohereza, ntibabone n’uburyo bwo kugura umuriro w’amashanyarazi hakoreshejwe ikoranabuhanga, n’izindi serivisi zaborohereza ubuzima binyuze kuri telefoni.

Aba baturage bemeza ko iki kibazo giterwa n’uko nta minara irangwa muri aka gace, bakaba inzego zibishinzwe kubakorera ubuvugizi bakava mu bwigunge.

Umuyobozi w’Akarere ka Nyabihu Uwanzwenuwe Theoneste yabwiye Imvaho Nshya ko bagiye kuganira n’amasosiyeti y’itumanaho kugira ngo iki kibazo gikemurwe.

Yagize ati "Ni byo koko kuba bariya baturage bafite ikibazo cy’itumanaho birabadindiza kandi na twe bituraje ishinga kuba bari mu icuraburindi. Tugiye kubiganiraho n’amakompanyi afite mu nshingano zayo itumanaho, kugira ngo harebwe uburyo muri kariya gace hagera iminara."

 

Comments

 
 
Kirehe: Abafashwa na FARG Bifuza kugabanyirizwa amafaranga bashoraga mu mushinga
Kirehe: Abafashwa na FARG Bifuza kugabanyirizwa amafaranga bashoraga mu mushinga

Abarokotse Jenoside yakorewe Abatutsi bagera kuri 49, bo mu kagari ka Nyabitare, umurenge wa Nyarubuye bagenerwa inkunga binyujijwe mu kigega gifasha abarokotse Jenoside yakorewe Abatutsi mu 1994 (...)

Rubavu: Abatuye mu mbago z’ikibuga cy’indege cya Gisenyi basonewe imisoro
Rubavu: Abatuye mu mbago z’ikibuga cy’indege cya Gisenyi basonewe imisoro

Inama Njyanama y’akarere ka Rubavu yafashe umwanzuro wo gusonera imisoro abaturage baturiye ikibuga cy’indege cya Gisenyi, nyuma y’imyaka irenga 8 barahagaritswe kugira ibikorwa by’iterambere (...)

Amajyaruguru: Hari kwigwa itegeko rihana abakora uburobyi mu buryo butemewe
Amajyaruguru: Hari kwigwa itegeko rihana abakora uburobyi mu buryo butemewe

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi. Intara (...)

Rubavu: Abamaze imyaka itatu batagira amazi bagiye gusubizwa
Rubavu: Abamaze imyaka itatu batagira amazi bagiye gusubizwa

Akarere ka Rubavu karahumuriza abaturage bamaze imyaka igera kuri 3 batagira amazi mu ngo zabo bakavuga ko bamaze gukora amasezerano n’ikigo cy’igihugu cy’amazi, isuku n’isukura, WASAC, ku buryo (...)

Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.