Advertisement
 
 
 
 
 
 
 
 

Amakuru | Mu Ntara

Nyabihu: Abangirijwe n’urutambi bategereje ingurane imyaka 2   

  Yanditswe na NGABOYABAHIZI PROTAIS
 3 months ago

 
 

Abaturage bo mu karere ka Nyabihu mu murenge wa Bigogwe bafite inzu zangijwe n’urutambi ubwo hakorwaga umuyoboro w’amashanyarazi ahuriweho n’ibihugu byo mu muryango w’Afurika y’Iburasirazuba; baratangaza ko baheze mu gihirahiro nyuma y’aho inzu zabo zangiritse ntibahabwe indishyi, bakaba bafite impungege ko zizabagwaho.

Umwe mu baturage bo mu murenge wa Bigogwe, Akagari ka Kora; Nsengiyumva Leonidas yavuze ko hashize imyaka ibiri beretse ubuyobozi bw’Akarere ikibazo cyabo ariko ngo baracyari mu gihirahiro.

Yagize ati “Kugeza ubu ntacyo ubuyoboi bwigeze bukora kugira ngo tubone indishyi z’amazu yacu yagiye asaduka, agatoboka ibisenge, andi inkuta zikagwa hasi; cyakora hari bamwe bagiye bagenerwa amafaranga yo gusana ariko ntacyo yamaze ugeraranyije n’ibyari byangijwe. Kugeza ubu rero abasigaye twe amaso yaheze mu kirere.”

Yongeraho ko bahora bahangayitse batinya ko inzu zabo zabagwaho, cyane nko muri ibi bihe by’imvura, bagaheraho basaba inzego zibishinzwe gukurikirana iki kibazo vuba.

Ubuyobozi bw’Akarere ka Nyabihu buvugako iki kibazo bukizi ariko ngo cyatindijwe n’uko bagishakisha ikompanyi yakoraga ayo mashanyarazi kugira ngo ibumvikanishe n’abo baturage ku bijyanye n’indishyi z’ibyabo.

Umuyobozi w’Akarere ka Nyabihu Uwanzwenuwe Theoneste yagize ati “Icyatumye gitinda gukemuka ni uko tugishakisha uburyo bwo kubahuza no kubumvikanisha na kompanyi yakoraga aya mashanyarazi, y’Abahinde, tugiye gushaka REG tubiganireho dore ko n’umuriro w’amashanyarazi uri mu nshingano zayo, gusa nkaba ntatanga igihe kizakemurirwa, kuko bisaba nyine kubanza kubiganiraho n’izo nzego navuze haruguru, kandi ntitwakwemera ko umuturage arengana.”

Abangirijwe n'intambi barasaba kurenganurwa nyuma y'imyaka ibiri amaso yaraheze mu kirere

Abaturage bemeza ko atari inzu zangiritse gusa kuko ngo hari n’indi mitungo yangijwe irimo imyaka n’amashyamba yabo, kugeza ubu nabo ngo bakaba batarabona ingurane z’ibyabo byangijwe.

 

Comments

 
 
Burera:Ubuyobozi bwihanangirije ababyuka banywa inzoga  ngo zibatera imbaraga
Burera:Ubuyobozi bwihanangirije ababyuka banywa inzoga ngo zibatera imbaraga

Ubuyobozi bw’akarere ka Burera burasaba abaturage gucika ku muco wo kubyukira ku ntango y’inzoga n’ibigage, ahubwo bakimakaza umuco wo kubyukira k’umurimo, biteza imbere. Ubu butumwa bwatanzwe mu (...)

Rusizi: Ababyeyi barinubira abakobwa babo
Rusizi: Ababyeyi barinubira abakobwa babo "babaturaho" abuzukuru babyaye batiteguye

Bamwe mu babyeyi bo mu murenge wa Rwimbogo mu karere ka Rusizi, baravuga ko bahangayikishijwe bikomeye n’abana babo bata amashuri kubera inda zitateguwe ntibanavuge abazibatera, ugasanga barateza (...)

Muhanga:Hafunguwe ibyumba by’amashuri y’abafite ubumuga
Muhanga:Hafunguwe ibyumba by’amashuri y’abafite ubumuga

Umuganda ngarukakwezi ku rwego rw’Akarere ka Muhanga, wabereye hafi y’ishuri ry’abafite ubumuga, uhuzwa no gutaha ku mugaragaro ibyumba 6 yabo, byatwaye miliyoni 60 z’amafaranga y’u Rwanda. Senateri (...)

Ngoma:Abaturage basabye ubuyobozi kubasaranganya igishanga cya Misarara
Ngoma:Abaturage basabye ubuyobozi kubasaranganya igishanga cya Misarara

Abaturage bo mu midugudu ya Munini I na Munini II, akagari ka Bugera, umurenge wa Remera, barasaba ubuyobozi kubakememurira ikibazo cy’imihingire y’igishanga cya Misarara, bavuga ko bari basanzwe (...)

Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.