Advertisement
 
 
 
 
 
 
 
 

Amakuru | Mu Ntara

Karongi: Mu gutegura ingengo y’imari ikibazo cy’imirire cyatekerejweho   

  Yanditswe na DUSINGIZUMUREMYI VESTINE
 4 months ago

 
 

Muri gahunda yo gusesengura ibizibandwaho mu ngengo y’imari y’umwaka wa 2017-2018, akarere ka Karongi kagaragaje ko 49% by’abana bakiri mu cyiciro cy’abafite imirire mibi, bityo bagomba gufashwa kuyivamo.

Ababyeyi bagaragaza ko imirire mibi y’abana ahanini iterwa n’amakimbirane yo mu ngo n’imyumvire ya bamwe mu babyeyi badategurira abana babo indyo yuzuye, kandi batabuze ibyo kurya.

Nyirabagenzi Clotilde utuye mu murenge wa Rubengera muri aka karere, avuga ko kugira abana bagwingira biterwa n’imyumvire ya bamwe mu babyeyi ikiri hasi.

Mu kiganiro yagiranye n’Imvaho Nshya yagize ati "Ntabwo urugo rwahoramo amakimbirane ngo umwana azarye indyo yuzuye, hari abatazi gutegura indyo yuzuye, hari abarwaza bwaki aho kujyana umwana kwa muganga bakirukira mu bapfumu ngo ni amarozi, hari ababyeyi batazi kwita ku bana ubwabyo, ni byinshi byatera kugwingira k’umwana.”

Naho uwitwa Siborurema Charles, we avuga ko ukutuzuzanya k’umugore n’umugabo, nabyo ari bimwe mu byatera umwana kugira imirire mibi.

JPEG - 1.8 Mb
Ubuyobozi bw’Akarere bwatekereje ku kibazo cy’imirire mibi mu gutegura ibizakoreshw aingengo y’imari

Yagize ati "Buriya umukobwa wabyariye iwabo inda itateguwe nawe ashobora kugira umwana ufite imirire mibi, umugore n’umugabo batuzuzanya bahora mu makimbirane umwana yagira imirire mibi, ubukene nabwo bwatera imirire mibi ku bana.”

Umuyobozi w’Akarere ka Karongi Ndayisaba Francois, avuga ko icy’ingezi ubuyobozi bugomba gukora kurushaho ari ukwegera abaturage, bagasobanurirwa uko bakwiye kwita ku bana babo babarinda imirire mibi n’ingaruka zayo.

Yagize ati "Amahirwe Akarere kacu gafite kurusha ahandi ni amazi, ariko usanga abaturage batagana ibishanga ngo bahinge, birasaba kubegera umunsi ku munsi kugira ngo bagane imibande n’ibishanga bahinge mu gihe cy’izuba bashobore kubona imboga.”

Akomeza avuga ko harimo n’abagira imboga bakazijyana ku isoko aho kuzigaburira abana babo, ugasanga barwaye bwaki nyamara icyakayibakijije barakimariye ku isoko.

Yagize ati "Hari n’abakama amata aho kugira ngo bayahe umwana bakayagurisha ugasanga umwana yarwaye bwaki, hari n’aho Leta yashyizeho guha abana bari mu mirire mibi amata ariko ugasanga ababyeyi barayagurisha. Ibyo byose umunsi ku munsi ni urugamba tugomba gufatanya kurwanya tureba icyateza umuturage wacu imbere cyane cyane duhindura imyumvire ye.”

Abahanga mu mirire bavuga ko mu kurinda umwana kugwingira, agomba kurya indyo yuzuye irimo ibirinda indwara, ibitera imbaraga n’ibyubaka umubiri.

 

Comments

 
 
Kirehe: Abafashwa na FARG Bifuza kugabanyirizwa amafaranga bashoraga mu mushinga
Kirehe: Abafashwa na FARG Bifuza kugabanyirizwa amafaranga bashoraga mu mushinga

Abarokotse Jenoside yakorewe Abatutsi bagera kuri 49, bo mu kagari ka Nyabitare, umurenge wa Nyarubuye bagenerwa inkunga binyujijwe mu kigega gifasha abarokotse Jenoside yakorewe Abatutsi mu 1994 (...)

Rubavu: Abatuye mu mbago z’ikibuga cy’indege cya Gisenyi basonewe imisoro
Rubavu: Abatuye mu mbago z’ikibuga cy’indege cya Gisenyi basonewe imisoro

Inama Njyanama y’akarere ka Rubavu yafashe umwanzuro wo gusonera imisoro abaturage baturiye ikibuga cy’indege cya Gisenyi, nyuma y’imyaka irenga 8 barahagaritswe kugira ibikorwa by’iterambere (...)

Amajyaruguru: Hari kwigwa itegeko rihana abakora uburobyi mu buryo butemewe
Amajyaruguru: Hari kwigwa itegeko rihana abakora uburobyi mu buryo butemewe

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi. Intara (...)

Rubavu: Abamaze imyaka itatu batagira amazi bagiye gusubizwa
Rubavu: Abamaze imyaka itatu batagira amazi bagiye gusubizwa

Akarere ka Rubavu karahumuriza abaturage bamaze imyaka igera kuri 3 batagira amazi mu ngo zabo bakavuga ko bamaze gukora amasezerano n’ikigo cy’igihugu cy’amazi, isuku n’isukura, WASAC, ku buryo (...)

Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.