2017-06-25 13:58:23 clouds 27o High | Kigali Rwanda

Dukurikire:
 
 

Musanze: Bafungiwe kubyara uruhinja bakaruta mu musarani

Yanditswe na IMVAHO NSHYA

Kuya 2016-11-07 08:48:25

 
Share on:
 
Yasuwe:2
 
Yavuzweho:200
 
10
 
10

Tuyisenge Florence ukomoka mu karere ka Bugesera na Bizimana Evariste ukomoka mu karere ka Gisagara bashakanye, bombi bafungiye kuri Sitasiyo ya Polisi ya Muhoza mu karere ka Musanze bakurikiranyweho kubyara uruhinja bakaruta mu musarani.

Tuyisenge Florence, yari amaze igihe cy’ukwezi atuye mu murenge wa Muhoza, akagari ka Kigombe, umudugudu wa Nyamuremure.

Abaturage bagaragaje agahinda batewe n’uyu mugore ku wa Gatandatu nyuma yo kubona ko yihekuye, bahamya ko abakora ibikorwa nk’ibi nta bumuntu baba bafite.

Umwe muri bo yagize ati “Hari umwe wo mu rupangu rwa Munyabikari Leonard, wagiye kwituma asanga bimwe mu biti byo ku musarane byavuyeho, kandi hariho n’amaraso; byatumye rero batangira gukeka Tuyisenge ko yaba yakuyemo inda, ariko yaje kugera aho atanga amakuru ko umwana yamutaye mu mu musarane bahuruza inzego z’umutekano.”

JPEG - 92.2 kb
Abaturiye uyu mudugudu basabwe kujya mu ngo zabo nyuma yo gukura uruhinja mu musarane (Foto Ngaboyabahizi Protais)

Aba baturage batunguwe no kubona Tuyisenge wari ufite umugabo bizwi kandi babana, ariko akarenga agata umwana abyaye mu musarane.

Umunyamabanga Nshingwabikorwa w’Akagari ka Kigombe, Mbonigaba Daniel, yahamije ko nab o bahurujwe nyuma yo kumva umugore wihekuye akibyara, ati “Dutegereje icyo Polisi itangaza, nyuma yo kuvana uru ruhinja kwa muganga ngo hemezwe icyamwishe ubundi ashyingurwe; gusa kubera ko iperereza rigikomeza ngo harebwe impamvu bariya babyeyi bihekuye, bombi bari mu maboko ya Polisi.”

Mbonigaba yasabye abakobwa n’abagore kwirinda ubugizi bwa nabi bica abo bibyariye, n’abaturage abasaba gukomeza gutanga amakuru mu gukumira icyaha kitaraba.

JPEG - 175.6 kb
Uyu musarane ni wo bakuyemo uruhinja rwapfuye (Foto Ngaboyabahizi P.)
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE