Advertisement
 
 
 
 
 
 
 
 

Amakuru | Mu Ntara

Musanze: Baratiye Minisitiri w’u Bwongereza ibyiza bya VUP   

  Yanditswe na NGABOYABAHIZI PROTAIS
 September 2016

 
 

Abaturage bo mu Karere ka Musanze baratiye Minisitiri ushinzwe iterambere mpuzamahanga mu Bwongereza James Wharton iterambere bamaze kugeraho barikesha gahunda zitandukanye iki gihugu gitera inkunga.

Ubwo Wharton yasuraga akarere ka Musanze agamije kureba uburyo gahunda batera inkunga zihindura ubuzima bw’abaturage; bamwe mu bo yasanze bakora umuhanda muri gahunda ya VUP mu murenge wa Kinigi, bamutangarije ko iyi gahunda yabagejeje kuri byinshi mu iterambere.

Mukamurara Virginie wo mu kagari ka Garuka yagize ati “Kuva nabona akazi muri gahunda ya VUP (Vision Umurenge Program) nikuye mu bukene , nta tungo nagiraga mu rugo ariko ubu maze kwigurira ingurube imaze kubyara izigera ku munani. Ifumbire ndayibona, amafaranga ndayabona, ari ayo nkura mu bworozi ndestse no mu kazi nkora ka buri munsi.”

JPEG - 363.5 kb
Abaturage batekerereje Minisitiri w’u Bwongereza ibyo bagejejweho n’ibikorwa igihugu cye gitera inkunga

Aba baturage bashimye cyane Perezida Paul Kagame ku mbaraga ashyira mu guhahira Abanyarwanda no kubahangira uburyo bushoboka bufasha benshi kwikura mu bukene.

Umuyobozi w’Akarere ka Musanze Musabyimana Jean Claude yashimangiye ko VUP yahinduye byinshi mu mibereyo y’abaturage b’i Musanze.

Minisitiri James Wharton yagaragaje ko igihugu cye kigiye gushimangira umubano mwiza n’u Rwanda kuko inzego batangamo inkunga zihindura imibereho y’abanyarwanda.

Yagize ati “Tugiye gushimangira imibanire myiza hagati y’Ubwongereza n’u Rwanda igamije guteza imbere imibereho myiza y’abaturage; nk’ibihugu by’inshuti tuzakomeza gushyigikira ibikorwa by’iterambere ry’abaturage b’ibihugu byacu.”

JPEG - 426.5 kb
Abaturage bahanga umuhanda muri gahunda ya VUP

James Wharton yasuye umukecuru Nyiramakuba Isabelle w’imyaka 76, akaba amaze imyaka irenga itanu ahabwa inkunga y’ingoboka igenerwa abatishoboye bageze mu zabukuru, ashimangira ko imufasha cyane .

Yanasuye kandi uruganda rukora ifiriti mu karere ka Musanze, anyurwa n’imikorere yarwo ijyanye n’igihe.

Muri uyu mwaka w’ingengo y’imari 2016-2017 abagera kuri 341 batishoboye mu karere ka Musanze ni bo bamaze guhabwa imirimo muri VUP.

JPEG - 336 kb
Ubwo basuraga umukecuru Isabelle
JPEG - 249.1 kb
Ubwo Minisitiri w’u Bwongereza na Ambasaderi w’u Bwongereza mu Rwanda William Gelling basuraga uruganda rw’amafiriti

 

Comments

 
 
Gatsibo: Kubufatanye n’abaturage, 3 bafatanywe urumogi n’inzoga zitemewe
Gatsibo: Kubufatanye n’abaturage, 3 bafatanywe urumogi n’inzoga zitemewe

Ku bufatanye n’abaturage, Polisi ikorera mu turere twa Nyamagabe na Gatsibo, mu bihe bitandukanye, yafashe ibiyobyabwenge birimo urumogi n’inzoga zitemewe kuri uyu wa kabiri taliki ya 18 Mata 2017. (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.