Advertisement
 
 
 
 
 
 
 
 

Amakuru | Mu Ntara

Musanze: Ku kigo nderabuzima barambiwe kubyaza bafashijwe buji n’abarwaza   

  Yanditswe na NGABOYABAHIZI PROTAIS
 5 months ago

 
 

Abakozi b’Ikigo Ndeabuzima cya kabere gikorera mu murenge wa Kimonyi, Akarere ka Musanze barinubira gukoresha buji (bougie) mu gihe cyo gutabara ababyeyi baje kubyara nyuma y’aho insinga z’amashanyarazi zabakururiraga umurirozicagaguriwe.

Bivugwa ko izi nsinga zo ku rugomero rwa Mutobo zimaze igihe kingana n’ukwezi ziciwe ntizagize ingaruka ku kigo nderabuzima gusa kuko n’abaturage binubira kuba bamaze igihe cyose bari mu kizima.

Ikigo gishinzwe gukwiza ingufu EUCL ngo ni cyo cyaziciye giteganya kuzisimbura kuko n’ingufu zitwara ziteganya kongerwa.

JPEG - 132 kb
Abarwariza ku kigo nderabuzima cya Kabere ngo iyo bwije bagira ibibazo, hari n’ubwo bafasha buji abaganga barimo kubyaza (Foto Ngaboyabahizi P)

Uwamariya Anathalie umukozi w’Ikigo Nderabuzima cya Kabere ushinzwe imari yagize ati “Urabona iyo umubyeyi aje kubyarira hano mu mwijima ni ibintu bitoroshye twifashisha buji, ubundi abarwaza bakitwaza udutara ku buryo no kubyaza usanga bidakorwa mu ibanga kuko hari ubwo umuganga aba yaraye izamu na mugenzi we yaba agiye gufasha abandi barwayi, ubwo bikaba ngombwa ko umurwaza agufasha buji.”

Uyu mukozi akomeza avuga ko kuba umuriro w’amashanyarazi warabuze bituma batabasha kubika neza imiti imwe n’imwe kubera ko nta ‘frigo’ zigikora.
Yagize ati “Ubu tujya kubitsa imiti mu kigo nderabuzima cya Kimonyi, nta nkingo twabika hano, ibizamini ntibikorwa kubera ko isuzumiro imashini nta muriro n’ibindi bikenera umuriro nka za mudasobwa ubu twagarutse kuri gakondo dukoresha ikaramu n’urupapuro mu gutanga raporo n’icungamutungo ntirigikorwa binyuze mu ikoranabuhanga.”

Abaturage bo muri uyu murenge na bo bavuga ko basubiye inyuma mu iterambere, ubu ngo kogosha bakoresha imakasi, ntibakibasha kubona aho bashesha amafu y’igikoma n’ibindi.

Umuyobozi w’ikigo gishinzwe gukwirakwiza amashanyarazi mu karere ka Musanze Ing. Nzamurambaho Marcel na we ashimangira ko ukwezi kugiye gushira nta muriro urangwa muri kariya gace ariko ngo bizakemuka.

Yagize ati “Ruriya rugomero rwa Mutobo rwatangaga umuriro muri Kabere ni ukuvuga akagari ka Birira gusa, Transfo y’aho yari ifite ingufu nkeya , kuri ubu rero twaciye insinga kugira ngo tuzihuze n’imiyoboro ya EUCL. Ni byo koko hari ingaruka zabonetse ariko kuri ubu ndizera ko nyuma y’icyumweru kimwe iki kibazo kiraba cyakemutse, ndasaba abaturage n’ikigo nderabuzima kwihangana.”

Uru ruganda rwatangaga umuriro muri Birira gusa rwatangaga ingufu zingana na KW 200.

 

Comments

 
 
Gakenke: I Rusenge bamaze imyaka 2 bafite amapoto nta mashanyarazi
Gakenke: I Rusenge bamaze imyaka 2 bafite amapoto nta mashanyarazi

Abaturage bo mu mirenge ihuriye kuri santere y’ubucuruzi ya Rusenge, bavuga ko baheze mu icuraburindi, mu gihe ngo bari bijejwe umuriro w’amashanyarazi, none ngo imyaka ikaba ibaye ibiri amapoto (...)

Gatsibo: Kubufatanye n’abaturage, 3 bafatanywe urumogi n’inzoga zitemewe
Gatsibo: Kubufatanye n’abaturage, 3 bafatanywe urumogi n’inzoga zitemewe

Ku bufatanye n’abaturage, Polisi ikorera mu turere twa Nyamagabe na Gatsibo, mu bihe bitandukanye, yafashe ibiyobyabwenge birimo urumogi n’inzoga zitemewe kuri uyu wa kabiri taliki ya 18 Mata 2017. (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.