Advertisement
 
 
 
 
 
 
 
 

Amakuru | Mu Ntara

Musanze: Abubatse hoteli babuze ubwishyu na hoteli ntiyuzura   

  Yanditswe na NGABOYABAHIZI PROTAIS
 2 weeks ago

 
 

Abaturage bakoze imirimo y’ubwubatsi kuri hoteli yo gufasha mu kumenyereza abanyeshuri biga mu kigo cyigisha ubumenyi ngiro cya VTC Busogo giherereye mu murenge wa Busogo, Akarere ka Musanze, baratangaza ko hashize umwaka n’igice imirimo yo kubaka yaradindiye bituma bamburwa n’amafaranga bakoreye.

Munyankindi Jerôme umwe muri aba baturage bakoze imirimo y’ubwubatsi kuri iyi hoteli yagombaga gufasha abanyeshuri biga ibijyanye n’amahoteli n’ubumenyi ngiro mu kigo cy’amashuri yisumbuye cya STB Busogo yemeza ko hashize igihe kirenga umwaka imirimo yo kubaka ihagaze ari nako bambuwe amafaranga bari bamaze gukorera

Yagize ati “Nkanjye banyambuye agera ku bihumbi 10, ibi byanshoye mu myenda bintera n’ibibazo bikomeye kuko kugira ngo ngure ubwisungane mu kwivuza byansabye kugurisha ingurube nari ntunze, ubu twabuze amafaranga yacu twakoreye, tubura n’iyi hoteli, kuko yenda abana bacu bari kuba bahigira na twe tukahagurishiriza umusaruro wacu mu buhinzi.”

PNG - 1.2 Mb
Iyi nyubako yamezeho ibyatsi n’abayikozeho batarahembwa(Foto Ngaboyabahizi P.)

Akomeza avuga ko idindira mu iyubakwa ry’iyi hoteli ryagize ingaruka no ku buyobozi bw’iki kigo ku bijyanye n’ireme ry’uburezi bagombaga gutanga ESTB Busogo.

Niyongabo Samuel, umwe mu bakozi b’ikigo WDA akaba yarakuriraniraga hafi imirimo y’ubwubatsi bw’iyi Hoteli yavuze ko abaturage bahakoze bishyuwe ariko ngo niba hari abandi bagifite kibazo nk’icyo ngo bagiye kugikurikirana

Yagize ati “Rwiyemezamirimo yahagaritse imirimo ku mpamvu ze bwite, ariko na none twari twamusabye ko mbere yo guhagarika imirimo agomba kubanza kwishyura abakozi nari nzi rwosev ko iki kibazo cyavuye mu nzira , gusa niba ari uko bimeze tugiye kubikurikirana, bishyurwe.”

Ubwo komisiyo ishinzwe umutekano ububanyi n’amahanga n’ubutwererane mu nteko ishinga amategeko umutwe w’abadepite yasuraga iki kigo mu minsi ishize ; bavuze ko bagiye gukora ubuvugizi kugira ngo iyi nyubako isubukurwe ndetse n’abaturage bahakoze batishyuwe babe bahabwa amafaranga yabo, ariko kugera magingo aya ntakirakorwa.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ngoma:Barasabira ubuvugizi umuturanyi wabo wananiwe kwivuza indwara yo kugwa
Ngoma:Barasabira ubuvugizi umuturanyi wabo wananiwe kwivuza indwara yo kugwa

Abaturage bo mu kagari ka Nyagatugunda, umurenge wa Zaza, mu karere ka Ngoma, barasaba ubuyobozi gukorera ubuvugizi umuturanyi wabo witwa Twishime Issa umaze amezi atandatu adafata imiti (...)

Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.