Advertisement
 
 
 
 
 
 
 
 

Amakuru | Mu Ntara

Musanze: Amaze imyaka 20 umugabo amusenze kubera uburwayi budasanzwe   

  Yanditswe na NGABOYABAHIZI PROTAIS
 5 months ago

 
 

Nyirakabanza Pascasie imyaka 45 y’amavuko utuye mu mudugudu wa Budasubira, mu murenge wa Shingiro, akarere ka Musanze amaze imyaka 20 mu bwingunge nyuma yo gutabwa n’umugabo kubera uburwayi budasanzwe bwamufashe ku mazuru bukajyana n’umunwa k’uburyo iyo umurebye ugirango ni ibintu byamufasheho bimeze nk’indabyo.

Uyu mugore aba mu nzu wenyine kuko umugabo bashakanye yahise amuta yishakira undi akimara kubona afashwe n’ubwo burwayi na nyirubwite atarasobanukirwa ndetse akaba atanafite icyizere cyo kubumenya mu gihe atabonye ubufasha budasanzwe, cyane ko we ubwe atishoboye.

Atuye mu nzu ishaje nayo ihomesheje amase, kuri ubu yashyizwe mu cyiciro cya gatatu cy’ubudehe nubwo ubuyobozi bw’umurenge bwemeza ko bugiye gukurikirana ikibazo cye; yizera ko aramutse abonye umugiraneza umufasha akavurwa yakira agasa n’abandi.

Nyirakabanza yagize ati “Ubu maze imyaka igera kuri 20 ariko nta muganga n’umwe wari wambwira icyo ndwaye, mba muri iyi nzu njyenyine ndya ari uko mbonye umugiraneza akampa udufaranga nkaguramo ibintunga , nsishoboye kujya k’umugezi, umugiraneza iyo abonye bishoboka ampa amazi…”

JPEG - 131.8 kb
Nyirakabanza wasenzwe kubera uburwayi avuga ko abonye ubufasha yakira (Foto N. Protais)

Yakomeje agira ati “Mbabajwe no kuba n’ubuyobozi bwarantereranye kugeza ubwo bunshyira mu kiciro cya gatatu none nkaba nta bwisungane mu kwivuza ngira.”

Umugabo yamutaye amaze kubyara abana bane none kugeza ubu bakaba barashatse abandi bakigira mu mahanga; ibi ngo biri mu bimwongerera imibereho mibi kuko iyo abo bana baza kuba bamuri hafi bari kumurengera.

Rutagarama umwe mu baturanyi ba Nyirakabanza yagize ati “Rwose na twe dufite ikibazo cyo kuba uyu mukecuru umunsi umwe azapfira muri iyi nzu. Nawe se umuntu utabasha kwikorera, nta hinge, ntace inshuro, urumva atari uwo gufashwa?”

Umunyamabanga Nshingabikorwa w’umurenge wa Shingiro Iyamuremye Aimable yashimangiye ko Nyirakabanza ari mu batishoboye ndetse ari no mu bahabwa inkunga y’ingoboka nk’anandi bageze mu za bukuru batishoboye.

Yagize ati “Ikibazo cye cyo kuba arwaye turakizi, ubu tugiye gukomeza dukore ubuvugizi turebe ko yavurwa. Ku byerekeye no kuba yarashyizwe mu cyiro adakwiye, tugiye kubiganiraho na njyanama y’umurenge turebe koko niba harabayeho kumurenganya bikosorwe.”

Uyu muyobozi yakomeje ahamya ko bagiye gukora ibishoboka byose ibibazo by’uyu mugore bigakemuka mu maguru mashya.

 

Comments

 
 
Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Barasaba Akarere ka Nyanza  kubishyuriza asaga miliyoni bambuwe na Rwiyemezamirimo
Barasaba Akarere ka Nyanza kubishyuriza asaga miliyoni bambuwe na Rwiyemezamirimo

Abaturage bo mu karere ka Nyanza bahawe akazi mu bikorwa byo kubaka isoko ry’amatungo, ibagiro n’ubwiherero mu isoko rya Rurangazi riherereye mu mu murenge wa Nyagisozi, barasaba ubuyobozi (...)

Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.