2017-05-27 10:19:18 clouds 27o High | Kigali Rwanda

Dukurikire:
 
 

Musanze: Barikanga inzara kubw’udukoko turya imyaka itangiye kumera

Yanditswe na Claude Ntawitonda

Kuya 2016-10-27 07:53:18

 
Share on:
 
Yasuwe:3
 
Yavuzweho:200
 
10
 
10

Abahinzi bo mu murenge wa Kimonyi Akarere ka Musanze bahangayikishijwe n’udusimba tuzwi nka Maguru 1000 (Mille Pattes, millipede cyangwa Diplopoda) twangiza imyaka igitangira kumera.

Aba bahinzi bemeza ko igihingwa cyibasiriwe muri iyi minsi ari ibigori, ibirayi n’ibirayi turya duhereye mu mizi kandi ari nayo bihingwa bitunze umubare munini w’abagize aka karere.

Nizeyimana Collette umuhinzi w’ibigori, yagize ati “Ibigori byarashize, wajyaga kubona umurima wose watukuye ukibaza impamvu bikakuyobera; twaje kumenya ko mu mizi hari udusimba twangiza iyi myaka yacu ari uko tuje kubagara. Tuzagira inzara mu minsi iri imbere niba abashinzwe ubuhinzi ari ntacyo bakoze.”

JPEG - 186.2 kb
Utu dusimba turatuma abahinzi b’i Musanze bikanga inzara mu gihe kizaza

Aba baturage bahamya ko biteguye igihombo gikomeye ashingiye ku ngufu batakaje mu kugura imbuto n’ifubire ndetse n’ibyatakajwe mu guhinga.

Kamiri Hodari Umukozi w’Akarere uhagarariye ishami ry’ubuhinzi yavuze ko iki kibazo batari bakizi ariko bazi ko mu gihe cy’izuba hakunze kuboneka udusimba dutandukanye twibasira imyaka bitewe n’uko nta mazi aba ari mu butaka ashobora kutubangamira.

Yagize ati “Ikibazo cy’udusimba twangiza imyaka muri aka karere ntacyo twari tuzi, gusa mu gihe cy’izuba hakunze kuboneka udusimba dutandukanye twibasira imyaka kuko nta mazi aba ari mu butaka. Gusa ubu tugiye kwegera abahinzi turebe uburyo hashakwa igisubizo cyo kutwirukana.”

Yongeraho ko iyo babonye utu dusimba tubaye twinshi mu mirima bashobora gutera imiti, ariko kuri ubu asanga ari byiza ko umuhinzi agenda adutoragura akadutwika.

Iki kibazo kije cyiyongera ku cy’abahinzi bo muri Burera bahawe imbuto y’ibishyimbo bavuga ko itaberanye n’ubutaka bwabo bakaba bashidikanya ku mwero wayo.

JPEG - 195.2 kb
Abahinzi birirwa bashakisha udukoko mu mirima yabo ngo badutwike
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE