Advertisement
 
 
 
 
 
 
 
 

Amakuru | Mu Ntara

Ngoma: Imiryango 54 itishoboye yorojwe inka zihaka   

  Yanditswe na MANISHIMWE NOËL
 5 months ago

 
 

Imiryango 54 yo mu karere ka Ngoma ibarizwa mu byiciro bya 1-2 by’ubudehe yorojwe inka muri gahunda ya Girinka.

Abahawe izi nka batangaje ko zigiye kubunganira mu kubona ifumbire bikazamura ubukungu, kandi ngo nizibyara bazabona amata bibafashe kurwanya imirire mibi.

K uwa 22 Ugushyingo 2016 ni bwo imiryango 54 ifite abana basanzwe bafashwa n’umushinga Compassion International ufasha abana bakennye kwigobotora imibereho mibi, yahawe inka 54 zihaka, zifite agaciro k’amafaranga miliyoni 16.

Abazihawe bashimiye uyu mushinga, bagaragza ko zigiye kubafasha kwivana mu bukene; bakagira ubushobozi bwo kuva mu byiciro by’abakene barimo, bagatera imbere, bakajya mu byisumbuyeho.

Mudenge Valens, utuye mu murenge wa Kibungo uri mu kigero cy’imyaka 70, avuga ko yavukiye mu muryango w’aborozi, nyuma inka zigashira.

Avuga ko yari abayeho mu bukene, gusa ngo inka yorojwe izamufasha kurwanya imirire mibi no kwikenura mu muryango we n’abaturanyi.

JPEG - 525.8 kb
Murigo Eugene ashyikiriza umwe mu bagize imiryango 54 yorojwe inka (Foto Manishimwe N)

Yagize ati “Ngize amahirwe kuba mbonye iyi nka.Igiye kumpa ifumbire mu gihe itarabyara.Nimara kubyara nyitezeho amata. Nimbona amata urabona ko nanutse, icyo gihe nzabyibuha, n’abana n’umuryango bagire ubuzima bwiza.Nzayifata neza cyane bishoboka ku buryo izororoka, ikaba iy’umuryango wanjye nkabasha no koroza abandi.”

Mukamurenzi Alphonsine wo mu murenge wa Kazo na we nyuma yo guhabwa inka yagize ati “Iyi nka ije mu gihe gikwiye. Igiye gutanga ifumbire, umusaruro w’ubuhinzi wiyongere. Kandi nibyara amata tuzayabona, tujye tuyanywa tutabanje kuyagura.Ubukungu buziyongera, ubuhinzi butange umusaruro cyane kandi na ya mafaranga y’amata azamfasha.”

Murigo Eugène, Umuyobozi wa Porogaramu mu mushinga Compassion International, avuga ko koroza imiryango 54 byari bagamije gufasha imiryango abana bavukamo kwigira, kugira ngo ubuzima bw’abana bube bwiza kurushaho.

Yagize ati “Nibazifata neza nk’uko abayobozi badasiba kubitoza abanyarwanda, uworojwe azoroza mugenzi we.Icyo nasaba abazibonye ni ukuzifata neza zikororoka, kandi hakabaho gukomeza kwita ku bana turera n’imiryango yabo kugira ngo bazagere ku rwego rwiza, aho nabo bashobora gufasha abandi.”

Kirenga Providence, umuyobozi w’akarere ka Ngoma wungirije ushinzwe imibereho myiza yashimiye abafatanyabikorwa bunganira ishyirwa mu bikorwa rya gahunda ya Girinka.

Yasabye imiryango yorojwe inka kuzitaho, zikababera isooko y’ubukungu, iterambere n’ubuzima bwiza.

Ati “Bazihawe ari inka nziza, ntabwo twifuza ko hari isubira inyuma, kuko ziriya nka zose zirahaka.Kandi tuyikeneyeho umusaruro kubera ko inka ari ikimenyetso cy’ubukungu, ifumbire, amata, abana bakanywa bagahaga, mukanasagurira amasoko.Burya inka woroye neza iritunga, igatunga na nyirayo.”

Gahunda ya Girinka yatangijwe mu mwaka wa 2006. Buri mwaka mu igenamigambi rya buri karere hagenwa umubare w’imiryango itishoboye izorozwa inka, hagamijwe kuyifasha kwivana mu bukene. Muri uyu mwaka wa 2016-2017 akarere ka Ngoma kagaragaza ko gateganya guha inka imiryango 550 , muri gahunda ya Girinka.

 

Comments

 
 
Gakenke: I Rusenge bamaze imyaka 2 bafite amapoto nta mashanyarazi
Gakenke: I Rusenge bamaze imyaka 2 bafite amapoto nta mashanyarazi

Abaturage bo mu mirenge ihuriye kuri santere y’ubucuruzi ya Rusenge, bavuga ko baheze mu icuraburindi, mu gihe ngo bari bijejwe umuriro w’amashanyarazi, none ngo imyaka ikaba ibaye ibiri amapoto (...)

Gatsibo: Kubufatanye n’abaturage, 3 bafatanywe urumogi n’inzoga zitemewe
Gatsibo: Kubufatanye n’abaturage, 3 bafatanywe urumogi n’inzoga zitemewe

Ku bufatanye n’abaturage, Polisi ikorera mu turere twa Nyamagabe na Gatsibo, mu bihe bitandukanye, yafashe ibiyobyabwenge birimo urumogi n’inzoga zitemewe kuri uyu wa kabiri taliki ya 18 Mata 2017. (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.