Advertisement
 
 
 
 
 
 
 
 

Amakuru | Mu Ntara

Gisagara: Malariya yibasiye bikomeye zone y’ibitaro bya Kibirizi   

  Yanditswe na UMUTONI BEATHA
 5 months ago

 
 

Ubuyobozi bw’ibitaro bya Kibirizi mu karere ka Gisagara butangaza ko muri uyu
mwaka indwara ya Malariya yiyongereye cyane, ndetse igira ubukana bukabije kuko yanahitanye abantu.

Amakuru atangwa n’ubuyobozi bw’ibi bitaro yemeza ko mu mezi atatu ashize, muri zone y’ibi bitaro honyine abantu bagera kuri bane barimo abana batatu bamaze guhitanwa na Malaria, ibi bikaba ngo bigaragaza ubukana bw’iyi ndwara.

Kuva uyu mwaka watangira, imibare y’abarwayi ba Malaria ikaba yarakomeje kugenda izamuka cyane muri ako karere, nk’uko ubuyobozi bw’ibi bitaro bubigaragaza.

Muri rusange muri aka karere ka Gisagara, kuva umwaka watangira abarwayi basaga ibihumbi cumi na bine bagaragaweho n’indwara ya Malariya.

JPEG - 298 kb
Gasengayire asaba abaturage kudatinda kwivuza igihe barwaye kuko Malariya ari indwara mbi

Dr. Mulumba Andre Gideon, uyobora ibitaro bya Kibirizi by’agateganyo, avuga ko impamvu z’izamuka ry’iyo mibare muri zone ibyo bitaro biherereyemo, ahanini ngo biterwa n’imyumvire ya bamwe mu baturage batari basobanukirwa n’akamaro ko kwirinda kuruta kwivuza.

Yagize ati "Usanga abaturage bagifite imyumvire iri hasi badakurikiza inama bagirwa zo kwirinda malariya, ubundi banarwara ugasanga batinze kujya kwivuza ku gihe."

Ni muri urwo rwego mu ngamba zafashwe zo kugabanya iyo mibare harimo kongera gutera umuti wica imibu mu nzu z’abaturage, bigizwemo uruhare n’ingabo z’igihugu.

Umuyobozi w’Akarere ka Gisagara wungirije ushinzwe imibereho myiza y’abaturage Gasengayire Clemance, yongera kwibutsa buri muturage akamaro ko kurara mu nzitiramibu, nubwo hari na gahunda yo gutera umuti mu nzu zabo.

Yagize ati "Dukomeza gukora ubukangurambaga mu baturage ngo abagifite imyumvire idasobanutse bayireke ahubwo bakomeze bitabire kurwanya ibyatera malariya, icyo kandi tubabwira ni uko kuba babatereye umuti mu mazu ntibisimbura kutarara mu nzitiramibu nk’uko baba babyibeshyaho. Ingamba zo kuyihashya ziracyakomeje kandi twifuza ko mu mwaka wa 2018 nta muturage uzaba akicwa na Malariya muri aka karere."

Gahunda yo gutera umuti wica imibu mu nzu z’abaturage mu karere ka Gisagara, kuri ubu igiye gukorwa ku nshuro ya gatandatu, ikaba igiye kugirwamo uruhare n’ingabo z’igihugu, cyane cyane inkeragutabara.

Ni igikorwa kizamara iminsi 21 kiri muri gahunda ya Minisiteri y’Ubuzima yo kurandura Malaria burundu cyane ko iyi ndwara ivugwaho kuba yarazamutse mu myaka itatu ishize cyane cyane mu turere tw’amayaga nko mu karere ka Bugesera, Nyagatare n’ahandi.

 

Comments

 
 
Kirehe: Ibigwi ’by’Imitavu’ yahinduye imyumvire y’abaturage
Kirehe: Ibigwi ’by’Imitavu’ yahinduye imyumvire y’abaturage

Imitavu ni itorero ry’abana bagera ku 100 bari hagati y’imyaka 6 na 15, rikorera ibikorwa byaryo mu murenge wa Gahara, akarere ka Kirehe. Ibikorwa byaryo bikaba byaragize uruhare mu guhindura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Gakenke:Mutoze abana kwitandukanya n’ingengabitekerezo ya Jenoside-Musabyimana
Gakenke:Mutoze abana kwitandukanya n’ingengabitekerezo ya Jenoside-Musabyimana

Guverineri w’Intara y’Amajyaruguru Musabyimana Jean Claude, yasabye ababyeyi kwitandukanya n’ingengabitekerezo ya Jenoside kandi bakabitoza abana babo, mu rwego rwo kwirinda ko Jenoside yazongera (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.