Advertisement
 
 
 
 
 
 
 
 

Amakuru | Mu Ntara

Kayonza: Abakorera mu gakiriro biyemeje kugira uruganda rw’imyenda   

  Yanditswe na HAKIZIMANA YUSSUF
 5 months ago

 
 

Abadozi bari muri koperative ikorera mu gakiriro ka Kayonza bakoze urugendoshuri mu nganda zikora imyenda ziherereye mu mujyi wa Kigali, mu rwego rwo kureba uko abandi bakora na bo bakabona aho bahera bikorera uruganda rwabo.

Intego nyamukuru y’aba badozi yo gusura inganda z’imyenda i Kigali, bemeza ko ari ukureba uko abandi bakora n’ibyo baheraho by’ibanze kugira ngo nabo babone uruganda rukora imyenda y’iwabo.

Umulisa Claudette ni umwe mu badozi bari mu rugendoshuri yagize ati “Ubusanzwe nkoresha imashini ziboha imipira, i Kigali nahungukiye ubumenyi bwinshi nabonye uburyo abantu bakora akazi batagize imvune cyane kandi bagakora ibintu byinshi icyarimwe, ibi ni byo natwe twifuza turashaka kujya imbere, turifuza gukora uruganda rwacu, kandi ubuyobozi bwatwijeje ko buzadufasha kugera ku byo twiyemeje harimo gushinga uruganda no gukorana n’izindi nganda ziri mu gihugu zikomeye”.

Umuyobozi w’Urugaga rw’abikorera mu karere ka Kayonza Safari Steven, yemeza ko ibyo babonye muri uru rugendo bizabafasha gushishikariza abikorera gushora imari yabo mu ruganda bashaka gukora.

JPEG - 221 kb
Aba badozi bakora mu ruganda rwasuwe n’abakorera mu Gakiriro ka Kayonza

Yagize ati “cyo twabonye ni uko hari ibyo abantu bashobora gushingiraho mu gushinga uruganda kandi bizakunda kuko icya mbere ni uko abantu baba bafite icyo bashingiraho, dushyize hamwe tukagira ubushake icy’agahebuzo ni uko dufite ubuyobozi bw’igihugu budushyigikiye.”

Umuyobozi wungirije mu karere ka Kayonza ushinzwe iterambere ry’ubukungu Uwibambe Consolee yemeza ko igitekerezo cyo gukora uruganda gishoboka, yagize ati “Burya hakomera inzozi ariko kuba hariho ubushake kandi bakaba bafite na koperative hakaba hariho na politiki ya leta yo kugira ngo bunganire abantu bari mu makoperative n’inganda ntoya hifashishijwe amabanki na BDF aho tubona ko bishoboka”.

Koperative yo mu gakiriro ka Kayonza yasuye uruganda rwa UTEXRWA rukora rukanatunganya imyenda, banasura uruganda rwa C and H rukorera muri gice cyahariwe inganda i Masoro.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Kirehe: Ibigwi ’by’Imitavu’ yahinduye imyumvire y’abaturage
Kirehe: Ibigwi ’by’Imitavu’ yahinduye imyumvire y’abaturage

Imitavu ni itorero ry’abana bagera ku 100 bari hagati y’imyaka 6 na 15, rikorera ibikorwa byaryo mu murenge wa Gahara, akarere ka Kirehe. Ibikorwa byaryo bikaba byaragize uruhare mu guhindura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.