Advertisement
 
 
 
 
 
 
 
 

Amakuru | Mu Ntara

Gashenyi: Kuvugira kuri telefoni bibasaba kuzamuka imisozi   

  Yanditswe na NGABOYABAHIZI PROTAIS
 1 week ago

 
 

Abaturage bo mu murenge wa Gashenyi, mu karere ka Gakenke, bavuga ko kugira ngo bavugane n’abagenzi babo kuri telefone ngendanwa, bibasaba gukora urugendo rurerure buriye imisozi myinshi, aha kandi ngo hiyongera ho kuba batabasha kumva radiyo, no kureba televiziyo.

Ibi byose abaturage bavuga ko babiterwa no kuba nta minara iba muri kiriya gice.

Abaturage bo mu kagari ka Rutabo muri uyu murenge wa Gashenyi bavuga ko ngo aribo bagirwaho n’ingaruka nyinshi, ku birebana n’itumunaho rya telefone, ndetse na televiziyo kuri ubu akaba ari inzozi kubera imiterere y’uyu murenge w’imisozi miremire.

Umwe mu baturage bo mu kagari ka Rutabo Hakolimana Alphonse yagize ati“ Kuba nta huzanzira tugira rya telefone, ni ibintu biduheza mu bwigunge, no mu bukene ntabwo nakubwira ngo mfite imari baranzanira nk’umucuruzi izangerereho ku gihe kuko niba ntazamutse iyi misozi ureba inkikije ntelefone mbone uko nakira imari.

Ikindi kandi ubu nko mu gihe naramuka ngize ikibazo cy’umutekano muke, gutanga amakuru ntibyoroshye, cyane ko guhamagara bituma utabarwa vuba none se umukuru w’umudugudu ubu namugeza ho amakuru nte?, turi mu baturage basigaye inyuma mu buryo bw’itumanaho mu gihugu cyacu turasaba ko inzego zibishinzwe zaturenganura tukava mu icuraburindi.”

Uyu mugabo yongeraho ko ngo kuri bo televiziyo bo bayumva nk’amateka kubera ko ngo ni yo bayitunga itakwerekana amashusho, radiyo yo bakoresha udukwege bashinga ku giti giteye ku nzu.

Ubuyobozi bw’Akarere ka Gakenke bwo buratangaza ko mu minsi mike aba baturage baraba bavuye mu bwigunge.

Umuyobozi w’Akarere ka Gakenke Nzamwita Deogratias avuga ko umunara ugiye gushyirwa ho uzakemura ibibazo byinshi aba baturage bafite, aha ni ho ahera avuga ko bashonje bahishiwe.

Yagize ati “Kuri ubu hateganyijwe kubakwa umunara ku musozi wa Kabuye, kandi ikibanza cyarangije kuboneka RBA yaje kugisura aho izubaka umunara, aha rero birashoboka ko n’izindi sosiyete zitumanaho zizafatiraho maze abakiliya babo bakabona itumanaho mu buryo bworoshye”.

Umunara uramutse wubatswe ku musozi wa Kabuye waha ihuzanzira (network) na bamwe mu baturage bo mu turere twa Burera na Gicumbi bihana imbi n’aka karere ka Gakenke.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ngoma: Akarere karishyurira ES Mutenderi umwenda wa miliyoni 80
Ngoma: Akarere karishyurira ES Mutenderi umwenda wa miliyoni 80

Ubuyobozi bw’Akarere ka Ngoma buvuga ko bwahawe isomo rikomeye n’ideni ry’amafaranga y’u Rwanda agera kuri miliyoni 80 akarere karimo kwishyurira ishuri ryisumbuye rya Mutenderi (ES Mutenderi), (...)

Karongi: Imirima y’abaturage imaze imyaka 4 yarigaruriwe na rwiyemezamirimo
Karongi: Imirima y’abaturage imaze imyaka 4 yarigaruriwe na rwiyemezamirimo

Bamwe mu baturage bo mu mirenge wa Rugabano na Rubengera mu karere ka Karongi, barasaba ko bahabwa uburenganzira bwo kubyaza umusaruro imirima yabo, kuko kuyegurira rwiyemezamirimo babibonamo (...)

Nyamasheke: Akarere gahangayikishijwe n’ingurane z’abaturage zatinze kuboneka
Nyamasheke: Akarere gahangayikishijwe n’ingurane z’abaturage zatinze kuboneka

Ubuyobozi bw’Akarere ka Nyamasheke buravuga ko buhangayikishijwe n’ikibazo cy’abaturage 324 bafite imitungo yabo yangijwe mu ikorwa ry’umuhanda Nyamasheke-Karongi, magingo aya bakaba batarahabwa (...)

Rwamagana: Hanenzwe ababyeyi bahorana intonganya mu ngo
Rwamagana: Hanenzwe ababyeyi bahorana intonganya mu ngo

Minisitiri w’ubutegetsi bw’igihugu Kaboneka Francis, arasaba abanyarwanda kubungabunga umutekano w’igihugu, ariko ugahera mu ngo zabo, abarara barwana bakabyihana kuko nabyo bibarwa mu bihungabanya (...)

Rusizi: Abapasiteri 21 bageze mu zabukuru bagabiwe inka
Rusizi: Abapasiteri 21 bageze mu zabukuru bagabiwe inka

Itorero Méthodiste Libre mu Rwanda ryagabiye inka abapasiteri 21 bageze mu zabukuru, mu rwego rwo kubafasha kugira amasaziro meza. Ubuyobozi bw’iri torero bwemeza ko ari ubwa mbere gahunda nk’iyi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.