Advertisement
 
 
 
 
 
 
 
 

Amakuru | Mu Ntara

Musanze: Umwana w’i Rubavu watorotse ababyeyi yaguye mu kizenga   

  Yanditswe na NGABOYABAHIZI PROTAIS
 5 months ago

 
 

Ishyaka Aimé w’imyaka 15 amaze amasaha arenga 24 yaburiye mu kizenga cyavutse aho isosiyete ikora imihanda STRABAG yakuraga umucanga mu karere ka Musanze.

Amakuru atangwa n’umwe mu bana bari kumwe avuga ko Ishyaka akomoka mu kagari ka Nyagipfurwe, Umurenge wa Nyakiriba Akarere ka Rubavu akaba yari aje mu karere ka Musanze akurikiye ibirori bya Primus Gumaguma azi ko bibera muri Musanze.

Umwe mu bana bari hamwe ari na we wabonye uburyo yaguyemo yavuze ko baje batorotse ababyeyi, ati “Ubundi twavuye i Rubavu tuje kureba Gumaguma, twari tuzi ko hano hari ikizenga tuza kuhogera uko twari batanu tuvuye i Rubavu. Ishyaka ntabwo yari azi koga, yamanutsemo ararigita agarutse hejuru tugerageza kumukuramo aturusha ibiro arongera asubiramo.”

Abaturage bategereje ko hagira ubutabazi bwaza kurohora umurambo w'uyu mwana


Ayinkamiye Speciose nyina wa Ishyaka yabwiye Imvaho Nshya ko yatunguwe cyane no kumva ko umwana we yaguye mu mazi. Kuva kuri uyu wa Gatandatu yaraye mu mudugudu wa Nyamuremure, Akagari ka Kigombe mu murenge wa Muhoza giherereyemo iki kizenga.

Yashimangiye ko we n’abaturage ntako batagize ngo bashakishe uyu mwana hakibona ariko byarangiye byanze kuko babuze ubutabazi bwihuse.

Ati “Twaraye hano nta muyobozi n’umwe twahararanye yaba n’umuyobozi w’uyu mudugudu; ubu dutegereje ko nibura nko mu masa sita ubuyobozi bw’Akarere na Police baza kudutabara.”

Umuyobozi w’Umudugudu wa Nyamuremuremure Nsabimana Jean Claude yavuze ko yatinze kumenya amakuru y’umwana waguye muri iki kizenga gifite metero zigera kuri 20 z’ubujyakuzimu ashimangira ko abaye uwa kabiri uguyemo.

Yasabye Leta kwita kuri iki kizenga mu maguru mashya kuko gishobora gutwara n’ubuzima bw’abandi nihatagira igikorwa mu maguru mashya.

JPEG - 142 kb
Abaturage bavuga ko basabye ko iki kizenga kibungabungwa igihe kinini ariko nta kirakorwa

Umuyobozi w’Akarere ka Musanze Musabyimana Jean Claude, yavuze ko na bo bagitegereje ubutabazi bw’itsinda ry’abasirikare barwanira mu mazi baze kureba ko barohora umurambo w’uyu mwana.

Yasabye ababyeyi guhoza ijisho ku bana babo agaragaza ko bibabaje kuba umwana w’i Rubavu yaguye mu kizenga cy’i Musanze ababyeyi be batazi n’aho ari.

Yasabye n’abaturage kuhagarika kuvomera muri kiriya kizenga mu gihe hagitegerejwe icyo Leta izagikorera mu kubungabunga ubuzima bw’abaturage.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.