Advertisement
 
 
 
 
 
 
 
 

Amakuru | Mu Ntara

Gisagara: Nyuma y’amezi 8 adoda yakururiye nyina amazi n’amashanyarazi   

  Yanditswe na UMUTONI BEATHA
 September 2016

 
 

Muhimpundu Marie Claire w’imyaka 23 y’amavuko aratangaza ko yamaze kubona akamaro ko kwiga umwuga nyuma yo kuba mu mezi umunani gusa amaze gushyira amazi n’umuriro w’amashanyarazi iwabo.

Muhimpundu uvuka mu murenge wa Save, Akarere ka Gisagara avuga ko gukora iki gikorwa byamutwaye amafaranga y’u Rwanda asaga ibihumbi 200 ari mu yo yakoreye mu mwuga w’ubudozi.

Kuri ubu, uyu mukobwa avuga ko yamaze gukirigita ifaranga abikesha kwiga umwuga w’ubudozi amazemo amezi umunani gusa ku isoko ry’umurimo.

JPEG - 187.7 kb
Muhimpundu Claire afite gahunda yo kwishingira atelier idodda agaha abandi akazi (Foto Umutoni B)

Avuga ko yabayeho mu buzima bubi akiri umwana, kuko ngo nyina umubyara afite uburwayi bwo mu mutwe kandi yamubyariye iwabo.

Nyuma yo kutagira amahirwe yo gukomeza kwiga ubwo yari arangije mu cyiciro rusange cy’amashuri yisumbuye (tronc commun), yabonye atasiga nyina ngo ajye gukorera amafaranga i Kigali akora akazi ko mu rugo, yiyemeza kujya kwiga umwuga w’ubudozi muri VTC Rwabuye iherereye mu karere ka Huye, aho yarangije amasomo y’amezi 8 mu kwezi k’Ukuboza 2015.

Yagize ati “Nabonye ntasiga mama ngo njye mu buyaya cyangwa kure ye, njya kwiga ubudozi hafi yo mu rugo ngo njye mbona uko ntaha nkomeze kumwitaho.”

Muhimpundu avuga ko ubu aho agiriye ku isoko ry’umurimo akaba adoda, afite byinshi yagezeho, birimo ibikapu ndetse n’amasakozi mato y’abagore avuga ko ubu bimutunze kandi byatumye abasha kwishyirira umuriro n’amazi iwabo nta wumuteye inkunga.

Yagize ati “Ubu mu mezi umunani maze ndi ku isoko ry’umuriro nabonye akamaro ko kwiga umwuga, ubu nashyize amazi n’amashanyarazi mu rugo bintwaye amafaranga asaga ibihumbi magana abiri kandi ntawanteye inkunga.”

Uretse umuriro n’amashanyarazi Muhimpundu niwe ugurira nyina imiti y’uburwayi bwe, kwishyura mituweli ndetse anatunze nyina kandi nawe ngo ntacyo yakenera ngo akibure kadi ngo ntashobora kubura amafaranga asaga ibihumbi ijana kuri konti ye azigamye.

Kuva yatangira gukora uyu mwuga yagize n’impano yo guhimba imideri igakundwa n’abakiriya be, ku buryo ngo buri kwezi imirimo ye imwinjiriza asaga ibihumbi mirongo itanu.

Muhimpundu afite icyizere cy’ejo hazaza kuko ateganya ko mu mwaka utaza azaba yamaze kwishingira ateliye ye y’ubudozi ndetse akanaha abandi akazi.

 

Comments

 
 
Nyamasheke:Abamotari barashinja umuyobozi wabo isesagura ry’umutungo
Nyamasheke:Abamotari barashinja umuyobozi wabo isesagura ry’umutungo

Abamotari bagera ku 147 bibumbiye muri koperative COTRAMONYA ifite icyicaro muri santere y’ubucuruzi ya Tyazo mu murenge wa Kanjongo, mu karere ka Nyamasheke, barashinja umuyobozi wa koperative (...)

Rubavu: Ikigo cy’ishuri kibasiwe n’inkongi bamwe bakigamo basigara iheruheru (Amafoto)
Rubavu: Ikigo cy’ishuri kibasiwe n’inkongi bamwe bakigamo basigara iheruheru (Amafoto)

Ikigo cy’ishuri ryisumbuye cy’itorero ry’Ababatisita, ESBF, giherereye mu kagari k’Umuganda, umurenge wa Gisenyi mu karere ka Rubavu, kibasiwe n’inkongi y’umuriro, ikongora icyumba kiraramo (...)

Nyaruguru:Umuturage wahishe uwahigwaga muri Jenoside yahawe inka
Nyaruguru:Umuturage wahishe uwahigwaga muri Jenoside yahawe inka

Urubyiruko rwibumbiye mu muryango w’abanyeshuri barokotse Jenoside yakorewe Abatutsi (AERG) n’abahoze muri uwo muryango bibumbiye muri GAERG, bahaye inka umuturage wahishe Umututsi wahigwaga mu (...)

Uburengerazuba:Abashinzwe abakozi basabwe kwirinda gushyira Leta mu manza
Uburengerazuba:Abashinzwe abakozi basabwe kwirinda gushyira Leta mu manza

Komisiyo y’abakozi ba Leta irasaba abashinzwe gucunga abakozi mu nzego za Leta, ko babikora kinyamwuga bakurikiza amategeko. Ibi byagarutsweho mu nama ngarukamwaka igamije kunoza imicungire (...)

Nyamasheke:Habaruwe ingo 855 zibana mu makimbirane
Nyamasheke:Habaruwe ingo 855 zibana mu makimbirane

Ubuyobozi bw’akarere ka Nyamasheke n’ubw’inama y’igihugu y’abagore muri aka karere buravuga ko amakimbirane yo mu ngo ahari kandi agenda akura, ku buryo hakenewe ubufatanye bw’abaturage n’inzego zose (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.