Advertisement
 
 
 
 
 
 
 
 

Amakuru | Mu Ntara

Musanze: Amabati y’ibikoni bari kubakirwa amaze imyaka 5 ku kagari   

  Yanditswe na NGABOYABAHIZI PROTAIS
 September 2016

 
 

Imiryango y’abasigajwe inyuma n’amateka mu kagari ka Mudende, Umurenge wa Shingiro mu Karere ka Musanze irashimira Leta y’u Rwanda kuba yarabakuye muri Nyakatsi ikabatuza mu nzu z’amabati ariko bakaba bagihangayikishijwe no kubaho atagira ibikoni.

Bamwe mu basigajwe inyuma y’amateka bahamya ko bamaze imyaka itanu bijejwe ko bagiye kubakirwa ibikoni byunganira inzu bubakiwe ariko ngo amaso yaheze mu kirere mu gihe bazi neza ko amabati yagombaga kubyubaka amaze iki gihe cyose ku biro by’Akagari ka Mudende.

Aba baturage bavuga ko batujwe neza mu mwaka wa 2008, ariko bahangayikishijwe n’uko inzu z’amabati baherewe kubamo bagomba kuzicanamo mu gihe cy’imvura kuko baba batakibasha gucana hanze nk’uko babigenza mu gihe cy’izuba.

PNG - 1.2 Mb
Bateka hanze mu gihe cy’izuba mu mvura bagacana munzu bubakiwe bararamo

Umwe mu bahejwe inyuma n’amateka yagize ati “Mu gihe cy’izuba ducana hanze kugira ngo aya mabati baduhaye ahumeke, kuko urabona ko amaze gusaza kubera imyotsi; izi nzu twazitujwemo mu 2008 ariko imyotsi irayasazijishe.”

Mugenzi we ati “Tubabajwe n’uko amabati yagombaga kutwubakira ibikoni ubu yibereye mu biro by’akagari ka Mudende. Reba nawe dutuye imbere y’ibiro by’akagari, Gitifu atunyuraho ducanye hanze akinumira imyaka ibaye myinshi…”

Umunyamabanga Nshingwabikorwa w’Umurenge wa Shingiro Iyakaremye Aimable, yemeza ko inzu abasigajwe inyuma n’amateka zikeneye ibikoni ndetse ko bagiye kuganira n’izindi nzego ngo ikibazo gikemuke kuko amabati ahari.

JPEG - 91.9 kb
Inzu bubakiwe zamaze guhindanywa n’imyotsi kuko bazicanamo mu gihe cy’imvura

Avuga ko umushinga wo kubaka inzu warangiye hatarubakwa ibikoni, ati “Habanje kubakwa inzu mbere y’umwaka wa 2008, ariko biragaragara ko zikeneye ibikoni. Ubu tugiye kubiganiraho n’abayobozi bo mu nzego zidukuriye, turebe uburyo babona ibikoni kuko gahunda zireba Abanyarwanda muri rusange harimo imibereho myiza, tugiye gushakira igisubizo kirambye ku bijyanye n’ibikoni byabo.”

Gusa uyu muyobozi yirinze kugira byinshi atangaza ku mabati amaze imyaka itanu mu kagari ka Mudende, ariko akizeza ko ikibazo kigiye gushakirwa igisubizo mu maguru mashya.

PNG - 1.5 Mb
Aba baturage bababazwa n’uko bamaze imyaka itanu bategereje ibi bikoni
 

Comments

 
 
Seminari Nkuru ya Kabgayi  yiyemeje gusenga igahashya ingengabitekerezo ya Jenoside
Seminari Nkuru ya Kabgayi yiyemeje gusenga igahashya ingengabitekerezo ya Jenoside

Abiga n’abakora muri Seminari Nkuru ya Kabgayi (Grand Séminaire Philosophicum) bagaragaje ko amasengesho ari imwe mu ntwaro zibafasha mu guhangana n’ingengabitekerezo ya Jenoside. Bashingiye ku (...)

 Rubavu: Umugabo afungiwe gutwikira umukecuru warokotse Jenoside
Rubavu: Umugabo afungiwe gutwikira umukecuru warokotse Jenoside

Umugabo witwa Bosenibamwe Edward ari mu maboko ya Polisi y’igihugu mu murenge wa Nyamyumba, akarere ka Rubavu akekwaho gutwikira uwarokotse Jenoside yakorewe Abatutsi. Umuvugizi wa polisi mu (...)

 Akarere ka Rulindo kazifashisha miliyoni zisaga 150 mu kubakira abarokotse Jenoside
Akarere ka Rulindo kazifashisha miliyoni zisaga 150 mu kubakira abarokotse Jenoside

Ubuyobozi bw’akarere ka Rulindo buravuga ko bwatangiye umushinga wo kubaka inzu 18 zizahabwa abarokotse Jenoside batishoboye, uyu mushinga ukazatwara amafaranga asaga miliyoni 151. Ubuyobozi (...)

Muhanga:Abahamwe n’icyaha cya Jenoside bireze banasabira imbabazi ibyaha bari barahishe
Muhanga:Abahamwe n’icyaha cya Jenoside bireze banasabira imbabazi ibyaha bari barahishe

Mu biganiro byateguwe muri iki gihe cyo kwibuka ku nshuro ya 23 Jenoside yakorewe Abatutsi, byahuje inzego z’umutekano n’iza Gereza ya Muhanga, bamwe mu bagororwa bahafungiye beruye bavuga ko hari (...)

Ngoma:Depite Nyirahirwa yakebuye ababyeyi babiba ingengabitekerezo ya Jenoside mu bana
Ngoma:Depite Nyirahirwa yakebuye ababyeyi babiba ingengabitekerezo ya Jenoside mu bana

Depite Nyirahirwa Veneranda, avuga ko bibabaje kuba hari bamwe mu bana bavutse nyuma ya Jenoside yakorewe abatutsi, bagacengezwamo inyigisho z’ivangura n’abo mu miryango bakomokamo. Yabwiye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.