Advertisement
 
 
 
 
 
 
 
 

Amakuru | Mu Ntara

Musanze: Abaturage b’i Nyange barambiwe kuyobozwa inkoni   

  Yanditswe na NGABOYABAHIZI PROTAIS
 August 2016

 
 

Abaturage bo mu kagari ka Ninda, Umurenge wa Nyange mu karere ka Musanze barinubira ko bakubitwa n’abayobozi kubera kutumvikana ku guhinga ibihingwa byatoranyijwe bakavuga ko barambiwe guhora bakubitwa nk’inka kandi na zo zitagikubitwa.

Nyirantarama Venantie wo mu kagari ka Ninda yagize ati “Kuri ubu nta bwisanzure umuturage wo mu murenge wa Nyange afite. Buri gihe turakubitwa ngo kubera twahinze amasaka, na we wabonye aho umuturage ayobozwa inkoni n’inka na zo kuva zororerwa mu biraro ntizigikubitwa?”

Aba baturage bemeza ko uburyo bwiza bakabaye bayoborwamo ari ukubabwira akamaro ko guhinga ibihingwa byatoranyijwe kuko bo babona amasaka ari yo abafitiye akamaro kandi atanga umusaruro mu murenge wabo.

JPEG - 167.3 kb
Abaturage bomu murenge wa Nyange barasaba kudakubitwa (Foto Ngaboyabahizi Protais)

Ikibatungura ni uko iyo bagerageje kugaragaza uruhande baherereyemo bajyanwa ku murenge maze abagize DASSO bakabahuka kugeza igihe bemeye ibitabarimo…. “turasaba ko tutakomeza kuyoboreshwa inkoni kuko ibyo mbona biba ino ntibiba ahandi.”

Umunyamabanga Nshingwabikorwa w’Umurenge wa Nyange Nteziryayo Emmanuel yagaragaje ko gukubita umuturage atari byiza anihaniza ababikora.

Yagize ati “Umuti ukwiye ntabwo ari uko umuturage akubitwa mu gihe anyuranije n’amabwiriza gukubita umuturage ni ikosa rikomeye abayobozi bose bakwiye kubyirinda. Ahubwo umuturage akwiye kwigishwa ku neza muri gahunda iyo ariyo yose y’iterambere yakora amakosa akabihanirwa ariko dakubiswe; Tugiye kuganira na bamwe mu bayobozi bafite umuco mubi wo gukubita umuturage.”

Abaturiye Umurenge wa Nyange bavuga ko iki kibazo n’iyo bagiye ku kibaza ubuyobozi bw’akarere cyangwa intara mu gihe bwabasuye bahohoterwa bagafatwa nk’abagandisha abandi abaturage.

 

Comments

  • August 2016

    beating old people is not the way of solving problem. i fill un happy when i here of such conditions that my sisters and brothers are in . i wish God can enter in there issues . those who are beating let them know that today its me and tomorrow its you. they will regret what they are doing.


 
 
Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.