2017-07-27 14:29:24 clouds 27o High | Kigali Rwanda

Dukurikire:
 
 

Karongi:Imibiri y’abazize Jenoside igiye gushyingurwa mu cyubahiro

Yanditswe na IMVAHO NSHYA

Kuya 2016-04-05 07:20:27

 
Share on:
 
Yasuwe:4
 
Yavuzweho:200
 
10
 
10

Ubuyobozi bw’umurenge wa Bwishyura mu karere ka Karongi, buravuga ko imibiri itandatu y’abazize Jenoside yakorewe abatutsi yabonetse mu tugari dutandukanye tugize uyu murenge, izashyingurwa mu murenge wa Rubengera mu cyumweru cyo kwibuka.

Mutuyimana Emmanuel, Umunyamabanga Nshingwabikorwa w’umurenge wa Bwishyura, asobanura ko iyi mibiri izashyingurwa mu murenge wa Rubengera, kuko mu murenge wabo nta rwibutso rwubatse neza ruhari.

Yagize ati:“Urwibutso dufite ntabwo tukirushyinguramo, rurahari ariko ntirusobanutse ni muri zimwe za mbere, turateganya kwimura imibiri irimo ubu hari gushakwa ahazava inkunga.Ubu hashyinguyemo imibiri irenga ibihumbi 40.Iyo tuzashyingura mu cyumweru cyo kwibuka ni imibiri 6.”

JPEG - 130.2 kb
Urwibutso rwa Jenoside rwa Gatwaro ruri mu murenge wa Bwishyura mu mujyi wa Kibuye (Foto: Vestine D.)

Uyu muyobozi ashima abatanze amakuru y’aho imibiri iri, agasaba abandi baba bazi aho imibiri idashyiguwe iri gutanga amakuru nayo igashyingurwa mu cyubahiro.
Bamwe baturage bo mu murenge wa Bwishyura, nabo basabye abazi amakuru y’ahajugunywe imibiri kuyatanga.

Rugwizangoga Evariste, utuye mu murenge wa Bwishyura, yagize ati:“Mu myaka 22 ntabwo twari dukwiye kuba tugishyingura, twari kuba twibuka gusa, abantu baratanze amakuru y’aho imibiri itarashyinguwe iri, ni byiza ku batanze amakuru n’iriya mibiri ikagaragazwa, ariko ni byiza ko abantu bose bazi amakuru bayatanga.”

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE