Advertisement
 
 
 
 
 
 
 
 

Amakuru | Mu Ntara

Musanze: Abanyonzi n’abamotari banuka icyuya, inzoga n’itabi bafatiwe ingamba   

  Yanditswe na NGABOYABAHIZI PROTAIS
 4 months ago

 
 

Nyuma y’aho bikomeje kuvugwa ko bamwe mu banyonzi b’amagare n’abamotari bo mu mujyi wa Musanze bagaragaraho isuku nke, kandi ngo bikaba ari ibintu bikomeje guhesha isura mbi uyu mujyi, ubuyobozi bw’akarere bwemeje ko hagiye gushyirwaho ibihano bikarishye ku bagaragaraho umwanda.

Ububuyobozi bw’aka karere buremeza ko bwavugutiye umuti iki kibazo, aho njyanama yicaye igasanga hagomba kujyaho ibihano binyuranye bitewe n’icyiciro umuntu anyongamo.

Gusa ngo hazabanza kubigisha nyuma abatazashyira mu bikorwa amabwiriza y’isuku bahanwe hakurikijwe amategeko. Kwambara nabi, inkweto zitagira isuku, kudakaraba, kutamesa, kutiyogoshesha n’undi mwanda ugaragara kuri bamwe mu banyonzi, ubuyobozi bw’akarere ka Musanze bwemeza ko bidakwiye kwihanganirwa.

Ngayaberura Casimir, Perezida wa Koperative y’abanyonzi b’amagare mu karere ka Musanze, nawe yemeza ko hari abanyonzi bagira umwanda, ariko ngo bakaba barafashe ingamba z’isuku.

JPEG - 127.6 kb
Abanyonzi barasabwa kurangwa n’isuku (Foto Ngaboyabahizi P)

Yagize ati “Natwe biratubabaza iyo bavuga ngo abasore b’abanyonzi nta suku kandi koko ni byo, ibi rero ni ibintu bigaragaza isura mbi ku karere kacu n’igihugu muri rusange, kuko niba urubyiruko nta suku rugira, abakuru bo bimeze bite?

Byarazambye, nta munyonzi kuri ubu tukemera ko akora umurimo we atambaye neza, ntawahirahira ngo azane kambambili mu kazi kuko tutazimwaka tukamusaba kugura inkweto zifunze, iyo nta mafaranga tumwereka aho afata umwenda tukamwishingira ariko akagira isuku. Uzi kugira ngo ujye ku igare uveho wahaze umunuko w’icyuya n’ibitabi? Oya! Ntitubishaka ubu twabihagurukiye”.

Umuyobozi w’Akarere ka Musanze wungirije ushinzwe imibereho myiza y’abaturage Uwamariya Marie Claire, yabwiye aba banyonzi ko igihe kigeze ngo bose barangwe n’isuku, ubavangira afatirwe ibihano.

Yagize ati “Iyo tuvuze abanyonzi n’abamotari ntabwo basigara, igihe kirageze ngo buri munyonzi arangwe n’isuku kandi twabihagurukiye, nta bikoti, nta bodaboda, nta kambambili, nta bote k’umuntu utwara abagenzi muri uyu mujyi wa Musanze.

Igice cya mbere kuri ubu turi kwigisha dusa n’abahendahenda ariko inama njyanama nyuma y’aho yateguye ibihano aho umunyonzi w’igare wagaragayeho usuku nkeya azajya acibwa amande y’amafaranga ibihumbi 2000, umumotari 5000.

Kandi ibi bizashyirwa mu bikorwa, gusa nabashishikariza kugira isuku kuruta uko bahanwa kuko isuku ni isoko y’iterambere ry’igihugu n’abagituye”.

Muri rusange umujyi wa Musanze ugizwe n’urubyiruko rw’abanyonzi b’amagare n’u rw’abamotari rugera mu bihumbi 10.000, aba bose rero ngo babaye intangarugero uyu mujyi wagira umutekano, isuku ndetse n’ibiyobyabwenge ntibyabona aho bimenera.

 

Comments

 
 
Kirehe: Ibigwi ’by’Imitavu’ yahinduye imyumvire y’abaturage
Kirehe: Ibigwi ’by’Imitavu’ yahinduye imyumvire y’abaturage

Imitavu ni itorero ry’abana bagera ku 100 bari hagati y’imyaka 6 na 15, rikorera ibikorwa byaryo mu murenge wa Gahara, akarere ka Kirehe. Ibikorwa byaryo bikaba byaragize uruhare mu guhindura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Gakenke:Mutoze abana kwitandukanya n’ingengabitekerezo ya Jenoside-Musabyimana
Gakenke:Mutoze abana kwitandukanya n’ingengabitekerezo ya Jenoside-Musabyimana

Guverineri w’Intara y’Amajyaruguru Musabyimana Jean Claude, yasabye ababyeyi kwitandukanya n’ingengabitekerezo ya Jenoside kandi bakabitoza abana babo, mu rwego rwo kwirinda ko Jenoside yazongera (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.