Advertisement
 
 
 
 
 
 
 
 

Amakuru | Mu Ntara

Musanze: Abatishoboye barenga 400 bishyuriwe mituweli   

  Yanditswe na NGABOYABAHIZI PROTAIS
 2 months ago

 
 

Abaturage batishoboye bagera kuri 410 bo mu mirenge ya Gataraga na Gashaki bo mu karere ka Musanze bari mu byishimo nyuma yo gufashwa kwishyurirwa ubwisungane mu kwivuza.

Mu mpera z’icyumweru ni bwo isosiyete y’itumanaho Tigo yagaragaje ubushake ifite mu guharanira imibereho myiza y’abaturage, abaturage bayishimira kuba idahugira mubucuruzi gusa.

Nyirabaraza Dative umwe mu bahawe ubwisungane mu murenge wa Gataraga yashimangiye ko ibikorwa byiza nk’ibi bifite inkomoko ku miyoborere myiza.



Yagize ati “Bikomoka ku miyoborere myiza ya Perezida Paul Kagame wahaye buri wese ubwisanzure. Ndishimye cyane kandi n’abagiraneza bazirikana abatishoboye ndabashima kuko nari ntangiye kujya ninywera imiravumba, ariko ubu ni ukujya nkororora nkajya kwa Muganga.”

Umukozi wa Tigo ushinzwe amategeko Sandra Cyamweshi yagaragaje ko ari inshingano za buri munyarwanda wishoboye gufasha mugenzi we utishoboye.

Yakomeje avuga ko amafaranga yofashishijwe mu gutangira abanyarwanda batishoboye ubwisungane ari inyungu yagombaga gusangizwa ku banyarwanda, ati “Ni abo twahawe n’ubuyobozi bw’Akarere nyuma yo kutubwira aho bumva twabafasha, ibi kandi ni ibintu bizakomeza kuko twita ku nzego zose zifite ibibazo.”

Ubuyobozi bw’Akarere ka Musanze bbuhamya ko abafatanyabikorwa ba Leta bakora ibikorwa nk’ibi by’indashyikirwa ari urugero rwiza rufasha abaturage mu iterambere ryabo.

Akanyamuneza ni kose ku bishyuriwe ubwisungane mu kwivuza


Umuyobozi w’akarere ka Musanze Musabyimana Jean Claude, yakomeje asaba abaturage kudahora bateze amaboko, ati “Ntabwo dushishikariza abaturage gukomeza gutega amaboko bakeneye inkunga, ahubwo tubagira inama yo kujya bizigamira mbere kugira ngo igihe cyo gutanga ubwisungane kigere bararangije kuyakusanya. Tubabwira nibura kuzigama 100 buri munsi.”

Imirenge abaturage bahawe ubwisungane mu kwivuza ni imwe yakunze kuvugwamo abaturage bakennye cyane kurusha abandi.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Karongi:Abaturage 31 bajyanwe mu bitaro bazira ikigage banyoye mu bukwe
Karongi:Abaturage 31 bajyanwe mu bitaro bazira ikigage banyoye mu bukwe

Abaturage 31 bo mu mudugudu wa Nyagahinga, Akagari ka Ruhinga mu murenge wa Gitesi ho mu karere ka Karongi, bamaze iminsi mu bitaro, nyuma yo kunywa ikigage bikekwa ko gihumanye mu bukwe. Aba (...)

Uburengerazuba: Guverineri Munyantwari yasabwe kwihutisha iterambere
Uburengerazuba: Guverineri Munyantwari yasabwe kwihutisha iterambere

Abanyamuryango ba FPR Inkotanyi mu ntara y’Uburengerazuba, batoye Guverineri Munyantwari Alphonse nk’umuyobozi mushya w’uyu muryango muri iyi Ntara, bamusaba kwihutisha iterambere. Guverineri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.