Advertisement
 
 
 
 
 
 
 
 

Amakuru | Mu Ntara

Guverineri wasimbuye Bosenibamwe yahize gukuraho icyuho muri Girinka   

  Yanditswe na NGABOYABAHIZI PROTAIS
 1 month ago

 
 

Guverineri w’Intara y’Amajyaruguru Musabyimana Jean Claude yatangaje ko azashyira imbaraga mu bikorwa bizavugurura imibereho y’abaturage nyuma yo gutorerwa kuyobora Umuryango FPR Inkotanyi muri iyi Ntara.

Yashimangiye ko mu bikorwa agiye gukora mu kuzamura imibereho y’abaturage harimo gukuraho icyuho kikigaragara muri gahunda ya Girinka, manda ye izarangire zimaze guhabwa benshi.

Mu banyamuryango ba FPR Inkotanyi 347 bari bitabiriye inteko rusange idasanzwe yateraniye i Musanze, 340 batoye Guverineri Musabyimana, asimbura Bosenibamwe Aimé wahoze ayoboye iyi ntara.

Yashimangiye ko ibikorwaremezo bizongerwa mu gihe cy’imyaka itanu yatorewe kuyobora, ndetse n’iki cyuho muri girinka kikavaho ku bufatanye n’izindi nzego.

JPEG - 622.4 kb
Guverineri Musabyimana (wa gatatu uhereye iburyo) niwe watorewe kuyobora FPR Inkotanyi mu majyaruguru (Foto Ngaboyabahizi P)

Guverineri Musabyimana yagize ati “Uyu ni umukoro mpawe, nkaba ngiye gukomereza aho abandi bari bagejeje mu kuzamura umuryango no kurangiza ibyo batagezeho. Tuzakomeza kwegera abaturage no kubagezaho ibikorwa remezo birimo imihanda, amavuriro, gukwirakwiza amashanyarazi no gukuraho icyuho kigaragara muri gahunda ya Girinka igomba kugera kuri benshi; ariko ibi byose tuzabigeraho ku bufatanye buzava mu ntore z’umuryango”.

Komiseri Ushinzwe ubukangurambaga mu muryango FPR Inkotanyi ku rwego rw’igihugu Gasamagera Wellars, yibukije abatowe n’ababatoye ko gukorera umuryango bidahagarara, maze abasaba gukora cyane bakava aho bari kandi bakarinda ibyo bagezeho ku nyungu zabo n’iz’abaturarwanda bose.

Muri iyo nteko rusange idasanzwe ya FPR Inkotanyi ku rwego rw’Intara y’Amajyaruguru, hamuritswe ibikorwa bigari bizashyirwa mu bikorwa kuva mu 2017/2024, birimo imihanda minini ya kaburimbo izahuza uturere, ivugururabuhinzi, ibitaro n’ibigo nderabuzima bizubakwa, n’ibindi bikorwaremezo.

Inkuru wasoma kuri gahunda ya Girinka mu karere k’Amajyaruguru kanda hano

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.