2017-07-27 14:29:24 clouds 27o High | Kigali Rwanda

Dukurikire:
 
 

Ntawe uhuzagurika ngo aze imbere – Kagame

Yanditswe na IMVAHO NSHYA

Kuya 2016-11-18 15:18:24

 
Share on:
 
Yasuwe:6
 
Yavuzweho:200
 
10
 
10

Kuri uyu wa Gatanu tariki 18 Ukuboza, Perezida Paul Kagame yakiriye indahiro z’abadepite bashya binjiye mu Nteko Ishinga Amategeko ari bo Karinijabo Barthelemy, Mukamana Elizabeth na Bitunguramye Diogene.

Perezida Kagame yasabye abarahiye kongera imbaraga guteza imbere igihugu, ati “Murasabwa kongera imbaraga kugira ngo igihugu kirusheho gutera imbere.”

Abarahiye basimbuye Depite Nyandwi Desire witabye Imana, Nyirasafari Esperence uherutse kugirwa Minisitiri w’Uburinganire n’Iterambere ry’umuryango na Mureshyankwano Marie Rose wagizwe Guverineri w’Intara y’Amajyepfo.

Ubwo yari amaze kwakira indahiro z’aba badepite, Perezida Kagame yavuze ko abakora bahuzagurika basashobora kuza ku mu myanya y’imbere nk’uko u Rwanda rumeze, ashimangira ko ruzakomeza kuguma imbere mu ishoramari, ubukungu, umutekano n’izindi.

Ati “Ntabwo abantu baba bahuzagurika ngo baze ku mwanya w’imbere. Gukora kwacu ni ukwikorera. Turifuza gukomeza gukora ibintu bizima kandi birambye. Inshingano yacu ni ugukomeza gukora neza.”

Umukuru w’Igihugu yibukije ko gukora kw’Abanyarwanda ari ukwikorera, asaba ko buri wese yaharanira gukora ibintu bizima kandi biramba, bityo akaba ntawakora ngo ageze aho adashobora gukomeza.

Ati “Ntawakora neza ngo ageze aho adashobora gukomeza gutera intambwe ijya imbere u Rwanda ruzakomeza guharanira gukora neza, no kuza imbere muri byinshi nubwo hakiri urugendo.

Yakomeje ashimangira ko u Rwanda ruzakomeza kuza ku mwanya w’imbere muri byinshi, asaba abayobozi bitabiriye uyu muhango gukomeza gukorana imbaraga mu guharanira kujya imbere.

Andi mafoto menshi kanda hano

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE