Advertisement
 
 
 
 
 
 
 
 

Amakuru | Mu Ntara

Musanze: Uwarangije ayisumbuye atunzwe na radiyo akora mu tujerekani   

  Yanditswe na NGABOYABAHIZI PROTAIS
 3 months ago

 
 

Nsengimana Thierry w’imyaka 23 yishimira urwego amaze kugeraho kuko atagisabiriza amafaranga yo kwikenuza mu babyeyi, nyuma yo gukura amaboko mu mufuka akihangira umurimo wo gukora radiyo mu tujerekani benshi bakeka ko usuzuguritse.

Uyu musore avuga ko nyuma yo kurangiza amashuri yisumbuye mu mwaka wa 2014 mu ishami ry’ubutabire, abona ko kubona isabune n’ibimutunga bikomereye ahitamo kwihangira umurimo wo gukora amaradiyo.

Ahamya ko asigaranye umubyeyi umwe ari we nyina, ndetse n’abavandimwe be batatu, ariko nta cyamubujije amahoro nko kurangiza amashuri akajya yirirwa yicaye bamugaburira.

Yagize ati “Burya ntihazagire ukubeshya indwara mbi ni ukubura akazi, kuko nta cyo wamara utagira aho ukura ifaranga, nyuma yo kurangiza amashuri yisumbuye muri uyu mujyi wa Musanze, kubona akazi ni ibintu bitoroshye cyane nka njye utari wararangije kaminuza, najyaga gusura bagenzi banjye twarangirije rimwe tukiribera filime, byarangira ngataha ubwo ni ko inzara indya.”

Icyo gihe ni bwo yatangiye gukora akazi k’ubuyedi ariko nabyo asanga bikomeye, ahitamo gutekereza icyo yakora ashoyemo amafaranga make kandi atanagize uwo arushya amusaba inkunga.

JPEG - 678 kb
Nsengimana ngo kuba akora radiyo mu tujerekani nta pfunwe bimuteye (Foto Ngaboyabahizi P)

Yegereye umugabo bari baturanye wakanikaga amaradiyo yabonaga asarura amafaranga mu bukanishi bwe, amusaba ubufasha nibura akamenya guteranya insinga zitwara amajwi.

Akomeza agira ati “Nicaranye na we umunsi umwe mbona atahanye amafaranga arenga ibihumbi bitanu, na njye nahisemo guhanga agashya, ntangirira ku mafaranga 1000, naguze radiyo yitwa “soniteke” bari barataye, ngura n’akajerekani kavuyemo amavuta ngakoramo radiyo ivuga neza, nkoresheje amabuye bataye, cyangwa batiri ya telephone.

“[…]aya maradiyo yanjye barayakunda kuko atwara ingufu z’umuriro nkeya cyane, kandi avuga cyane. Iyo nyikoze nyigurisha amafaranga 2500, nibura mu kwezi ninjiza amafaranga 60000”.

Nsengiyumva avuga ko kuva mu mwaka wa 2014, atangiye uyu mwuga yihangiye arihira murumuna we amashuri yisumbuye kandi afite umugambi wo kujya muri kaminuza.

Uyu murimo awubangikanya n’ubudozi bw’inkweto, ndetse akanasudira bimwe mu bikoresho, kuri we ngo kuba akorera mu myotsi asudira nta cyo bimutwara ngo n’ubwo hari bagenzi be bamukwena.

Agira inama urubyiruko rwibwira ko gutangira umushinga cyangwa se guhanga umurimo ari ibintu bisaba kuba umuntu afite amafaranga menshi yo gushora, ibi ngo ntabwo ariko Nsengimana abibona ngo kuko ikintu cyose muntu agiye gukora bimusaba gutekereza.

 

Comments

 
 
Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Abasaga 300 bahawe akazi ko kubaka imihanda Perezida Kagame yemereye Abanyagakenke
Abasaga 300 bahawe akazi ko kubaka imihanda Perezida Kagame yemereye Abanyagakenke

Ubuyobozi bw’Akarere ka Gakenke buvuga ko ibikorwa byo kubaka imihanda Perezida wa Repubulika yemereye abaturage byatangiye, ndetse ko abaturage basaga 300 babonye akazi. Iyi mihanda Perezida (...)

Ngororero:Abahinzi bakeneye inganda zitunganya umusaruro w’urutoki
Ngororero:Abahinzi bakeneye inganda zitunganya umusaruro w’urutoki

Abahinzi bo mu Karere ka Ngororero bavuga ko kutagira inganda zitunganya umusaruro w’ibikomoka ku rutoki ndetse no ku bindi bihingwa, bituma umusaruro wabo utababyarira umusaruro ukwiye. Mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.