Advertisement
 
 
 
 
 
 
 
 

Amakuru | Mu Ntara

Musanze: “Drones” zigiye kwifashishwa mu buhinzi bw’ibirayi   

  Yanditswe na NGABOYABAHIZI PROTAIS
 4 months ago

 
 

Abahinzi bo mu karere barashimira Leta y’u Rwanda ikomeje guharanira kugera ku buryo bwose bufasha umuturage gutera imbere, bashima uburyo iterambere ry’ikoranabuhanga rikomeje kuborohereza akazi nyuma yo kwegerezwa indege zitagira abaderevu (drones) bahamya ko zizabafasha kuvugurura ubuhinzi bw’ibirayi.

Bahamya ko izi drones zizabafasha gukemura ibibazo bitandukanye biri mu buhinzi bw’ibirayi birimo inddwara zabagoraga kuzimenya mu gihe badatambagira ku buryo buhoraho.

Biteze ko utu tudege begerejwe n’Ishuri Rikuru ry’Ubumenyingiro rya INES Ruhengeri ku bufatanye na kaminuza yo mu Buholandi, tuzajya tubafatira amafoto meza yerekana imiterere y’ibihingwa umuhinzi atarinze kuzenguruka umurima.

Ntawanguwe Innocent umuhinzi w’ibirayi yagize ati “Izi ndege ni igisubizo kuri twe, nta kibazo kuri ubu kirebana n’ubuhinzi tuzajya duhura na cyo, kizajya gihita kigaragara mbere y’uko tukibona twe nk’abahinzi. Ndashimira Leta y’ubumwe bw’Abanyarwanda yo yita ku bahinzi, cyane nyakubahwa Paul Kagame.”

JPEG - 104.1 kb
Utudege tutagira abapiloti tugiye gukoreshwa mu buhinzi bw’ibirayi

Abaturage bagiye guhabwa iri koranabuhanga nyuma y’impuguke 25 ziturutse mu bihugu bitandukanye zari mu karere ka Musanze mu cyumweru gishize zikemeza ko ikoreshwa ry’indege nto zitagira abaderevu drones ryafasha mu guteza imbere imibereho myiza y’abaturage.

Izi mpuguke zari zimaze ibyumweru bibiri mu karere ka Musanze zaturutse mu bihugu umunani ari byo Ghana, Ethiopia, Zimbabwe, Uganda, Kenya, Tanzania, Nigeria n’u Rwanda zaganirizwaga ku buryo amafoto afatwa n’utu tudege yabyazwa umusaruro mu buryo butandukanye.

Umuyobozi mukuru wa INES Ruhengeri Padiri Docteur Hagenimana Fabien yagize ati “Nka Kaminuza ikorera abaturage dufite inshingano zo kubafasha mu iterambere; tumaze kugura aka kadege, mu byo tuzitaho harimo gufasha abaturage gukurikiranira hafi ubuhinzi bw’ibirayi kuva ikirayi gitewe kurinda gisarurwa.”

Ing. Nkerabigwi Placide aherutse i Toulouse mu Bufaransa kwiga gukoresha aka kadege; arasaba abaturage kutagira impungenge mu gihe bakabonye mu kirere kuko katazababangamira mu mirimo yabo ya buri munsi.

Iyi gahunda ije nyuma yaho ku wa 14 Ukwakira 2016 Umukuru w’igihugu Paul Kagame atangirije mu karere ka Muhanga Ikibuga cya drones zizajya zigeza imiti n’amaraso mu bice bitandukanye by’igihugu bigoye kugeramo.

 

Comments

 
 
Abaturage b’i Kayonza batejeje neza baremewe na bagenzi babo toni 2,8 z’ibigori
Abaturage b’i Kayonza batejeje neza baremewe na bagenzi babo toni 2,8 z’ibigori

Abaturage bo mu kagari ka Nkondo mu murenge wa Rwinkwavu mu karere ka Kayonza baremeye bagenzi babo batabashije kweza, babaha toni 2 n’ibiro 800 byo kubafasha muri iki gihe. Ubuyobozi bw’akarere (...)

Rulindo: Bishimiye umuyoboro w’amazi bahawe watwaye akabakaba miliyari
Rulindo: Bishimiye umuyoboro w’amazi bahawe watwaye akabakaba miliyari

Abaturage mu Karere ka Rulindo, barashimira Leta y’u Rwanda yabahaye amazi meza binyuze mu muyoboro w’amazi wa Mutagata watashywe kuri ku wa Kabiri taliki ya 14 Werurwe 2017. Uwo muyoboro wa (...)

Nyamasheke:Abamotari barashinja umuyobozi wabo isesagura ry’umutungo
Nyamasheke:Abamotari barashinja umuyobozi wabo isesagura ry’umutungo

Abamotari bagera ku 147 bibumbiye muri koperative COTRAMONYA ifite icyicaro muri santere y’ubucuruzi ya Tyazo mu murenge wa Kanjongo, mu karere ka Nyamasheke, barashinja umuyobozi wa koperative (...)

Rubavu: Ikigo cy’ishuri kibasiwe n’inkongi bamwe bakigamo basigara iheruheru (Amafoto)
Rubavu: Ikigo cy’ishuri kibasiwe n’inkongi bamwe bakigamo basigara iheruheru (Amafoto)

Ikigo cy’ishuri ryisumbuye cy’itorero ry’Ababatisita, ESBF, giherereye mu kagari k’Umuganda, umurenge wa Gisenyi mu karere ka Rubavu, kibasiwe n’inkongi y’umuriro, ikongora icyumba kiraramo (...)

Nyaruguru:Umuturage wahishe uwahigwaga muri Jenoside yahawe inka
Nyaruguru:Umuturage wahishe uwahigwaga muri Jenoside yahawe inka

Urubyiruko rwibumbiye mu muryango w’abanyeshuri barokotse Jenoside yakorewe Abatutsi (AERG) n’abahoze muri uwo muryango bibumbiye muri GAERG, bahaye inka umuturage wahishe Umututsi wahigwaga mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.