Advertisement
 
 
 
 
 
 
 
 

Amakuru | Mu Ntara

Indangamirwa zatumwe gushakira u Rwanda imbuto n’amaboko   

  Yanditswe na Imvaho Nshya
 4 months ago

 
 

Urubyiruko 346 rwitabiriye icyiciro cya 9 cy’Itorero Indangamirwa rwiyemeje ko rugiye gushakira u Rwanda imbuto n’amaboko aho bari hose ku isi nyuma y’urugendoshuri bakoreye ku mupaka wa Kagitumba uhuza u Rwanda na Uganda.

Ku wa kabiri tariki 12 Nyakanga 2016, uru rubyiruko rwasuye ahari umushinga wo kuhira imyaka mu murenge wa Matimba, Akarere ka Kirehe n’uruganda rukora amakaro (East African Granite Industries).

Rugemintwaza Nepo, Komiseri muri Komisiyo y’Igihugu y’Itorero akaba n’Umutoza mukuru, yatangaje ko izi ntore zitorezwa gutumwa.

Yagize ati “Uru rubyiruko ni Indangamirwa; nk’uko icyivugo cyabo kivuga, turabatuma kuba abaranga b’u Rwanda no kurushakira imbuto n’amaboko aho bari hose ku isi. Ni yo mpamvu tubereka aho u Rwanda ruvuye n’aho rugeze, bityo bakarushako kumva n’uruhare rwabo mu gukomeza kuruteza imbere.”

Uru rubyiruko rwasuye ibikorwa by'iterambere birwibutsa inshingano rufite mu ruhando mpuzamahanga


Dr. Celestin Ntivuguruzwa, Umunyamabanga Uhoraho muri Ministeri y’Uburezi akaba n’Umuhuzabikorwa w’iri torero, yatangaje ko impamvu y’uru urugendo shuri ari uguha amahirwe uru rubyiruko yo kumenya kurushaho igihugu cyabo no kumenya bimwe mu bikorwa by’iterambere u Rwanda rurimo rugeraho.

Yagize ati “Nyuma y’urugamba rwo kubohora Igihugu no guhagarika Jenoside yakorewe Abatutsi, u Rwanda rwahise rutangira urugamba rw’iterambere no kongera kubaka igihugu. Ni byo twaje kwereka rero uru rubyiruko kugira ngo rutangire rubigire ibyarwo, rushake n’ubundi bumenyi bushya mu rugamba rwo gukomeza guteza imbere igihugu cyacu.”



Brig. Gen. Emmanuel Bayingana, Visi Perezida wa Komisiyo y’Igihugu y’Itorero, yamenyesheje abatozwa ko umupaka wa Kagitumba ufite amateka menshi, anabasobanurira ko ariho urugamba rwo kubohora igihugu rwatangiriye, ku ya 1 Ukwakira mu 1990, ubwo abari urubyiruko rwa RPF Inkotanyi bawambukaga baje kurwanirirra igihugu, kurwanya ivangura n’akarengane.

Muri uru rugendo shuri abatozwa bagize amahirwe yo guhura n’Abayobozi batandukanye barimo ab’Akarere ka Nyagatare, Urwego rw’Igihugu rushinzwe Abinjira n’Abasohoka n’ab’Ikigo cy’Igihugu gishinzwe Ubuhinzi.

Iki cyiciro cy’Itorero Indangamirwa kigizwe n’urubyiruko rw’Abanyarwanda biga mu mahanga n’abiga mu Rwanda bahize abandi mu gutsinda neza ibizame bisoza amashuri yisumbuye muri 2015.













Dr. Celestin NTIVUGURUZWA
P.S/MNINEDUC
Course Coordinator

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.