Advertisement
 
 
 
 
 
 
 
 

Amakuru | Mu Ntara

Gisagara: Uwishe umugore we n’umwana yakatiwe gufungwa burundu   

  Yanditswe na Umutoni Beatha
 April 2016

 
 

Ntirenganya Jean Bosco yakatiwe igifungo cya burundu n’urukiko rwisumbuye rwa Huye, nyuma yo guhamwa n’icyaha cyo kwica umugore babanaga bitemewe n’amategeko n’umwana yari afite w’imyaka ibiri.

Iki cyaha cyakorewe mu kagari ka Nyakibungo mu murenge wa Gishubi, mu karere ka Gisagara ari naho urwo rubanza rwasomewe.

Imbere y’abaturage bari baje gukurikira urubanza rwe, Ntirenganya Jean Bosco, w’imyaka 37, yiyemereye ko ariwe wishe umugore babanaga mu buryo butemewe n’amategeko, ndetse n’umwana w’imyaka ibiri uyu nyakwigendera yari yarabyaye ku wundi mugabo.

JPEG - 48.6 kb
Ntirenganya Jean Bosco yicishije isuka umugore we n’umwana nyuma abata mu gihuru

Ntirenganya yicishije isuka wari umugore we nyuma yo gusangira nawe inzoga, ngo yamuije ko yamusabye gutaha mu rugo dore ko ngo yari yarahukanye maze arabyanga.

Yemera ko nyuma yo kubica yabahishe mu bihuru, perezida w’iburanisha yatangaje ko umwanzuro w’urubanza wemeje ko Ntirenganya ahabwa igihano cy’igifungo cya burundu.

Abaturage bo mu kagari ka Nyakibungo aho iki cyaha cyabereye bavuga ko bababajwe n’amarorerwa Ntirenganya Jean Bosco yakoze, ariko kandi ngo bishimiye uburyo aciriwe urubanza ari imbere yabo kuko ari n’isomo kuri benshi.

Karasira Yohani yagize ati: “ Ibi ni byiza kuba urukiko rumanuka rukazana umunyacyaha kumuburanishiriza aho yakoreye icyaha, biha isomo abandi baba bafite imitima yo gukora ibyo byaha, ikindi kandi byatumye tumenya ko koko yafashwe, gusa ibi yakoze noi amahano kwiyoicira umugore n’umwana koko.”

Ntirenganya Jean Bosco yasubijwe muri gereza nyuma y’igihe gito yari amaze asoje igifungo cy’imirimo nsimburagifungo ya TIG yari yarakatiwe muri Gacaca nyuma yo guhamwa n’ibyaha bya jenoside yakorewe abatutsi mu 1994.

Umuyobozi w’akarere ka Gisagara Rutaburingoga Jerome, yasabye abaturage kujya batangira amakuru ku gihe, kugirango bakumire ihohoterwa.

 

Comments

 
 
Gakenke: I Rusenge bamaze imyaka 2 bafite amapoto nta mashanyarazi
Gakenke: I Rusenge bamaze imyaka 2 bafite amapoto nta mashanyarazi

Abaturage bo mu mirenge ihuriye kuri santere y’ubucuruzi ya Rusenge, bavuga ko baheze mu icuraburindi, mu gihe ngo bari bijejwe umuriro w’amashanyarazi, none ngo imyaka ikaba ibaye ibiri amapoto (...)

Gatsibo: Kubufatanye n’abaturage, 3 bafatanywe urumogi n’inzoga zitemewe
Gatsibo: Kubufatanye n’abaturage, 3 bafatanywe urumogi n’inzoga zitemewe

Ku bufatanye n’abaturage, Polisi ikorera mu turere twa Nyamagabe na Gatsibo, mu bihe bitandukanye, yafashe ibiyobyabwenge birimo urumogi n’inzoga zitemewe kuri uyu wa kabiri taliki ya 18 Mata 2017. (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.