Advertisement
 
 
 
 
 
 
 
 

Amakuru | Mu Ntara

Musanze: Umubyeyi urya avuye guca inshuro yabyaye batatu   

  Yanditswe na NGABOYABAHIZI PROTAIS
 4 months ago

 
 

Umuryango wa Muragijimana Lea utuye mu murenge wa Muko Akarere ka Musanze urasaba Leta n’abagiraneza kuwutera inkunga nyuma y’aho uyu mubyeyi yabyariye abana batatu icyarimwe kuri uyu wa mbere tariki 12 Nzeri 2016.

Muragijimana yabyariye mu Bitaro Bikuru bya Ruhengeri abakobwa babiri n’umuhungu umwe, akaba ari yo nshuro ya mbere abyaye.

Akimara kubyara batatu yabyishimiye ariko agaragaza ko agifite ikibazo cyo kubarera cyane ko ngo we n’umugabo we barya bavuye guca inshuro.

JPEG - 76 kb
Muragijimana Lea yishimiye kubyara batatu ku nshuro ya mbere ariko ngo kubarera ni ingorabahizi

Yagize ati “Ndishimye, ariko na none mfite ikibazo cyo kubarera ngo bazakure kuko turya tuvuye guca inshuro; uwampa nk’inka ikajya ibakamirwa, n’undi wese wagira ubundi bufasha byaba byiza kugira ngo aba bana b’imfura babashe gukura. Ndifuza ko Leta ibigiramo uruhare runini.”

Uyu mugore akimara kubyara ko yatunguwe no kubona abayara abana batatu kandi we yari azi ko atwite babiri gusa kuko inshuro zose yipimishije ari byo yabwirwaga. Gusa arashimira abaganga ko bamwitayeho mu nshuro zose yipimishije uko zemewe.

Borah Liza, umuganga umukurikirana mu bitaro bya Ruhengeri yagize ati “Uyu mubyeyi yabyaye abana batatu, ubu bameze neza kandi na we ameze neza nta kibazo bafite, kuko bavukiye amezi 9; gusa umwe mu kuvuka yari yaje nabi bituma tubaga nyina; ariko bose bameze neza.”

Umunyamabanga Nshingwabikorwa w’Umurenge wa Muko, Aloys Niyibizi, yavuze ko imibereho y’uyu muryang ayizi ndetse ko bagiye kureba uko babafasha mu kurera bariya bana.

JPEG - 75.9 kb
Ubuyobozi bwiyemeje kunganira uyu muryango mu kurera abana

Yagize ati “Nk’ubuyobozi bw’umurenge tugiye kureba uburyo twamubonera inyunganizi kugira ngo turebe uburyo bariya bana bakura dukora ubufasha bwo kubona ibikenerwa by’ibanze. Tugiye kandi gukora n’ubuvugizi, kugira ngo abe yagurirwa inka.”

Aba bana uko ari batatu, buri wese ngo apima ibilo 2 n’amagarama 200. Si ubwa mbere muri ibi bitaro havukira impanga z‘abana batatu, kuko no mu mwaka ushize wa 2015, hari umubyeyi wo mu murenge wa Cyuve byabayeho kandi kuri ubu bameze neza.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Nyamasheke:Barashimira Jeannette Kagame wubakiye abana babo urugo mbonezamikurire
Nyamasheke:Barashimira Jeannette Kagame wubakiye abana babo urugo mbonezamikurire

Abaturage b’akagari ka Rugali, mu murenge wa Cyato, mu karere ka Nyamasheke, barashimira cyane Madamu Jeannette Kagame wubakiye abana babo urugo mbonezamikurire, ubu bakaba biga neza amashuri (...)

Nyamasheke: Impanuka y’igare yahitanye uwari aritwaye undi arakomereka bikabije
Nyamasheke: Impanuka y’igare yahitanye uwari aritwaye undi arakomereka bikabije

Nshimiyimana Théophile w’imyaka 37 yahitanywe n’igare yari atwaye, ubwo yagongaga umugore witwa Mukamana Monique na we w’imyaka 37 ejo hashize ku ya 23 Mutarama 2017. Amakuru Imvaho Nshya ikesha (...)

Rusizi:Bifuza ko Laboratwari  imaze imyaka 10 yubakwa yuzura vuba
Rusizi:Bifuza ko Laboratwari imaze imyaka 10 yubakwa yuzura vuba

Ababyeyi, abarezi n’abanyeshuri bo muri TTC Mururu mu karere ka Rusizi, barasaba ko muri uyu mwaka w’amashuri hakorwa ibishoboka byose Laboratwari yabo imaze imyaka 10 yubakwa igatangira kubyazwa (...)

Nyamasheke:Uruganda rutunganya icyayi abahinzi bijejwe ruruzura mu mezi 5
Nyamasheke:Uruganda rutunganya icyayi abahinzi bijejwe ruruzura mu mezi 5

Hari hashize imyaka igera kuri 6 abahinzi b’icyayi bibumibye muri koperative y’abahinzi b’icyayi ba COTHEGA bagihinga mu mirenge ya Karambi na Cyato mu karere ka Nyamasheke, kitababyarira umusaruro (...)

Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.