Advertisement
 
 
 
 
 
 
 
 

Amakuru | Mu Ntara

Kayonza: Bifuza ko n’Umujyi wabo washyirwa mu yunganira Kigali   

  Yanditswe na HAKIZIMANA YUSSUF
 2 months ago

 
 

Abaturage bo mu karere ka Kayonza bifuza ko Umujyi wa Kayonza nawo ushyirwa mu mijyi ya kabiri yunganira umujyi wa Kigali, kuko basanga bujuje ibikenewe byose n’iyatoranyijwe ari yo Musanze, Nyagatare, Rubavu, Muhanga, Rusizi na Huye.

Ubwo bamwe mu banyamuryango ba FPR Inkotanyi mu karere ka Kayonza batangaga ibitekerezo bizajya muri gahunda nshya y’umuryango, hifujwe ko gahunda ya Leta yo kongerera ubushobozi imijyi izunganira Kigali yagera no ku mujyi wabo.

Sindayiheba Antoine yagize ati “Turifuza ko umujyi wacu washyirwa mu mijyi yunganira umujyi wa Kigali kuko iby’ibanze bikenewe natwe turabifite wend, tukazafashwa kubyongera, umujyi wacu uri mu isangano ry’imihanda ibiri minini iduhuza n’ibihugu byo mu muryango w’Afurika y’Uburasirazuba.

JPEG - 84.8 kb
Abatuye Umujyi wa Kayonza basanga ukwiye gushyirwa mu yunganira Kigali

Ujya Rusumo agiye Tanzaniya akatira iwacu, ugiye Kagitumba akatira iwacu cyangwa se bose baba baje bagahurira i Kayonza.”

Kamaliza Judith nawe ni umwe muri aba baturage b’i Kayonza.Yagize ati “Umujyi wa Kayonza ni wo uri ahantu heza kurusha iyindi mijyi yahawe ayo mahirwe, iwacu hararambuye kandi ni umujyi ubereye ubucuruzi haba ku byo twakohereza hanze cyangwa ibivuyeyo.

Umuntu ugiye muri parike y’Akagera aca i Kayonza ni yo mpamvu twifuza ko umujyi wacu wahabwa ayo mahirwe ugafashwa gutezwa imbere kandi ibi bizadufasha kurushaho kwiteza imbere.”

Mu kwezi kwa 7 uyu mwaka mu ntara y’Uburasirazuba bamurikiwe igishushanyo mbonera cy’ubukerarugendo, kerekanye ko umujyi wa Kayonza uri ahantu heza habereye gutezwa imbere mu bukerarugendo ndetse ukaba ari umujyi ubereye ubucuruzi mpuzamahanga.

Umuyobozi w’Akarere ka Kayonza Murenzi Jean Claude, yavuze ko ibi byifuzo by’abaturage ari ibyo gushyigikirwa.



Yagize ati “Iki ni ikifuzo abanyamuryango batanze kandi twagishyigikiye ku buryo tuzabishyikiriza inzego nkuru, ubu turimo turatera imbere ariko na none iyo umujyi ushyizwe mu mijyi izunganira umujyi wa Kigali hari ibikorwa remezo bigenda byiyongera, bibe byafasha abaturage bacu n’akarere kacu.”

Kugeza ubu imijyi itandatu ni yo yatoranyjwe ku ikubitiro ngo yunganire umujyi wa Kigali, akaba ari yo mpamvu i Kayonza bifuza ko mu cyiciro cya kabiri bazaherwaho bashyirwa mu mijyi izunganira Kigali.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Ngoma:Imiryango itishoboye hafi 7000 imaze korozwa muri gahunda ya Girinka
Ngoma:Imiryango itishoboye hafi 7000 imaze korozwa muri gahunda ya Girinka

Ubuyobozi bw’akarere ka Ngoma butangaza ko kuva gahunda ya Girinka munyarwanda yatangira mu mwaka wa 2006, kugeza ubu inka zimaze korozwa imiryango itishoboye muri aka karere zimaze kurenga 6928. (...)

Ruhango: Abakora muri VUP bamaze amezi 4 badahembwa
Ruhango: Abakora muri VUP bamaze amezi 4 badahembwa

Abaturage bakora mirimo yo gutunganya imihanda no gucukura imirwanyasuri muri gahunda ya VUP mu murenge wa Kinihira ho mu karere ka Ruhango, baravuga ko bamaze igihe kigera ku mezi ane (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.