Advertisement
 
 
 
 
 
 
 
 

Amakuru | Mu Ntara

Mukamira: Barinubira umwanda ukururwa n’ubwiherero bw’isoko buhora bufunze   

  Yanditswe na NGABOYABAHIZI PROTAIS
 5 months ago

 
 

Abagana n’abakorera mu isoko rya Mukamira riherereye mu murenge wa Mukamira mu karere ka Nyabihu, babangamiwe bikomeye no kuba ubwiherero bw’iri soko budafungurwa ngo babukoreshe.

Kuba ubwiherero bw’iri soko budafunguye ngo ni kimwe mu bitera umwanda muri iri soko, ndetse n’amakimbirane y’abahinzi n’abagana iri soko.

Ubuyobozi bw’umurenge wa Mukamira bwo buratangaza ko hagiye kuvugururwa uburyo bw’isuku muri iri soko, kuko ngo na bwo busanga ari ikibazo gikomeye.

Iyo ukinjira mu isoko rya Mukamira, ubona abagabo bihengetse ku nkuta zaryo ndetse n’amaduka yaryo, abandi bagana mu mirima y’ibishyimbo bishingirirwa iri hafi aho, aba bose ngo baba bagerageza kwiherera.

JPEG - 253.9 kb
Ubwiherero bwo ku isoko rya Mukamira buhora bufunze (Foto Ngaboyabahizi P)

Imyaka iri hafi aho ndetse n’inyuma y’amazu huzuye umwanda ukabije, ibi bikaba bikomeje gutera impungenge abarema iri soko.

Kankindi Elisabeth, umuhinzi wo hafi y’isoko rya Mukamira yagize ati “Rwose ubu twarumiwe ku munsi w’isoko tuza kurinda abantu bashoobora kwituma mu myaka yacu.

Urumva tuba turimo duta igihe cyacu, imisarane yose ubuyobozi bwarayifunze, ntikoreshwa, urabona ko yamezeho ibyatsi, ntabwo twaje guhinga imyaka ahubwo njye mbona twaraje guhinga uburwayi kuko iyi myaka irimo ibishyimbo, amashu n’ibirayi kuri ubu twikuriramo inzoka gusa, nibadutabare”.

Umwe mu barema isoko rya Mukamira yagize ati “Twebwe abaza muri isoko ibintu byaratuyobeye, ubwiherero burahari ariko nakubwira ko bumaze igihe bufunze, ngo hari bamwe mu bahawe imfunguzo ngo bajye bazifungura ariko kugira ngo umenye aho atuye nka njye uvuye mu misozi ntibyoroshye.

Iyo bikuyobeye rero, wihengeka hano kuri izi nkuta cyangwa se ukagana muri ibi bishyimbo bishingiriwe, ndasaba ubuyobozi kujya butanga urugero muri byose, kuko ntiwansobanurira ukuntu umuyobozi agusaba isuku mu gihe aho ahahira harangwa n’umwanda”.

Umunyamabanga Nshingwabikorwa w’Umurenge wa Mukamira Karihe Bienfait, yagize ati “Ririya soko rimaze igihe rikaba mu ngengo y’imari riri k’urutonde rw’azasanwa, bityo rero n’ikibazo cy’ubwiherero kizakemurwa. Gusa tugiye gukangurira bariya bose bivuga ko bahawe imfunguzo kujya bafungurira abaturage, gusa ikibazo cy’isuku nkeya natwe turakibona, tugiye kukibonera umuti urambye”.

 

Comments

 
 
Gakenke: I Rusenge bamaze imyaka 2 bafite amapoto nta mashanyarazi
Gakenke: I Rusenge bamaze imyaka 2 bafite amapoto nta mashanyarazi

Abaturage bo mu mirenge ihuriye kuri santere y’ubucuruzi ya Rusenge, bavuga ko baheze mu icuraburindi, mu gihe ngo bari bijejwe umuriro w’amashanyarazi, none ngo imyaka ikaba ibaye ibiri amapoto (...)

Gatsibo: Kubufatanye n’abaturage, 3 bafatanywe urumogi n’inzoga zitemewe
Gatsibo: Kubufatanye n’abaturage, 3 bafatanywe urumogi n’inzoga zitemewe

Ku bufatanye n’abaturage, Polisi ikorera mu turere twa Nyamagabe na Gatsibo, mu bihe bitandukanye, yafashe ibiyobyabwenge birimo urumogi n’inzoga zitemewe kuri uyu wa kabiri taliki ya 18 Mata 2017. (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.