Advertisement
 
 
 
 
 
 
 
 

Amakuru | Mu Ntara

Nyabihu: Abakora imyuga bakuze n’abato ntibavuga rumwe ku gakiriro   

  Yanditswe na NGABOYABAHIZI PROTAIS
 1 week ago

 
 

Mu gihe bamwe mu basanzwe mu mwuga bo mu karere ka Nyabihu baturumva neza ibyiza byo kwibumbira hamwe bakorera mu gakiriro, urubyiruko rwo muri Mukamira rwo ruratangaza ko kaje ari igisubizo kinini.

Urubyiruko rwinubira imyitwarire y’abasaza baseta ibirenge mu kugana agakiriro mu gihe bo babona gafite inyungu zifatika.

Nzayituriki Bonaventure ni umwe mu bakuze ukora ububaji muri Mukamira, akaba yemeza ko amaze imyaka 30 abukora ariko agakiriro kamugabanyirije abakiliya.

JPEG - 135.6 kb
Abakobwa bo mu gakiriro ka Mukamira ngo batinyutse umwuga w’ubucuzi (Foto Ngaboyabahizi P)

Yagize ati “Maze imyaka igera kuri 30, nkora umwuga w’ububaji, aho nakoreraga mu rugo nari mfite isoko, ariko muri iyi minsi aho naziye mu gakiriro mfata ku ifaranga nka nyuma y’icyumweru kubera ko abakiriya binubira urugendo baza kugura ibikoresho byacu.”

Yakomeje ahamya ko bamwe muri bagenzi be basheshakanguhe bamenyereye umwuga, basigaye bakora nka magendu mu ngo zabo bakazana ibikoresho bike mu gakiriro ibindi bigakoreshwa mu rugo.

Yasabye ko hajyaho amabwiriza akaze asaba buri wese w’umunyamwuga kugana agakiriro n’abagura ibikoresho by’ububaji bakagana agakiriro gusa.

Gusa abakiri bato ntibabona agakiriro kimwe n’abakuze kuko kabafashije kwegerana bagahuza ingufu.

JPEG - 108.4 kb
Bamwe mu bagore bagannye agakiriro (Foto Ngaboyabahizi P.)

Mujawamariya Alphonsine, umwe mu bakobwa biga umwuga w’ubucuzi yagize ati “Ubundi buri gihe impinduka ziragora, aba basaza bo bumva ko ngo kurera mu gakiriro byabasubije inyuma kubera ko batabona agafaranga, ariko kuri twe, ni igisubizo kirambye, ubu rwose agakiriro karadutinyuye, nk’abakobwa urabona ndimo ndiga gucura ibikoresho binyuranye, mu gihe bavugaga ngo umugore ntatambuka umuseno byari uburyo bwo kudukumira.”

Umuyobozi w’Akarere ka Nyabihu wungirije ushinzwe imari n’ubukungu Mugwiza Antoine,yashimangiye inyungu zo kwishyira ahamwe agaragaza ko biri mu bizana ubukire byihuse.

Yagize ati “Bariya bavuga ko babuze isoko turakomeza kubegera tubamenyesha ko kwishyira hamwe ari ingenzi, ku bikoresho bike ubu na bwo dukora ubuvugizi ku nzego zibishinzwe kugira ngo biboneke.”

Agakiriro ka Mukamira gafite koperative zinyuranye zikoreramo, ubucuzi, ububaji n’ibindi, ariko nanone kakaba kagifite inyubako nkeya n’ibikoresho bike, nk’imashini n’ibindi.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ngoma:Barasabira ubuvugizi umuturanyi wabo wananiwe kwivuza indwara yo kugwa
Ngoma:Barasabira ubuvugizi umuturanyi wabo wananiwe kwivuza indwara yo kugwa

Abaturage bo mu kagari ka Nyagatugunda, umurenge wa Zaza, mu karere ka Ngoma, barasaba ubuyobozi gukorera ubuvugizi umuturanyi wabo witwa Twishime Issa umaze amezi atandatu adafata imiti (...)

Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.