Advertisement
 
 
 
 
 
 
 
 

Amakuru | Mu Ntara

Musanze: Uwazize Jenoside yashyinguwe nyuma y’imyaka 25   

  Yanditswe na NGABOYABAHIZI PROTAIS
 3 months ago

 
 

Umuryango wa Hategekimana Michel, umwe mu batutsi bazize Genocide mu mwaka wa 1991, waruhutse umuutwaro wari umaranye imyaka 25 nyuma yo kumushyingura mu cyubahiro.

Hategekimana wari atuye mu cyahoze ari komini Kinigi, ubu ni mu murenge wa Kinigi, Akagari ka Kampanga; akarere ka Musanze, yashyinguwe mu rwibutso rwa Genocide rwa Busogo mu mpera z’iki cyumweru.

Yashyinguwe nyuma y’aho umubiri waje kuboneka mu kagari ka Kampanga muri Nzeri 2016, wari warajugunywe ahantu hagoranye kumenyekana mu 1991akimara kwicwa igihe hageragezwaga Jenoside.

Soeur Illuminata Twagirimana, umuvandimwe wa Hategekimana yagaragaje agahinda batewe no kubura uwabo ntibanamubone ngo bamushyingure mu cyubahiro.

JPEG - 45.2 kb
Umubiri wa Hakizimana washyinguwe mu rwibutso rwa Busogo

Yagize ati “Tekereza na we kugira ngo umuntu wawe yicwe cyangwa se ubarirwe ko yitabye Imana ariko ubyemere utaramushyinguye… Ni ikintu gituma intimba ihora igushengura mu mutima, gusa kuba tubonye umubiri we tukaba tumushyinguye turaruhutse.

Yakomeje ashimira abatanze amakuru y’aho Hategekimana yajugunywe akimara kwicwa, anenga bamwe batarumva agaciro ko gutanga amakuru y’aho Abatutsi bishwe muri Jenoside batarashyingurwa mu cyubahiro bari.

Uhagarariye Ibuka mu karere ka Musanze, Rwasibo Pierre, yagarutse ku mateka mabi yaranze ubutegetsi bwariho mbere no mu gihe cya Jenoside asaba buri wese waba uzi aho imibiri y’abazize Jenoside yaba iri kubivuga kugira ngo ishyingurwe mu cyubahiro.

Umuyobozi w’Akarere ka Musanze wungirije ushinzwe imibereho myiza y’abaturage Uwamariya Marie Claire yunzemo ati “Gutanga amakuru ku bazize Jenoside batarashyingurwa mu cyubahiro ni bimwe mu bizakomeza gushimangira gahunda y’ubumwe n’ubwiyunge bw’Abanyarwanda.”

Abarokotse Jenoside yakorewe Abatutsi barishimira intambwe imaze guterwa mu kwiyubaka kw’Abanyarwanda nyuma y’urugamba rwo guhagarika aya mahano yabagwiririye kandi barasangiraga akabisi n’agahiye.

 

Comments

 
 
Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.