Advertisement
 
 
 
 
 
 
 
 

Amakuru | Mu Ntara

Ngoma: Isoko ry’Akarere ritarema buri munsi ryahagurukije ubuyobozi   

  Yanditswe na MANISHIMWE NOËL
 5 months ago

 
 

Ubuyobozi bw’Akarere ka Ngoma buvuga ko bugiye gusuzumira hamwe igituma isoko rikuru ryo mu mujyi wa Ngoma ritarema buri munsi, mu gihe abaturage badahwema kugaragariza ubuyobozi icyifuzo cy’uko iri soko ryarema buri munsi, bikoroshya ubuhahirane, iterambere ry’umujyi n’ubukungu.

Mu bihe bitandukanye abagana Umujyi w’Akarere ka Ngoma, mu murenge wa Kibungo banenze ko iterambere ryawo rigenda gahoro cyane, ugereranyije n’imijyi yo mu tundi turere hirya no hino mu gihugu.

Bimwe mu byakabaye bigira uruhare mu iterambere ry’uyu mujyi, ni isoko rikuru ry’Akarere ka Ngoma, riherereye ahafatwa nko mu mujyi rwagati mu murenge wa Kibungo rirema ku wa Gatatu n’uwa Gatandatu w’icyumweru. Riremwa n’abaturuka mu mirenge 14 igize akarere, hakiyongeraho abaturuka mu mirenge ihana imbibi n’aka karere, yo mu turere twa Kayonza na Kirehe.

JPEG - 176.2 kb
Ubuyobozi bw’Akarere ka Ngoma bugiye kwiga igituma iri soko ritarema buri munsi gishakirwe umuti

Abaturage baganiye n’Imvaho Nshya bagiye bagaragaza ko bifuza ko iri soko ryashyirwamo imbaraga rikava ku kurema iminsi ibiri mu cyumweru, rikarema buri munsi.

Babishingira ku kuba bigorana cyane nko kubona aho guhahira ibitoki, ibirayi, imbuto n’imyenda… mu mujyi wa Ngoma, atari ku munsi w’isoko.

Mukeshimana Jeanne utuye i Kubungo yagize ati “Biracyagorana cyane guhahiramo hano kuko niba utaje ku munsi w’isoko ntacyo wahabona. Ahantu hitwa ko ari mu mujyi wa mbere w’akarere, nibura hakabaye hari isoko rihorahoro. Ubona ko ahantu hari isoko hahora urujya n’uruza, abakora bizinesi bariyongera kandi bakunguka. Kandi n’abaturage ntibagira ubukene bwinshi bw’amafaranga bitewe nuko igihe cyose aba azi ko niba hari icyo afite cyo kumugoboka, yajya ku isoko.”

Mu mpera z’umwaka ushize wa 2015, ubwo hatahwaga igice cya kabiri cy’inyubako z’isoko rya Ngoma cyagenewe gucururizwamo ibintu bitandukanye byiganjemo imyaka n’ibiribwa, abaturage basabye ubuyobozi bw’Akarere ko bwabemerera iri soko rikajya rirema buri munsi.

Icyo gihe Nambaje Aphrodice, Umuyobozi w’Akarere ka Ngoma yahise ashyigikira icyifuzo cy’abaturage, ariko kugeza magingo aya ntabwo kirashyirwa mu bikorwa.

Rwiririza Jean Marie Vianney, Umuyobozi wa Kimisiyo y’ubukungu mu nama njyanama y’Akarere ka Ngoma, avuga ko icyifuzo cy’uko isoko rikuru rya Ngoma rikwiye kurema buri munsi kiri mu byo bagaragarijwe cyane n’abaturage bo mu mirenge 14 igize akarere mu ngendo abagize iyi komisiyo bamazemo iminsi.

Agaragaza ko ubu hagiye kwihutishwa ibikorwa byo kureba uburyo isoko rikuru rya Ngoma ryarema buri munsi nk’uko abaturage babyifuza. Yagize ati “Tuzakiganiraho dufatanyije n’imirenge ikunda kurema isoko rya Kibungo n’abatekinisiye. Kandi dukwiye gukora inyigo vuba kandi, byagaragaye ko bikozwe abaturage babyishimira. Bagiye batugaragariza kenshi ko babyifuza, kandi byatuma n’imisoro yiyongera.”

 

Comments

 
 
Gakenke: I Rusenge bamaze imyaka 2 bafite amapoto nta mashanyarazi
Gakenke: I Rusenge bamaze imyaka 2 bafite amapoto nta mashanyarazi

Abaturage bo mu mirenge ihuriye kuri santere y’ubucuruzi ya Rusenge, bavuga ko baheze mu icuraburindi, mu gihe ngo bari bijejwe umuriro w’amashanyarazi, none ngo imyaka ikaba ibaye ibiri amapoto (...)

Gatsibo: Kubufatanye n’abaturage, 3 bafatanywe urumogi n’inzoga zitemewe
Gatsibo: Kubufatanye n’abaturage, 3 bafatanywe urumogi n’inzoga zitemewe

Ku bufatanye n’abaturage, Polisi ikorera mu turere twa Nyamagabe na Gatsibo, mu bihe bitandukanye, yafashe ibiyobyabwenge birimo urumogi n’inzoga zitemewe kuri uyu wa kabiri taliki ya 18 Mata 2017. (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.