Advertisement
 
 
 
 
 
 
 
 

Amakuru | Mu Ntara

Musanze: Bamwe bashwana n’abagore bugacya barongoye abandi   

  Yanditswe na NGABOYABAHIZI PROTAIS
 September 2016

 
 

Bamwe mu bagabo bo mu karere ka Musanze banezwe guharika abagore babo nyuma yo kutumvikana bigakurura amakimbirane nyuma ku buryo binakurura ubwumvikane buke mu miryango ari yo ntandaro y’idindira mu iterambere.

Muri aka karere hakunze kuvugwa cyane amakimbirane ashingiye ku bibazo by’imitungo bikaba ari ingaruka zikomoka ku buharike.

Ndirahisha Alphonse umwe muri aba baturage ati “Umugabo agira atya akazana umugore wa mbere bakananiranwa kumvikana ku bibzo runaka, akihutira kuzana uwa kabiri nawe yaza kumvikana bikabananira agahitamo kumwirukana. Icyo gihe uwo mugore amusaba imperekeza kandi umugabo akaba agomba no kwita ku bana babyaranye.”

JPEG - 154.8 kb
Kaboneka asanga ubuharike budindiza iterambere ry’igihugu (Foto Ngaboyabahizi P.)

Uwamahoro Beatrice yongeyeho ati “Wirukana umugore uguguna igufwa ukazana urimira bunguri… Abagabo bazana abagore bakananirwa kwihanganira zimwe mu ngeso, dore ko abantu babanza kwihanganirana no kumenyana, akihutira kuzana undi mugore wa kabiri na we yamara kumutesha umutwe akajya kubwira uwo bashakanye mbere ngo namurege kuko yamusahuye imitungo, maze abantu bakaburana rukabura gica.”

Mu kiganiro Minisitiri w’ubutegetsi bw’igihugu Kaboneka Francis yagiranye n’abaturage bo mu murenge wa Gacaca muri aka karere nyuma yo gutangiza k’umugaragaro igihembwe cy’ihinga 2016-2017A, yabasabye gucika ku muco mubi w’ubuharike kuko iri mu bibamunga bakadindira mu iterambere.

Minisitiri Kaboneka yagize ati “Rwose nimuzibukire umuco mubi w’ubuharike, kuko ni kimwe mu bituma mudashobora kwiteza imbere. Abakurambere batungaga abagore benshi bakabyara abana benshi kubera ko amasambu yari ahari.”

Akomeza avuga ko hari bamwe bavuga ko bakora ibyo batazi ariko ngo baba birengagiza ko amategeko yo atajya yihanganira amakosa kabone n’iyo yaba yakozwe n’abatabizi.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Kirehe: Ibigwi ’by’Imitavu’ yahinduye imyumvire y’abaturage
Kirehe: Ibigwi ’by’Imitavu’ yahinduye imyumvire y’abaturage

Imitavu ni itorero ry’abana bagera ku 100 bari hagati y’imyaka 6 na 15, rikorera ibikorwa byaryo mu murenge wa Gahara, akarere ka Kirehe. Ibikorwa byaryo bikaba byaragize uruhare mu guhindura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.