Advertisement
 
 
 
 
 
 
 
 

Amakuru | Mu Ntara

Musanze: Yahashye imyumbati itaribwa ihitana abana be 3   

  Yanditswe na NGABOYABAHIZI PROTAIS
 1 month ago

 
 

Umuryango wa Bazibukaryari Phocas wo mu kagarika Songa Umurenge wa Muko mu karere ka Musanze wahuye n’uruva gusenya nyuma y’aho yagiye guhaha imyumbati nyuma yo kuyirya ikabagwa nabi ndetse abana be batatu bagahita bapfa.

Bazibukaryari we kuri ubu arwariye mu Bitaro bya Ruhengeri. Mu kiganiro n’Imvaho Nshya yavuze ko ko yagiye ku isoko agura yo imyumbati atazi ubwoko bwayo.

Nyuma yo kurya kuri iyi myubati bikekwa ko itaribwa mu muryango we, babiri mu bana be bahise bahasiga ubuzima na we ajyanwa mu bitaro, ariko ngo bayiriye umugore adahari.

JPEG - 114.8 kb
Abaganga mu bitaro bya Ruhengeri bakoresheje ibishoboka byose ngo batabare Bazibukaryari

Bazibukaryari aho arwariye mu bitaro yagize ati “Mu gihe umugore yari amaze kuyishyira ku ziko sinzi aho yanyarukiye, imaze gushya nayisangiye n’abana banjye kuva icyo gihe ari abana ari nanjye twatangiye gucika intege kugera ubwo turemba, baduhetse batujyana ku kigo nderabuzima cya Kabere tuhageze basanga tutari buhakirire batuzana mu bitaro bya Ruhengeri gusa twahageze abana bo umwuka washizemo.”

Abana bitabye Imana ni Uwamariya Jeanne d’Arc w’imyaka 10, Maniragaba Théoneste w’imyaka irindwi na Nyiramategeko Joseline w’imyaka 5. Harokotse nyina n’undi mwana umwe bivugwa ko yari kumwe nawe ubwo abandi baryaga kuri iyo myumbati.

Umunyamabanga Nshingwabikorwa w’Umurenge wa Muko Niyibizi Aloys, yashimangiye ko iki kibazo cyabaye yongeraho ati “Twakoze ubutabazi bushobotse bwose ariko byarangiye abo bana bitabye Imana, ubu rero biteganijwe ko ba nyakwigendera bashyingurwa uyu munsi ku gicamunsi.”

Niyibizi arasaba abarya n’abagura imyumbati kubanza bagashishoza, kuko iyo hajya kubaho gushishoza ntabwo haba hatakaye ubuzima bwa bariya bantu.

Bazibukaryari yamaze gusezererwa mu Bitaro bya Ruhengeri nyuma yo koroherwa, ariko na we ngo byamubereye isomo ku buryo atazongera guhubukira kugira ibiribwa ibyo ari byo byose atabanje gushishoza.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Ngoma:Imiryango itishoboye hafi 7000 imaze korozwa muri gahunda ya Girinka
Ngoma:Imiryango itishoboye hafi 7000 imaze korozwa muri gahunda ya Girinka

Ubuyobozi bw’akarere ka Ngoma butangaza ko kuva gahunda ya Girinka munyarwanda yatangira mu mwaka wa 2006, kugeza ubu inka zimaze korozwa imiryango itishoboye muri aka karere zimaze kurenga 6928. (...)

Ruhango: Abakora muri VUP bamaze amezi 4 badahembwa
Ruhango: Abakora muri VUP bamaze amezi 4 badahembwa

Abaturage bakora mirimo yo gutunganya imihanda no gucukura imirwanyasuri muri gahunda ya VUP mu murenge wa Kinihira ho mu karere ka Ruhango, baravuga ko bamaze igihe kigera ku mezi ane (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.