Advertisement
 
 
 
 
 
 
 
 

Amakuru | Mu Ntara

Karongi: Abafashamyumvire mu buhinzi bagenewe agahimbazamusyi   

  Yanditswe na DUSINGIZUMUREMYI VESTINE
 1 month ago

 
 

Abafashamyumvire mu buhinzi bo mu karere ka Karongi 43, bahoze bakora imirimo y’iyamamazabuhinzi mu baturage nk’abakorerabushake badategereje igihembo, ubu barishimira ko bagiye kujya bahabwa amanota abahesha agahimbazamusyi.

Bavuga ko iyi gahunda bayitezeho kuzamura umusaruro w’ibikomoka mu buhinzi, kuko abafashamyumvire biyemeje gukorana imbaraga nyinshi, bakarushaho kwegera abahinzi bakabasobanurira uko bakongera umusaruro w’ibyo bahinga.

Mu nama yabaye tariki ya 22 Ugushyingo 2016, abafashamyumvire mu buhinzi, babwiwe ko bagiye kujya bakorera ku manota abahesha ishimwe, uzajya agira amanota 100% azajya ahabwa ishimwe ringana n’amafaranga ibihumbi 120, ugize amanota hagati ya 99 na 70 ahabwe amafaranga ibihumbi 90, ubonye hagati y’amanota 69 na 50 ahabwe amafaranga ibihumbi 60, naho uwagize munsi ya 50 ntagire icyo ahabwa bigakorwa buri gihembwe.

Umufashamyumvire afite inshingano zo gushyiraho ishuri ry’abahinzi, agomba kuba ari umuhinzi mworozi w’intangarugero.

Ngabo Canisius, umufashamyumvire mu murenge wa Rubengera avuga ko imikorere iziyongera kurusha mbere kubera iri shimwe bashyiriweho.

Yagize ati “Ubu tugiye gukorana n’abagoronome, ushinzwe iterambere mu kagari, mbere buri wese yikoreshaga, ubu tugiye gukorera ku manota yo kubona ishimwe.”

JPEG - 633.7 kb
Uyu mufashamyumvire yemeza ko ishimwe bashyiriweho rizazamura umusaruro (Foto Vestine D)

Bimwe mu bibazo bemeza ko bigiye gukemuka birimo imibare y’abajyanama b’ubuhinzi ya baringa, amatsinda ya Twigire Muhinzi ya baringa, aho usanga abari mu matsinda bataziranye, gufasha akarere kwesa umuhigo wo kubaka uturima tw’igikoni dusanga ibihumbi 60 (60,826), kwita ku materasi y’indinganire n’ifumbire ijyamo.

Umuyobozi ushinzwe ubuhinzi mu karere ka Karongi Safari Fabien, avuga ko ubusanzwe abafashamyumvire bari basanzwe bakora ariko bagakorana na RAB kurusha uko bakorana n’akarere, ngo iki gihembwe cy’ihinga umufashamyumvire agomba gukorera ku masezerano yagiranye n’akarere.

Yagize ati “Tugiye kujya dutanga amanota n’agashimwe mu byo bakora mu iyamamazabuhinzi bagakurikiranwa n’umurenge n’akagari, aho agoronome afatanyije n’ushinzwe iterambere mu kagari bazajya bamukurikirana ibikorwa ari gukorera mu mirimashuri yigishirizamo yazarangiza tukamuha ishimwe”.

Uyu muyobozi akomeza asobanura ko y’iyi ya gahunda umufashamyumvire yakora atakora nta manota yahabwaga, bigatuma bamwe banebwa, ugasanga basa n’abirengagije inshingano biyemeje kuzuza.

Ubu rero bakaba biteze ko bazakora bashyizeho umuhate kugira ngo rya shimwe ryabo baribone, ibyo bikazongera ubuhwituzi n’umusaruro.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.